Ivy So變身甜蜜仙子 與8米高糖果打卡晒「冧樣」笑容融化全場

由2025年11月14日起至2026年1月4日，一群調皮可愛的糖果兵團將糖粉灑滿太古城中心，讓大家享受普天同慶的Merry Sweetmas！無論你是GenZ潮流達人，還是希望與孩子共度溫馨時光，太古城中心都邀請各位成為Sweetmas甜蜜專員，齊齊與糖果朋友一起捧腹大笑，享受聖誕佳節！糖果兵團包括平安夜曲奇、士的糖、粟米糖、泡泡糖等聚首一糖，和你拆開最大型的甜蜜聖誕！走進商場中庭，活潑Q彈的熊仔笑笑糖及間條夥伴巨型士的糖已等待多時，引領各位Sweetmas甜蜜專員進入中橋的甜蜜總部，一同展開刺激甜滋滋的快樂冒險。

人氣女團COLLAR成員Ivy（蘇雅琳）以甜美仙氣形象俘虜大批粉絲，為慶祝聖誕節，太古城中心特別邀請Ivy@COLLAR為「Sweetmas」主題活動擔任甜蜜專員，現身與多個打卡位合照之餘，還率先與粉絲挑戰現場互動遊戲，更即場跳加入聖誕音色元素的COLLAR團歌《Riding High》散播滿瀉甜蜜能量，讓大家齊齊於太古城中心「LIVE HAPPY 快樂識放」！

Ivy為「Sweetmas」主題活動擔任甜蜜專員

甜滋滋

現身與多個打卡位合照

好多位可以打卡

近年人氣急升的Ivy向來以甜美仙氣、活力四射的形象示人，更熱衷分享正能量與音樂魅力！今次商場巧妙打造巨大化糖果樂園，熱愛甜食的她一到達會場，就被繽紛奪目的超巨型糖果裝置深深吸引，馬上擺出可愛姿勢與8米高搞怪士的糖打卡合照，向鏡頭綻放招牌甜笑，瞬間冧暈現場粉絲！Ivy興奮分享：「平時我都好鍾意聖誕節嘅甜蜜氛圍，今次嚟到太古城中心覺得好似進入咗糖果世界咁，平時細細粒嘅糖全部變成巨型可愛版，勁有驚喜呀！」被問到最愛的糖果角色，為食的她更笑言自己十分貪心：「場內有好多款我細細個已經有食過嘅糖，好似蟲蟲糖同熊仔笑笑糖咁，全部我都想揀！不過要揀最可愛嘅一定係表情多多嘅聖誕布甸，一拍個盒就會有唔同Cute爆嘅表情出現，大家都記得嚟太古城中心搵自己鍾意嘅糖打卡留念！」

被繽紛奪目的超巨型糖果裝置深深吸引

擺出可愛姿勢

擺出可愛姿勢

Ivy興奮分享：「平時我都好鍾意聖誕節嘅甜蜜氛圍」

熊仔糖由細食到

全部變晒巨型裝飾

勁可愛

除了打卡以外，Ivy更化身表情達人，鬼馬模仿場內同樣表情多多嘅聖誕布甸，令全場笑聲不斷！她更即席邀請粉絲率先試玩「曲奇快趣挑戰」拍拍燈遊戲，在限時30秒內擊中最多數量的亮燈朱古力豆，贏家更可獲得由太古城中心送出的Sweetmas限定小禮物！出名遊戲高手的她輕鬆展現神級反應力，一舉手一投足都散發仙氣光芒，成功征服全場，迷倒一眾粉絲心！

點少得同聖誕樹影相

近鏡一樣咁靚

為提早於甜絲絲的太古城中心慶祝聖誕，Ivy更即場獻舞，大跳加入聖誕歌混音的COLLAR團歌《Riding High》送給久候的粉絲，引起現場粉絲連連尖叫與掌聲！被問到聖誕節會否再快閃海外，Ivy就笑指工作都安排得密密麻麻：「近幾年聖誕都排滿咗工作，好似嚟緊都為年尾嘅倒數活動努力排練緊，所以都計劃留喺香港做嘢，每年聖誕最想同屋企人同埋COLLAR隊友一齊食大餐，不過為咗年尾活動都要忍口一排先。就算飛唔到，都可以探索香港充滿聖誕氣氛嘅地方，好似呢度（太古城中心）咁特別又可愛，有機會想同朋友同屋企人再嚟影相！」活動尾聲，意猶未盡的Ivy把握機會與粉絲大合照之餘，更化身溫暖的聖誕老人，向大家大派超可愛的太古城中心「熊仔笑笑糖」糖衣掛飾盲袋，讓粉絲們都滿載甜蜜而歸！最後她亦熱情呼籲大家趁聖誕節齊聚太古城中心，盡情感受獨一無二的Merry Sweetmas！

化身溫暖的聖誕老人，向大家大派超可愛的太古城中心「熊仔笑笑糖」糖衣掛飾盲袋

大批粉絲到場支持

同粉絲有甜蜜互動

粉絲們都滿載甜蜜而歸

逐個粉絲合照

香港遊樂場協會麥花臣場館年度音樂盛事  「麥花臣節2026」於1月14日假 P’Artiste 舉行記者會，隆重公佈今屆音樂盛會的完整演出陣容！每年麥花臣場館於一月至四月期間舉辦年度「麥花臣節」，以「Chill住入場睇 Live Show」為主題打造音樂盛宴，大會特意為各單位準備以輕鬆為主題的「扭蛋」，讓入場觀眾有置身嘉年華的氣氛。

