吳保錡新歌《負評王》MV電影級製作揭社會殘酷面 破天荒邀得女神李彩華強勢加盟圓夢合作

ERROR成員吳保錡Poki早前已推出的全新個人單曲《負評王》，歌迷期待已久的MV昨日（6月23日）正式首播！《負評王》這首歌旨在傳遞「直面負面，方能活出真實」的訊息，鼓勵大眾在充斥負能量的現實中，不必刻意迎合虛假的樂觀，唯有擁抱自己的負面情緒，才是與自己和解的開始。 今次Poki不僅親自參與MV概念構思，更成功邀請到女神李彩華（Rain）回港出演女主角。MV以黑白強烈對比的電影感視覺，刻畫出現實社會中被踐踏與操控的無奈，震撼人心。

Poki早前推出的全新個人單曲《負評王》。

成功邀請到女神李彩華回港出演MV女主角。

今次MV的概念由Poki與導演共同構思，將自己投射於角色中，反思生活、工作以及現實中遭遇的種種經歷。Poki透露MV啟發自他喜愛的電影《Sin City》的抽離感，特別採用黑白畫面，僅讓某些特定顏色突出。

觀看相關影片按連結：https://youtu.be/_rKmcaWI7nc

MV中最具視覺衝擊的一幕，是Poki慘被大量波鞋、皮鞋、高跟鞋甚至童鞋狠狠投擲。Poki沉重解釋背後的社會隱喻：「因為呢個社會上，其實無論咩階層、咩背景嘅人，都有機會去踐踏你。但你好多時唔能夠反抗，好多事都要『硬食』、好似被綁架咁硬食所有嘢。你亦唔可以出嚟解釋太多，因為解釋可能就等於掩飾。我好想喺MV入面表達到呢個咁真實嘅社會議題。」

拍攝花絮

拍攝花絮

拍攝花絮

拍攝花絮

談到邀請Rain擔任女主角的原因，Poki直言全因對方的電影演員身份，能令MV質感昇華、電影感更厚重。原來Poki自小便是Rain的影迷：「以前看《百分百感覺》、《黑白道》，仲有《打雀英雄傳》都不斷重複睇！自從認識左佢之後，就一直好想同佢合作。佢絕對係我哋香港一個具代表性嘅藝人，如果可以同一個香港代表性嘅藝人合作，對我講，都係喺娛樂圈入面留低咗一個足印。」

拍攝花絮

拍攝花絮

拍攝花絮

對於今次能夠成事，Poki表示萬分感激：「今次能夠搵到Rain做女主角，我真係萬分、萬分、萬分嘅感激！佢嘅參與令到MV真係好睇咗超級多，好有睇頭，亦都畀咗我呢啲後輩好大好大嘅動力，多謝阿Rain！」在MV中，Rain飾演一個幕後大玩家的角色，控制著一切，隱喻著辦公室政治或社會上層的操控者。

Rain在MV中飾演一個幕後大玩家的角色。

被問到為何會一口答應Poki的邀請，Rain透露二人經朋友介紹認識了一段時間，雖然不算認識了很久，但一直非常欣賞對方：「我覺得佢對於自己嘅工作好有Heart，我覺得好正！而且導演之前同我哋溝通過，大概成件事嘅走向都係要靚、要有型，製作真係好好。同導演傾嘅時候，都已經主動問過我，譬如當中有食煙嘅鏡頭，會唔會好介意？我覺得拍出嚟效果有型嘅話，絕對可以配合！」Rain更坦言來到拍攝現場後大開眼界，完全是她無想過，原本以為只是拍個MV，但現場完全是電影感製作，更加感受到整隊攝製隊的真誠、好有心的態度。

李彩華Rain

組合ERROR成員肥仔（梁業）推出全新個人單曲《錯》，一改以往風格，首度挑戰搖滾Band Sound 曲風。今次肥仔全面參與曲、詞創作環節，期望大眾除了注意其舞蹈實力外，亦能看到他在音樂創作上的用心與突破。肥仔更透露 2026下半年將繼續專注音樂發展，除計劃再推出另一首 Solo 歌曲外，亦已籌備開設個人 Channel 進行 Live 演唱，與歌迷有更多交流。

