麥花臣節2026強勢陣容Chill爆舞台首兩場演出已爆滿 Teddy Fan農夫Tiger Marf Gordon Flanders齊集輪住開騷

香港遊樂場協會麥花臣場館年度音樂盛事  「麥花臣節2026」於1月14日假 P’Artiste 舉行記者會，隆重公佈今屆音樂盛會的完整演出陣容！每年麥花臣場館於一月至四月期間舉辦年度「麥花臣節」，以「Chill住入場睇 Live Show」為主題打造音樂盛宴，大會特意為各單位準備以輕鬆為主題的「扭蛋」，讓入場觀眾有置身嘉年華的氣氛。

麥花臣節2026

一眾歌手合照

大合照

眾人一同出席「麥花臣節2026」記者會

今年的全陣容單位包括頭炮壓陣的農夫，其公司「農作天下」首次以主辦單位身份開騷 — 廣東話棟篤笑大賽「港笑」，重磅回歸為傳承棟篤笑文化，門票早已宣布全部售罄。兩人更發揮搞笑本色，在扭蛋內放入480元現金，C君笑謂：「我哋率先做返香港棟篤笑嘅傳統─回水！」提到香港棟篤笑始祖、與農夫亦師亦友的黃子華，他們說：「佢都好支持，亦都好想嚟，不過而家忙緊拍電影，所以嚟唔到。但係有好多前輩走嚟同我哋講，唔好淨係掛住推廣，都要搵吓錢，即係大家都計到個騷，唔係好賺錢，仲要花好多心力。」

新世代結他手及音樂人 Teddy Fan直言今次屬「打大佬」級演出，笑謂雖然有很多好友，但活動上「全部唔提」，他表示：「我費事大家淨係睇佢哋，唔睇我。其實我唔算係個鍾意音樂嘅人，但係我好鍾意表演，今次放個結他pick入扭蛋，因為結他幫我做到自己鍾意嘅嘢。有時為咗自己鍾意嘅嘢，都係頂硬上，堅持去做一定有成績。今次個騷一定會好『行』，大家會跳到好攰嘅，拭目以待啦！」

初次solo登上舞台演出的Tiger，表示將會編排cover不同曲風的歌

新世代結他手及音樂人 Teddy Fan直言今次屬「打大佬」級演出

農夫放現金入大會扭蛋，笑言率先回水

Gordon Flanders

Marf表示對個唱已有很多構思

初次solo登上舞台演出的Tiger@MIRROR，將以全新舞台魅力展現實力，又表示將會編排cover不同曲風的歌，希望為觀眾帶來驚喜，他把有份參與的劇集《存酒人》的紀念品放入扭蛋：「拍呢個劇，令我大開眼界，同埋想提醒大家堅持！」他又感謝麥花臣的邀請，自嘲從未想過開個人騷：「我得四首歌咋，一個騷要唱兩個鐘，每首歌我要唱四次，所以今次個騷會有好唔同嘅做法，大家期待吓。」

同樣，首度以個人身份開騷的Marf@COLLAR，繼續以型格魅力演出，透露將度身訂造歌單rock爆舞台，Marf為扭蛋準備的禮物相當有心思，她說：「我會準備三封手畫嘅信，包括：喜、怒、哀，同埋呢個貓貓玉掌嘅燈，我平時好鍾意用啲好大嘅袋，成個黑洞咁，所以有呢個燈就好有安全感。」

最後是將推出新歌的Gordon Flanders，因為曾在日本讀書，經常會用浸腳包放鬆身心：「所以我特登為大家準備呢個浸腳包，畀大家放鬆吓身心。」去年許下的願望成真，今年成功開個人騷，憑其風格鮮明的作品與渲染力，相信能為演出增添驚喜。由農夫率領多位新世代實力唱將接力演出，以耳目一新的 solo 表演和 Chill 爆氛圍，合力打造今年最具話題的現場音樂體驗。

除了歌手單位以外，大會更特別安排「MusicSus 延音–青少年街頭音樂表演擴展計劃」的青年學員，於各場演出中擔任暖場嘉賓，記者會上即席為歌手與延音學員進行配對，讓15至24歲的追夢青少年獲得公開演出的機會，為本地音樂注入滿滿新世代活力。這項由香港遊樂場協會（HKPA）支持的計劃，不僅為年輕音樂人提供優質平台發掘潛力之「聲」，更推廣「Chill住入場睇Live Show」的音樂文化，讓觀眾感受純粹的Live魅力與藝術熱血！

