ERROR 暌違年半再出團歌 高調回應風波昭告《我們不分》

自2024年12月推出《野舞士》後，ERROR 暌違近一年半，6月4日終於推出最新團歌《我們不分》！今次新歌不僅打破長時間的「團歌歌荒」，更請來強大班底重量級打造，以愛情為包裝，同時憑歌寄意，間接回應近期的風波，向樂迷及大眾宣告 ERROR 四子「不分」的堅定決心。

%RROR暌違近一年半，6月4日）推出最新團歌《我們不分》，邀得周耀輝填詞、何秉舜監製，延續《我們不碎》、《我們不Chok》、《我們很帥》的「我們」系列第四部曲。

對於讓樂迷苦等年半才推出新團歌，隊長 FatBoy（梁業）發揮幽默本色解釋：「我哋 ERROR 不嬲都係慣咗好耐先會出一首歌嘅，你知我哋慢工出細貨呀嘛！想揀得好好聽咁樣送俾大家。」至於為何選擇在此刻推出，FatBoy 直言是為了給樂迷帶來連環驚喜：「大家都成日話3哥、保錡未復出，咁我哋一次過，等佢哋出完歌，連續三步曲俾個衝擊大家！」

新歌以愛情為包裝，暗藏兄弟情，憑歌寄意回應近期風波，昭告四子「不分」的堅定決心。

提及今次的新歌陣容，Poki（吳保錡）充滿信心：「新歌嘅班底有周耀輝老師填詞，仲有好了解我哋嘅何秉舜（陳丙），為 ERROR 度身訂造呢首歌。雖然表面講愛情，但內裡亦關於兄弟情。周耀輝老師就更加寫到我哋『不分』嗰種感覺，真係錦上添花！不論喺兄弟情或者愛情路上，大家都一定要有『我們不分』嘅結果。」

193（郭嘉駿）透露今年將從多方面努力，研究不同形式的演出。

新歌《我們不分》其實暗藏玄機，是延續 ERROR 以往《我們不碎》、《我們不Chok》、《我們很帥》系列的第四部曲作品。Dee（何啟華）詳細分享了這個構思的由來：「今次叫得《我們不分》，其實最主要原因係因為填詞人係周耀輝老師。《我們很帥》已經係七年前周耀輝老師畀我哋嘅作品，對上一次同佢合作亦都係五年前嘅《I Promise》。」Dee 表示，最初聽到監製何丙的音樂時，感受到一份極致浪漫、甜絲絲的感覺，便認定主題必須圍繞愛情，而周耀輝老師的詞正能產生完美的化學效果。

談到「不分」的雙重意義，Dee 表示四子已從男孩子進入男人階段，面對社會上「過30歲就要談婚論嫁」的規範，他們想探討另一種長久的愛：「不分離同不結婚，其實你不分離就已經好似結婚咁浪漫，都係一輩子嘅事。而且，呢個歌名亦都有少少回應到我哋最近嘅一啲風波。當我哋重振旗鼓出返嚟嘅時候，亦都秉承、間接回應咗我哋團隊嘅團魂，就係我哋都係『不分』！」此外，Dee 透露今次ERROR 更大膽嘗試了全新的 Harmony 混音與高低音合唱，希望帶到俾大家新鮮感。

FatBoy更預告MV將有「重量級」女主角登場，延續「自肥」傳統。

至於ERROR今年會否再有團歌或舉辦演唱會，193（郭嘉駿）率先披露今年的動向：「今年我哋會從多方面去努力。開唔開演唱會？我哋可能會有一啲其他形式嘅show，或者我哋都會努力研究吓呢一方面，咁希望大家期待！」而被問到 MV會否有女主角， FatBoy 隨即大賣關子，預告將有「自肥」驚喜：「女主角方面呢……你知我哋 ERROR 不嬲都自肥開㗎啦！女主角嚟講，絕對會有個重量級嘅嘉賓將會出現！」

ERROR最新團歌《我們不分》已於各大音樂平台上架。

視后佘詩曼（阿佘）向來人緣極好，相識滿天下，與金像影后吳君如、MIRROR成員Edan（呂爵安）及ERROR成員肥仔（梁業）更是圈中著名的「雀友」，不時相約決戰「四方城」！近日，眾人又齊聚展開激烈的麻雀大戰！

佘詩曼

佘詩曼不時與吳君如、MIRROR及ERROR成員相約打麻雀。

不過好似成日輸......

佘詩曼在IG晒出與吳君如、Edan、肥仔、阿Dee（何啟華）及楊偲泳的合照，並幽默寫道：「見到呢個組合，應該知我哋又開戰喇～」她更自爆被佘媽媽取笑是去「進貢」給肥仔，「我同媽咪FaceTime，佢問我：『你今日去邊呀？』我話同肥仔佢哋打牌囉。媽咪話：『嘩，又去進貢俾肥仔呀！』我信心滿滿咁答佢：『放心，我feel到今日會贏！』阿媽話：『有信心都係好嘅。但係你邊夠人打吖。』（一盤冷水淋過嚟！嗰團火都熄熄哋…）」

 這場「視后VS頂流」的麻雀局激戰到凌晨三點，翌日佘媽媽關心戰果時，佘詩曼無奈承認自己「輸到PK」，「前所未有輸咁多（$xxxx）！跟住佢就話：『吖～嗰個肥仔點解咁勁嘅呢？唉，你唔好再同佢打喇！』我話：『唔緊要啦，當交吓學費囉，名師出高徒吖嘛！』」

佘詩曼IG圖片

雖然輸錢，但佘詩曼都收穫了滿滿的感動，將於5月28日踏入51歲生日的她透露打牌打到一半時，Edan、肥仔和阿Dee突然集體藉口說去洗手間，而且「消失」了很久，「突然間聽到君如哈哈聲大笑，原來準備咗兩個蛋糕！雖然我輸咗金錢，但係贏咗友誼，多謝大家！」