男子組合ERROR日前到新城廣播接受葉文輝（啤梨）主持的《梨事會》訪問，宣傳相隔近一年半推出的最新團歌《我們不分》。四位成員梁業（肥仔）、何啟華（阿Dee）、郭嘉駿（193）及吳保錡在訪問中分享新歌創作理念，並大談團隊現狀及個人未來動向。
訪問一開始，ERROR便自爆這次合體「有期限」，笑言只去到7月，皆因眾人各有各忙，要遷就時間合作並不容易。談及相隔年半終於推出新團歌《我們不分》，他們笑言是一個「延續」，「我哋不嬲都係慣咗好耐先會出一首歌，你知我哋慢工出細貨㗎嘛！想揀得好好聽咁樣送畀大家。」
今次《我們不分》是ERROR繼《我們不碎》、《我們不Chok》及《我們很帥》後的「我們系列」第四部曲，而取名「不分」有多重意義：「不分離同唔結婚，其實你不分離就已經好似結婚咁浪漫，都係一輩子嘅事。」
而《我們不分》將有另一個合唱版本，邀得一位女前輩合唱。他們大賣關子：「嗰個嘉賓係未透露嘅，女聲、女前輩、女姐姐。」阿Dee補充，新版本編曲和Key稍有不同，希望營造寶麗金年代的合唱金曲感覺。
各人亦在訪問中分享個人發展，肥仔透露正籌備個人單曲，今年希望放下跳舞，嘗試其他風格；保錡主力發展自媒體，熱衷剪片及研究新科技；阿Dee專注電影之餘，將於8月底至9月中參演舞台劇《你好，打劫！Return》，挑戰120分鐘一氣呵成的演出，「我都擔心會唔會好急尿，演出時好容易緊張，好多舞台劇演員都一樣，去到最後一刻，硬係要放埋嗰幾滴，放輕個人先再上台。」193則透露剛推出新歌《呆等》，並正拍攝一個陣容強大的新綜藝節目。
ERROR成員吳保錡Poki早前已推出的全新個人單曲《負評王》，歌迷期待已久的MV昨日（6月23日）正式首播！《負評王》這首歌旨在傳遞「直面負面，方能活出真實」的訊息，鼓勵大眾在充斥負能量的現實中，不必刻意迎合虛假的樂觀，唯有擁抱自己的負面情緒，才是與自己和解的開始。 今次Poki不僅親自參與MV概念構思，更成功邀請到女神李彩華（Rain）回港出演女主角。MV以黑白強烈對比的電影感視覺，刻畫出現實社會中被踐踏與操控的無奈，震撼人心。
Poki早前推出的全新個人單曲《負評王》。
成功邀請到女神李彩華回港出演MV女主角。
今次MV的概念由Poki與導演共同構思，將自己投射於角色中，反思生活、工作以及現實中遭遇的種種經歷。Poki透露MV啟發自他喜愛的電影《Sin City》的抽離感，特別採用黑白畫面，僅讓某些特定顏色突出。
觀看相關影片按連結：https://youtu.be/_rKmcaWI7nc
MV中最具視覺衝擊的一幕，是Poki慘被大量波鞋、皮鞋、高跟鞋甚至童鞋狠狠投擲。Poki沉重解釋背後的社會隱喻：「因為呢個社會上，其實無論咩階層、咩背景嘅人，都有機會去踐踏你。但你好多時唔能夠反抗，好多事都要『硬食』、好似被綁架咁硬食所有嘢。你亦唔可以出嚟解釋太多，因為解釋可能就等於掩飾。我好想喺MV入面表達到呢個咁真實嘅社會議題。」
拍攝花絮
拍攝花絮
拍攝花絮
拍攝花絮
談到邀請Rain擔任女主角的原因，Poki直言全因對方的電影演員身份，能令MV質感昇華、電影感更厚重。原來Poki自小便是Rain的影迷：「以前看《百分百感覺》、《黑白道》，仲有《打雀英雄傳》都不斷重複睇！自從認識左佢之後，就一直好想同佢合作。佢絕對係我哋香港一個具代表性嘅藝人，如果可以同一個香港代表性嘅藝人合作，對我講，都係喺娛樂圈入面留低咗一個足印。」
拍攝花絮
拍攝花絮
拍攝花絮
對於今次能夠成事，Poki表示萬分感激：「今次能夠搵到Rain做女主角，我真係萬分、萬分、萬分嘅感激！佢嘅參與令到MV真係好睇咗超級多，好有睇頭，亦都畀咗我呢啲後輩好大好大嘅動力，多謝阿Rain！」在MV中，Rain飾演一個幕後大玩家的角色，控制著一切，隱喻著辦公室政治或社會上層的操控者。
Rain在MV中飾演一個幕後大玩家的角色。
被問到為何會一口答應Poki的邀請，Rain透露二人經朋友介紹認識了一段時間，雖然不算認識了很久，但一直非常欣賞對方：「我覺得佢對於自己嘅工作好有Heart，我覺得好正！而且導演之前同我哋溝通過，大概成件事嘅走向都係要靚、要有型，製作真係好好。同導演傾嘅時候，都已經主動問過我，譬如當中有食煙嘅鏡頭，會唔會好介意？我覺得拍出嚟效果有型嘅話，絕對可以配合！」Rain更坦言來到拍攝現場後大開眼界，完全是她無想過，原本以為只是拍個MV，但現場完全是電影感製作，更加感受到整隊攝製隊的真誠、好有心的態度。
李彩華Rain