為讓入場觀眾更投入「Chill住入場睇Live Show」的體驗，於場外 Wellness Corner 特別設置扭蛋機互動區，扭蛋內隨機藏有由遊協旺角青少年綜合服務中心「Uown Art & Cafe樂眠咖啡室」藝術組青年、上葵及青衣青少年綜合服務中心親製的小手作，包括：手繪祝福風鈴、手鏈、香水膏、滴膠匙扣、流體熊吊飾、甜滋滋糖果及捏捏樂，完美呼應音樂節的至 Chill 氛圍！

今年麥花臣節相當熱鬧，實有賴一眾陣容鼎盛的支持機構，包括旺角 T.O.P.商場、ChargeSpot、允記集團、The Club及KKBOX，為觀眾提供多項優惠，一同凝聚音樂動力。為了讓更多樂迷零距離投入「Chill住入場睇Live Show」的火熱氣氛，麥花臣節每場演出將推出限定免費門票，有興趣人士只需登入麥花臣場館Instagram（@macpherson_stadium）回答指定問題，即有機會贏取免費麥花臣節門票，入場感受本地音樂Live的力量。機會難得、不容錯過！

MIRROR成員江𤒹生AK推出全新單曲《傷心萬里通》，邀得 Wyman（黃偉文）首度合作填詞，並由潘宇謙作曲、Nick Wong 編曲及陳考威監製。歌詞巧妙地以飛行里數比喻一段無法兌現的愛情關係，深刻刻畫出投入付出卻得不到回應的遺憾。

MIRROR成員江𤒹生（AK）推出新歌《傷心萬里通》。

首度與黃偉文（Wyman）合作填詞。

AK透露起初收到歌詞時感到十分驚喜，能夠首度與Wyman合作感到非常高興，亦相當佩服對方能將飛行里數概念注入情歌。他表示：「邀請到Wyman幫我填詞係非常之開心！佢對每首歌都有好獨特嘅見解。今次佢用呢個理數去比喻一段得不到嘅愛情故事，我完全諗唔到，呢個比喻方法真係好犀利。」AK亦提到自己花了些時間消化歌詞，希望能精準投入概念，演繹出這段無疾而終的情感。

拍攝時AK與守宮「波仔」對戲，自爆被嚇至大叫，要向牠道歉。

今次MV故事講述一個男仔遇上心儀女生並傾盡心思追求，可惜兩人之間未遇上最好時機，加上誤會最終無法走到一起，再次讓愛情落空。女主角方面，AK 特別找來小師妹 Day（許軼@COLLAR）擔綱，同時AK亦會為Day即將推出的新歌 MV 擔任男主角。兩首新歌 MV 採用罕見的「雙故事串聯」模式，AK 說：「兩個故事喺同一個 MV 中互相關聯係個創新嘗試。之前同佢影過一次雜誌，今次算係第一次合作拍 MV，拍攝時間比上次長，感覺好新鮮亦好特別。」

MV邀得Day（許軼@COLLAR）任女主角。

Day

除了阿Day之外，拍攝現場更邀請了一位爬蟲類特別嘉賓——守宮「波仔」同場演出，為 MV 增添不少豐富元素。雖然 AK 坦承對爬蟲類動物有點戒心，但依然放膽嘗試，拍攝期間更發生一段爆笑小插曲。AK 說：「其實我對爬蟲類真係有啲驚，但因為 MV 中講條守宮係我養，導演想我同佢多啲交流，叫我試吓將佢屋企舉起，點知佢突然郁……我唔小心大叫左，嚇親佢，我要同波哥（守宮）講聲唔好意思！」AK期待樂迷能透過《傷心萬里通》感受這份獨特的愛情共鳴，並笑言希望大家聽歌之餘，亦能投入這部充滿心思與視覺驚喜的 MV 作品。

以飛行里數比喻無法兌現的愛情。

兩首新歌MV以「雙故事串聯」模式呈現。