RROR成員肥仔（梁業）推出全新個人單曲《錯》，首度挑戰搖滾Band Sound曲風，更參與曲、詞創作。

《錯》由肥仔與Will、Jamie共同作曲，T-Rexx與肥仔聯手填詞，並由肥仔及Will共同擔綱監製。肥仔笑言平日大家較集中看他跳舞，所以今次下足功夫參與創作，希望呈現一個全新的音樂形象。為配合歌曲主題，肥仔特意在曲風中間加入一段沉靜的Bridge位，希望聽眾聽歌時能沉澱情緒，進入自己的意識海去思考何謂「錯」，以及如何拿捏與身邊人的關係。

歌曲靈感源自ERROR一段低迷時期，他坦言自己性格固執，多得隊友阿Dee（何啟華）親自點醒，才意識到問題所在。

談及新歌《錯》的創作概念，肥仔表示靈感源自ERROR曾經歷的一段低迷時期。當時團隊面對不少挑戰與失誤，啟發他思考「人如何面對錯誤」。肥仔坦言自己性格固執，最初未必意識到問題所在，多得隊友阿 Dee（何啟華）親自點醒，說：「我今次首歌歌名叫做《錯》，人成日都會犯錯，但往往俾人鬧嘅時候大家都會垂頭喪氣。我覺得人應該勇於承認錯誤，今次我用咆哮式嘅方式認錯，想用一個豪爽嘅態度去面對。因為我哋 ERROR 其實都係『錯』嘅一種，歌詞入面『錯就是我、錯我亦犯過、錯就在我、我就是錯』，呢四句係我自己諗出嚟，好代表到我。」

歌詞中「錯就是我、錯我亦犯過」四句，正是他咆哮式認錯的態度，希望用豪爽方式面對錯誤。

肥仔分享道，人往往最難承認錯誤，但只要願意放低姿態，聽取身邊人的意見，才能有所進步：「按星座講我算係死牛一邊頸，好固執，最初自己犯錯係唔會覺嘅。後尾係阿Dee親口同我分析，我先意識到自己真係有錯、有做得唔啱嘅位置。」肥仔人要進步，就要勇於接受自己的不完美。願意放低姿態同人相處，其實好多事情都會順暢好多。

MV拍攝獲談善言、楊天宇等好友撐場，場面熱鬧。

拍攝 MV 當日，肥仔找來一班好友幫手。故事講述肥仔在台上演出時，整個過程不停出現意外與犯錯，令不少觀眾不滿離開，但一班忠實歌迷極力挽留，最終肥仔憑著堅持做出精彩演出。

拍攝現場更出現不少驚喜。肥仔本來只私下邀請了兩三位好友，沒想到導演暗中召集了他整班打 Pickleball 的好朋友前來情義相撐，當中包括：談善言、楊天宇（Angus）、黃浚銘（波仔）、黃溢濠、葛綽瑤（Yoyo）、周芷慧（阿提）及李煥林等。肥仔感嘆道：「今日最驚喜係 Angus，佢喺角色上面發揮得淋漓盡致，演技簡直大爆發！波仔個角色亦好適合佢，拍嘅時候我笑到飆眼水。大家咁力撐，我真係無以回報，基本上請食飯係基本啦，我帶佢哋去食嘅一定唔會差！」

肥仔與談善言合照。

對於未來的發展，肥仔透露 2026 年下半年將會把重心全面放在音樂事業上。除了正在籌備的下一首個人單曲外，他亦開始經營個人 Channel，說：「我今年嘅Plan仲會有一首Solo歌。另外呢排自己開始搞緊一個 Channel，主要想唱下 Live 同大家傾下偈。自己唱 Live 嘅機會未必真係咁多，所以想自己衍生一個平台出嚟，多做音樂相關嘅嘗試。只要有人鍾意聽，過嚟傾下水玩下我都好開心。」

肥仔透露下半年將專注音樂發展，計劃再推Solo歌及開設個人Channel與歌迷交流。