與YOASOBI舊作撞旋律 COLLAR新歌被網民質疑抄襲

網民指負責作曲、編曲及監製是知名音樂人C.Y. Kong多年來都不只一次被質疑抄襲。

COLLAR今日（29日）推出新歌《Gotta Go!》，同時亦是她們代言的運動飲品的廣告主題曲。新歌今日在電台首播，旋律輕快，充滿青春氣息，不過就有大量網民覺得個旋律很耳熟，與日本二人組合YOASOBI的歌曲《向夜晚奔去》（夜に駆ける）旋律相似。

COLLAR今日推出新歌《Gotta Go!》，同時是代言產品的廣告歌。

觀看相關影片按連結：https://youtu.be/gR3jaxz3-eA

《向夜晚奔去》是YOASOBI的出道作，MV在YouTube有2.5億點擊率，可見有幾受歡迎。歌曲節奏雖然輕快，但故事卻是描述一名女子想搵男友陪她一同自殺的故事。

有網民質疑《Gotta Go!》抄襲YOASOBI的歌曲《向夜晚奔去》。

觀看相關影片按連結：https://youtu.be/x8VYWazR5mE

觀看相關影片按連結：https://youtu.be/_7w_DeB-cSg

今日有網民於「連登討論區」以「X你Collar新歌抄Yoasobi」為題出Po，認為成首歌都有啲同《向夜晚奔去》撞旋律，而約中後段就更為相似，有網民表示：「完全一樣。」帖文引來大量網民討論，好多人都認為真係有啲似，仲話即使唔係抄歌都好，《向夜晚奔去》咁出名，作曲人都應該避免撞旋律，又覺得錯不在COLLAR，創作團隊負責較大。有網民甚至將兩首歌疊埋一齊，製成影片上載YouTube，等其他網民評評理。不過都有網民力撐音符來來去去都係嗰啲，撞旋律唔出奇。

有網民出Po討論。

網民有同感。

真係似到咁？

有網民認為即使唔係明抄，但首歌咁出名都應該避嫌。

而此歌作曲、編曲及監製是知名音樂人江志仁（C.Y. Kong），他曾為王菲、張國榮等人作曲及擔任歌曲監製，近年更是天王陳奕迅的御用監製。早前COLLAR推出的出道歌《Call My Name!》亦是由他監製，COLLAR出道記者會他亦有到場支持，睇嚟將來仲有大把合作機會。不過其實C.Y. Kong多年來都不只一次被網民質疑抄襲，討論區亦不只一名網民表示：「CY都唔係第一次抄歌」、「CY Kong唔係第一次抄Jpop，之前《妖治時代》已經抄《Humanoid》」。

COLLAR新歌作曲人為C.Y. Kong（右五）。

C.Y. Kong（中）是天王天后御用作曲、編曲及監製。

有網民重提之前陳蕾作曲兼主唱的《妖治時代》，找來C.Y. Kong編曲，當時已有網民指編曲方式與日本組合ZUTOMAYO的歌曲《Humanoid》極為相似，有COLLAR Fans希望團隊認真為作品把關。

有網民質疑C.Y. Kong非首次陷抄襲風波。

之前就曾有網民質疑由C.Y. Kong編曲的《妖治時代》，有抄襲之嫌。

C.Y. Kong與COLLAR合作愉快。

Winka自爆錄影「Chill Club」前緊張到失眠。

樂隊Nowhere Boys（NWB）最近與人氣女團COLLAR成員陳泳伽（Winka）推出合唱歌《異人之野望》，MV中打機過關的動漫情節深受樂迷喜愛，大讚有型兼熱血。他們日前為ViuTV音樂節目「Chill Club」錄影，首次以Live Band形式表演新歌。雖然琴鍵兼小提琴手漁佬因外遊未有現身，不過依然無阻四子與Winka Rock爆錄影廠。Winka自爆緊張到失眠，感激NWB的「軍醫」結他手Ken於MV拍攝當晚出手相救。

樂隊Nowhere Boys與COLLAR成員Winka以Live Band形式表演新歌《異人之野望》。

NWB與Winka「黑Rock」型爆Look現身錄影廠，一埋位綵排火速進入狀態，喚醒心中的搖滾魂，順利完成拍攝後更互相擊掌大叫好玩。首次以Live Band形式合唱《異人之野望》，Winka錄影前一晚緊張到失眠。她說：「因為我太耐無夾Band，同埋好耐無唱過Band嘅歌。​​噚晚有少少緊張，但去到現場戴晒耳機感受到你哋嘅氣場。頭先綵排咗兩次，我就開始進入狀態，呢首歌唱完有叉返電嘅感覺。」主音Van提議要多些現場演繹新歌，Winka同意並提議說：「不如以後你哋出任何騷都帶埋我去。」NWB一眾成員立即豎起手指公表示贊成，Van表示歡迎，「嘩，咁我哋就會有更多觀眾睇啦！」

NWB與Winka「黑Rock」型爆Look現身錄影廠。

回想《異人之野望》創作過程，Van表示歌曲在Demo時名字是《Coins》，講一個關於「推銀機」遊戲的故事。他說：「當不停入錢，通常都係會輸。但一中Jackpot時，啲金幣不停冧落嚟，就係想寫嗰一吓快感，所以漁佬彈琴方法都係好似有嘢冧落嚟嘅感覺。呢首歌想講每個人都有機會爆發，成為一個英雄。」他們將新歌故事告訴填詞人Oscar，繼而寫出一首充滿日本動漫感覺的歌曲，MV導演亦拍了有關忍者的故事。

Van

首次與NWB合作，Winka已經與各人打成一片，她形容Van就如「大佬」一樣照顧所有人，更感激「軍醫」Ken於MV拍攝當晚出手相救。Van解釋說：「平時邊個Bandmate冧咗，都會有軍醫，佢就係阿Ken，因為佢有祖傳穴位按摩。」他隨後分享拍MV的趣事，更大讚Winka非常專業。Van說：「Winka拍MV前一晚只係瞓咗一個鐘就要嚟拍打戲，大家睇MV就知佢同Nate打得幾狠。打咗成日，拍埋Band Shot已經拍咗14、15個鐘，見佢面青口唇白，就問佢介唔介意俾阿Ken按摩。」

爽快回應說：「唔介意！按完之後醒咗，啲血即刻通咗，衝咗上個腦度。」

Winka感激「軍醫」Ken於MV拍攝當晚出手相救。

今次的合作開心又順利，將來會再有音樂上的合作嗎？他們異口同聲表示「好想」。Van提議將Winka的個人單曲改成搖滾版，而Winka則表示已經有諗法，更叫樂迷敬請期待，還一臉滿足表示《異人之野望》完整了心中的版圖，「之前未有歌表達我嘅熱血同中二病，呢首歌完整咗呢個位置。」Van笑說：「最鍾意同中二病人合作，你睇下我哋之前合作過嘅人。」Winka興奮說：「成日幻想自己係女殺手，睇完啲特務戲，我又會幻想自己係。（Van：咁你要拍多啲戲。）不如搵我做多啲女殺手，我好願意。」

Winka與NWB都異口同聲表示「好想」再合作。