Marf推單曲《海》喻平靜破難關 談自我成長 目標療癒聽眾

女團COLLAR成員Marf（邱彥筒），日前推出年度第三首單飛作品《海》，今次曲風以鮮有的慢歌為主，希望透過旋律予人紓壓的感覺，為配合主題，Marf專誠到龍蝦灣石灘出海拍攝歌曲MV，身穿單薄襯衣的她，在天氣轉涼的情況仍然落水，在風浪下由朝拍到晚，表現專業。

發掘小朋友聲
《海》顧名思義以海為主題，希望透過海帶給人一種療癒的感覺，Marf表示：「呢首歌畀人好自然嘅感覺，好似一首瞓唔着聽嘅純音樂咁，無論喺唱歌定歌曲背景，都會有海浪聲同海鷗聲，就係想畀大家好舒服感覺，亦希望大家可以感受到我對海嘅感覺，海畀到我一種好放鬆、自由感。」Marf還笑說歌曲有另一特點：「另一個特質，經過今次嘗試，發現到自己把聲原來都幾有小朋友感覺。」

為拍攝《海》MV，Marf專誠到龍蝦灣石灘出海拍攝，她說：「唔想辜負歌名，想畀大家見到海，置身海中、聽海浪聲嘅感覺，希望用畫面去呈現。」雖然在鏡頭前，Marf在水中呈現出舒服感，但鏡頭後，Marf卻凍得騰騰震，身穿單薄襯衣的她，每次Cut機都要穿上羽絨保溫。縱使拍攝過程「艱苦」，但她依然可以苦中作樂，Marf指：「冇諗過呢度係熱門散步嘅地方，見到有好多狗，當我拍攝期間，畀個假髮箍到個頭就快裂開嘅時候，有兩、三隻唐狗向我投懷送抱，令我有一種好安慰感覺。」

記錄成長想法
此外，《海》是Marf繼《I’m Marf-elous 》後，再一次為MV落水拍攝，未知兩首歌曲是否有前後呼應？Marf認為兩首歌可以說是記錄她的成長及對事情想法：「兩首歌嘅MV都係同一個導演，同佢感受上、諗法會容易Connect，再次同佢合作，第一下諗法就同《I’m Marf-elous 》關連番；兩首歌可以話係講唔同時段嘅我，之前《I’m Marf-elous 》講堅強堅毅突破難關，面對困難依然係搏到盡，而今次都係面對困難，但就會平靜好多，其實硬淨一段時間，都會攰，攰就要搵出口，而呢首歌就做咗個出口畀自己。上次首歌講我被捉去做實驗，所以不斷逃跑，今次我喺海上飄浮，已經唔記得所有發生過嘅事，煩腦冇咗，海洋將所有事情沖淡。」

女團COLLAR成員Winka陳泳伽，昨日（7月22日）推出年度第二支個人歌曲《好好照顧自己》，繼續以歌曲療癒心靈。今次MV再接再厲以家居背景為主兼出動愛貓tata外，還請來COLLAR好姊妹Gao沈貞巧，擔任幕後，親自操刀為MV拍攝及剪片，打造一個最「寫實」的Winka。

COLLAR成員陳泳伽（Winka）推出年度第二首個人單曲《好好照顧自己》。

以愛為主題，傳遞愛惜自己訊息。

《好好照顧自己》由徐浩作曲及監製、T-Rexx填詞、Yikin Lo編曲，以情為主題，希望透過歌曲，傳遞出愛錫自己的訊息，Winka表示：「我比較重視於愛，呢個愛唔單只係愛情，而且係友誼同工作上，我好重視人與人之間嘅愛共情，我相信呢個世界唔講『愛』就會冇意義！」Winka續說：「 我嘅作品一如既往想大家好好照顧自己！就算未識好好照顧自己，都希望有我嘅歌曲陪住大家一齊慢慢成長。」

MV延續家居背景，愛貓tata驚喜客串。

Winka透露下個心願是請Marf為作品擔任stylist。

愛貓tata再客串
為了呈現出最真最貼近Winka的一面，MV承接《起身洗面》的特色，繼續以家居作背景， Winka說：「今次希望同上一個MV有少少連結，所以依然係屋企景。」Winka更透露：「有趣嘅係，當我哋拎Memo紙空鏡嘅時候，tata自動入鏡！我哋之後剪片嘅時候，都笑話tata的而且確幾有上鏡天份，最可愛係發現佢原來真係識得望鏡頭交戲！所以決定喺MV入面比多兩個鏡頭佢！」

除了外在環境，今次MV亦融入Winka的內心世界，她專程邀請了Gao擔任MV幕後拍攝及剪片，二人由《全民造星IV》到成為COLLAR隊友，了解甚深，難怪拍攝過程全憑默契，毋須事前左夾右夾，Winka稱：「我記得曾經在訪問中，我表達過呢份心願，想Gao為我操刀拍MV，當時我真係咁諗，唔係開玩笑，所以私底下我都成日同Gao講，不如你幫我拍下一個MV吖，佢每次都答『好啊』，今次終於實現心願；我相信我哋咁熟悉對方，佢見到我嗰面，同素未謀面導演見到我嘅一面，絕對係唔同，所以出嚟嘅作品都一定唔同，會拍出唔同面向，而且有溫度嘅我。」提到下一個心願？Winka笑言期待邀請COLLAR另一位成員Marf邱彥筒，為她的作品擔任stylist。

Winka邀得好姊妹Gao沈貞巧擔任幕後拍攝剪接，憑多年默契拍出最寫實、有溫度的Winka。