全民造星家族破天荒齊集澳門舞台狂歡倒數 MIRROR元旦開騷與粉絲共度2026第一天

萬眾期待，全民造星家族首度強勢襲澳，明日（11月10日）引爆撲飛狂熱，一觸即發！

成軍七年的MIRROR，聯同全民造星家族成員COLLAR、ERROR、LYMAN、P1X3L、ROVER以及5G，旋風式登陸澳門新濠影滙綜藝館，鐵定12月31號除夕夜，聲勢浩大、一晚限定合演《King Maker Fest : Countdown to 2026》演唱會，最強陣容唱爆最chill好歌，全民造星家族更破天荒齊集澳門舞台，偕粉絲一同倒數迎接2026年，尖叫聲勢必震耳欲聾，撼動整個場館！

《King Maker Fest : Countdown to 2026》

踏入元旦，再掀新一波鏡式風暴！MIRROR將1月1日這個重要日子，奉獻予《MIRROR First Day 2026》演唱會，作為揭開2026年序幕的重磅專場演出，十二子將帶來全新舞台體驗，傾力跳唱最多首耳熟能詳的經典金曲，為粉絲精心打造一個獨特而不可復刻的元旦日。澳門新濠影滙綜藝館勢將完全被MIRROR粉絲的熱情籠罩，興奮爆錶！

《MIRROR First Day 2026》

主辦單位金光娛樂文化表示，全民造星家族成員首次總動員在澳門演出 ，MIRROR亦已有一段時間沒有合體舉行大型演唱會，日期更分別鎖定除夕及元旦兩大重要節慶，消息一出，粉絲急欲搶飛的心情可以想像，兩場澳門《King Maker Fest : Countdown to 2026》及《MIRROR First Day 2026》演唱會肯定也是一票難求。

至於粉絲最關心的演出內容，金光娛樂文化透露，難得邀請全民造星家族成員登陸澳門舞台，製作上將精益求精，務求為觀眾留下開心而難忘的回憶，以除夕演唱會為例，各組成員除了使出渾身解數，傾力表演自家作品以外，更會有多幕不同組合的crossover 特別環節，MIRROR X COLLAR？ERROR X P1X3L？LYMAN X ROVER X 5G？為達至驚喜效果，詳情目前暫且保密，但可以確定的是，從2025年跨越2026年的黃金時刻，三十多位全民造星家族成員將會整齊列陣，在澳門舞台與粉絲狂歡倒數，造就樂壇歷史性震撼一章！

COLLAR

ERROR

LYMAN

P1X3L

ROVER

P1X3L與5G葛綽瑤、許寶恆、何洛瑤、楊安妮、 鍾卓穎

撲飛狂熱，一觸即發！建行（亞洲）Visa信用卡的客戶，可於11月10日（星期一）下午2時至11月11日（星期二）晚上11月59分，在Cityline售票平台獨家優先購票，獨享福利！

演出日期：2025年12月31日（星期三）
演出時間：晚上10:00
票價：$1,888 / $1,688 / $1,388 / $988（所有票價均為固定座位）
演出地點：澳門新濠影滙綜藝館

《MIRROR First Day 2026》
演出日期：2026年1月1日（星期四）
演出時間：晚上7:00
票價：$2,388 / $1,888 / $1,488 / $1,088（所有票價均為固定座位）
演出地點：澳門新濠影滙綜藝館

樂壇女子組合COLLAR繼Marf邱彥筒、Winka陳泳伽、Sumling李芯駖與Day許軼先後「單飛」出歌後，昨日（3月12日）隊中兩大「 仙界女神」 Ivy蘇雅琳與Candy王家晴，亦宣布同時推出首支個人單曲《給你一隻大口仔》與《直白》。日前二人分別為新歌拍攝MV，期間她們表示為揀選合適曲風及主題，絞盡腦汁，最後她們不約而同挑選慢歌作頭炮，實行攜手一切從「柔」開始。

Ivy蘇雅琳推出首支個人單曲《給你一隻大口仔》。

Candy王家晴亦宣布同時推出首支個人單曲《直白》。

Ivy在新歌《給你一隻大口仔》中首次填詞，希望透過歌曲分享她的經歷及感受，從而令所有正在努力中的人，都有一種被擁抱與關愛的感覺，她說：「呢首歌嘅靈感係來自自己花名『大口蘇』，呢個名陪咗我咁多年，開始覺得象徵住自己好開心一面。其實當知道要出Solo時，大家想見到點樣嘅Ivy So，點樣嘅Ivy So先會令大家滿意，到開始諗Idea、填詞都改咗好多版本，所以每個過程都係好大挑戰，多謝好多人幫忙完成呢首歌，希望大家會喜歡。」

Ivy首度挑戰填詞。

新歌靈感源自花名「大口蘇」，希望透過歌曲傳遞擁抱與關愛的感覺。

愛情故事作包裝
至於Candy的新歌《直白》，榮幸地請來Wyman黃偉文填詞，歌曲以愛情故事作包裝，帶出面對所有關係，都要直接表達自己想法及感受，不要轉彎抹角，亦不要互相猜度，Candy說：「MV入面嘅故事，唔係個人經歷，不過用咗一個故事嚟展現我Character，自己係一個幾直白同簡單嘅人，呢首歌都對自己作一個提醒，對家人都要直接啲，表達對屋企人嘅感受同愛，有時我好怕醜，唔敢對家人講『我愛你』、『多謝』等。」

Candy則獲黃偉文（Wyman）填詞，以愛情故事包裝「直白」個性，提醒自己對家人勇敢表達愛意。

過往COLLAR成員單飛出歌，都有不俗成績，未知Ivy與Candy可有壓力？Ivy表示：「超有，所以嗰時諗出咩類型歌，諗咗好耐，畀咩面向嘅我大家睇，諗咗好耐，我揀咗唔會令自己後悔，選擇展現Deep Down自己嘅一面。」而Candy則表示壓力並非來自隊友的成績：「壓力來源，唔係來自佢哋嘅成績，由團到Solo真係好唔同，喺團入面好多事都有一班好姊妹分擔，Solo就自己面對，所以會有壓力同擔心，但講到成績，當然希望大家聽完會鍾意，同埋有共鳴。」

二人同時出歌，強調互相扶持冇比較，更一齊討論宣傳，感情要好。

正面交鋒互扶持
兩人同時出歌「正面交鋒」又可會比較？Candy指：「我哋知道同時出Solo，由揀歌到錄音，我哋都會互相分享，我哋仲一齊討論，一齊拍咩片宣傳，我覺得同Ivy由《造星IV》開始就好有緣分，好多嘢都一齊經歷，我哋係互相扶持，互相陪伴。」Ivy同樣認為一起出歌，感覺二人有一種陪伴的感覺：「係驚大家以為我哋有比較，其實我哋自己冇諗呢啲嘢，我哋好多嘢都有互相Share。」