邵美琪（Maggie）、陳靜（Dada）、林寶玉（Connie）、林雪、何華超、Joe Junior、張達明、車婉婉等晚上出席主演的電影《被消失的凶案》首映禮；久未公開露臉的Maggie以低胸連身褲性感到場，狀態和身型都fit爆，不過就表示因與年邁的母親同住、所以拍照時不便脫口罩，而粉絲就趁機向她送花及大青蛙公仔。笑問Maggie是否寓意她找到了自己的青蛙王子？她笑謂：「唔知點解會送畀我，可能整蠱我，又可能送畀我扮有個王子。（有否追求者？）哈哈，笑咗就算。（粉絲似乎更為著緊？）她們應該是希望我開心。」
《被消失的凶案》今晚舉行首映禮。
邵美琪全程冇除口罩，事關她與年邁母親同住，要非常小心，避免中招。
提到保養得宜，Maggie表示沒有刻意減肥或戒口，不過自己一向注重健康飲食，加上疫情下經常忙玩煮飯仔，笑稱現在什麼也煮得到，因有網上教學；但鏡頭前煮食就不敢因有壓力。問到有否異性品嘗過她的廚藝？她笑謂：「有朋友試過、但朋友唔會話唔好食，媽咪亦從來冇say no，不過如果煮畀男人食就要等我煮得再好啲先。」
點擊看圖輯
邵美琪全程冇除口罩，事關她與年邁母親同住，要非常小心，避免中招。
邵美琪話好多藝人疫情下留在內地等開工，呼籲有Job就搵佢哋先。
一出場就有粉絲送花又送公仔。
似唔似Fan meeting呀？其實係首映禮呀！
問到有否做運動幫助修身？Maggie謂：「我唔識做運動㗎！雖然都跟過發哥（周潤發）行山，但我唔似發哥咁堅持可以日日行，再且還要發哥遷就我的程度，事旦關我屬BB班、仲係初生嬰兒學爬行的階段；我亦冇鵬哥（盧海鵬）咁勤力，所以有時我都係響屋企附近自己行吓。」談到工作，她稱等候導演的安排，不諱言疫情最嚴峻之時也曾有少少擔心過工作。問到會否到內地工作？她笑稱要視乎有幾多錢，繼而才正經說：「我都想，但最重要是隔離期，不過其實有好多藝人正在內地等候工作，他們很慘很辛苦，應該找他們先，希望大家都有工作。」
邵美琪話好多藝人疫情下留在內地等開工，呼籲有Job就搵佢哋先。
由《降魔的》、《跳躍生命線》方駿釗監製、《他來自江湖》、《創世紀》邵麗瓊編審的輕鬆動作喜劇《X Wallet 呈獻：臥底嬌娃》，本周一至周五晚八點半翡翠台播出結局周。
暴怒樣真係好癲。
見到阿女冇事，即刻溫柔晒。
昨晚（3月26日）播出的24集《臥底嬌娃》相當催淚，劇中「搞笑擔當」的朱皮／「豬皮」（關曜儁Leo飾），為了拯救「心目中的真正大佬」潘奕風（馬貫東飾）、及《無間道》劉德華上身做一次好人，情願被權世豪（杜燕歌飾）打死也死命要攬實權世豪的腳以確保奕風安全…死得轟烈！
真係齋睇畫面都感受到嗰種懺悔同痛心。
女人總有軟弱一面。
狠樣
慈母笑
關曜㒞難忘誤打馬貫東
昨晚「豬皮」表現絕對是「義氣之巔」，為了幫奕風追查蘇嘉盈（李海銅飾）死亡真相，豬皮主動提出讓阿妙（陳瀅飾）裝偷聽器在自己身上之餘、又經常借故生硬地向權世豪套料；為了救阿風脫險，豬皮更冒險做盡與權世豪對著幹的事情，為了兄弟情及正義，完全將生死置諸道外，亦將豬皮「只要愛上／決定了，便要搏盡無悔」的人物性格展現得相當立體。為配合豬皮慘死劇情，劇組還剪輯了「豬皮」劇中的可愛＋正能量精彩節錄放於片尾roller位，配以由鍾柔美主唱的插曲《角落塵埃》，以及豬皮傻氣又熱血的招牌對白：「我以前冇得揀，依家我想揀做番個好人」，極度催淚；加上「豬皮」角色人設完美，除了口疏一點及誇張一點，基本上零缺點，加上Leo演繹出色，難怪不少網民大為不捨及觸動，紛紛留言表示哀傷，並大讚Leo有喜感、演得好，年尾值得一個獎項肯定：「還我豬皮」、「好耐冇試過咁唔想一個角色死」、「豬皮做得超好，太感人」、「希望有獎項鼓勵吓佢」、「值得更多機會」、「全劇最有愛又最可愛角色。」
Leo同梁珈詠都好有Chemistry。
一心要做一次好人嘅「豬皮」好可愛，佢對阿妙嘅死心塌地都好可愛。
談到場口難忘事，Leo接受官方訪問時透露拍攝時發生了搞笑事：「因為我部電話擺咗喺衫袋，結果想拖佢時成部電話『Dup』咗落佢塊面度。」
「豬皮」一心要為阿風豁出去。
呢一幕，展現咗「豬皮」視死如歸的決心。
另邵美琪昨晚的「巔瘋」演技亦再度搶盡焦點，劇情講述卡邦尼（邵美琪飾）被三位嬌娃佳琪（張曦雯飾）、阿妙及小茹（羅毓儀飾）設局以為愛女寶儀（鍾柔美飾）落入賣淫狂徒手中後，即發瘋般衝上模特兒公司大吵大鬧，「目露凶光」的Maggie數度嬲怒至聲嘶力歇兼眼都凸埋，著急又憤怒的狀態再為劇集留下經典畫面。
為咗救阿風，「豬皮」花盡腦汁、牙力同氣力。
最後佢唔單止決定假扮阿風引開權世豪，仲獻出自己嘅軀體任權世豪喪打拖延時間，等權世豪唔夠時間搵阿風出嚟殺，用心良苦。
我為人人嘅「豬皮」，最終死得轟烈。
劇組別具心思的片尾處理手法，令整件事更催淚。
之後，寶儀現身逐點篤爆卡邦尼惡行，面對女兒的痛心指控，卡邦妮大為崩潰兼無地自容，邵美琪演繹時不但雙眼滿是淚光兼口震震，面部肌肉亦數度驚現不受控的痛苦抽搐，配以恍惚的眼神，將日後不知如何面對女兒的角色心理狀況演繹得極有感染力。而在落口供場口，Maggie再度釋出新的演法，以心力交瘁狀態演繹愧疚及內心掙扎，而當Maggie拜託三位嬌娃：「喺我唔喺佢（寶儀）身邊呢段日子，你哋盡量幫我睇住佢」時，Maggie又演繹了之前角色未曾展現過的軟弱，演法極有層次。