麥花臣節2026

一眾歌手合照

大合照

眾人一同出席「麥花臣節2026」記者會

今年的全陣容單位包括頭炮壓陣的農夫，其公司「農作天下」首次以主辦單位身份開騷 — 廣東話棟篤笑大賽「港笑」，重磅回歸為傳承棟篤笑文化，門票早已宣布全部售罄。兩人更發揮搞笑本色，在扭蛋內放入480元現金，C君笑謂：「我哋率先做返香港棟篤笑嘅傳統─回水！」提到香港棟篤笑始祖、與農夫亦師亦友的黃子華，他們說：「佢都好支持，亦都好想嚟，不過而家忙緊拍電影，所以嚟唔到。但係有好多前輩走嚟同我哋講，唔好淨係掛住推廣，都要搵吓錢，即係大家都計到個騷，唔係好賺錢，仲要花好多心力。」

新世代結他手及音樂人 Teddy Fan直言今次屬「打大佬」級演出，笑謂雖然有很多好友，但活動上「全部唔提」，他表示：「我費事大家淨係睇佢哋，唔睇我。其實我唔算係個鍾意音樂嘅人，但係我好鍾意表演，今次放個結他pick入扭蛋，因為結他幫我做到自己鍾意嘅嘢。有時為咗自己鍾意嘅嘢，都係頂硬上，堅持去做一定有成績。今次個騷一定會好『行』，大家會跳到好攰嘅，拭目以待啦！」

初次solo登上舞台演出的Tiger，表示將會編排cover不同曲風的歌

新世代結他手及音樂人 Teddy Fan直言今次屬「打大佬」級演出

農夫放現金入大會扭蛋，笑言率先回水

Gordon Flanders

Marf表示對個唱已有很多構思

初次solo登上舞台演出的Tiger@MIRROR，將以全新舞台魅力展現實力，又表示將會編排cover不同曲風的歌，希望為觀眾帶來驚喜，他把有份參與的劇集《存酒人》的紀念品放入扭蛋：「拍呢個劇，令我大開眼界，同埋想提醒大家堅持！」他又感謝麥花臣的邀請，自嘲從未想過開個人騷：「我得四首歌咋，一個騷要唱兩個鐘，每首歌我要唱四次，所以今次個騷會有好唔同嘅做法，大家期待吓。」

同樣，首度以個人身份開騷的Marf@COLLAR，繼續以型格魅力演出，透露將度身訂造歌單rock爆舞台，Marf為扭蛋準備的禮物相當有心思，她說：「我會準備三封手畫嘅信，包括：喜、怒、哀，同埋呢個貓貓玉掌嘅燈，我平時好鍾意用啲好大嘅袋，成個黑洞咁，所以有呢個燈就好有安全感。」

最後是將推出新歌的Gordon Flanders，因為曾在日本讀書，經常會用浸腳包放鬆身心：「所以我特登為大家準備呢個浸腳包，畀大家放鬆吓身心。」去年許下的願望成真，今年成功開個人騷，憑其風格鮮明的作品與渲染力，相信能為演出增添驚喜。由農夫率領多位新世代實力唱將接力演出，以耳目一新的 solo 表演和 Chill 爆氛圍，合力打造今年最具話題的現場音樂體驗。

除了歌手單位以外，大會更特別安排「MusicSus 延音–青少年街頭音樂表演擴展計劃」的青年學員，於各場演出中擔任暖場嘉賓，記者會上即席為歌手與延音學員進行配對，讓15至24歲的追夢青少年獲得公開演出的機會，為本地音樂注入滿滿新世代活力。這項由香港遊樂場協會（HKPA）支持的計劃，不僅為年輕音樂人提供優質平台發掘潛力之「聲」，更推廣「Chill住入場睇Live Show」的音樂文化，讓觀眾感受純粹的Live魅力與藝術熱血！

為讓入場觀眾更投入「Chill住入場睇Live Show」的體驗，於場外 Wellness Corner 特別設置扭蛋機互動區，扭蛋內隨機藏有由遊協旺角青少年綜合服務中心「Uown Art & Cafe樂眠咖啡室」藝術組青年、上葵及青衣青少年綜合服務中心親製的小手作，包括：手繪祝福風鈴、手鏈、香水膏、滴膠匙扣、流體熊吊飾、甜滋滋糖果及捏捏樂，完美呼應音樂節的至 Chill 氛圍！

今年麥花臣節相當熱鬧，實有賴一眾陣容鼎盛的支持機構，包括旺角 T.O.P.商場、ChargeSpot、允記集團、The Club及KKBOX，為觀眾提供多項優惠，一同凝聚音樂動力。為了讓更多樂迷零距離投入「Chill住入場睇Live Show」的火熱氣氛，麥花臣節每場演出將推出限定免費門票，有興趣人士只需登入麥花臣場館Instagram（@macpherson_stadium）回答指定問題，即有機會贏取免費麥花臣節門票，入場感受本地音樂Live的力量。機會難得、不容錯過！