男神現身 助協青社搞舞劇

一直想去西灣河協青社大樓，睇吓佢地點樣利用街舞， 將邊緣青年拉番回正軌。 剛好知道一直支持協青社的紀文鳯昨日請傳媒去參觀，Sebastian就唔執輸去睇吓。

坐在中心的舞蹈導師阿齊旁邊，聽他講起驚心的故事。 阿齊中三開始無讀書，裝修、地盤、洗廁所乜都做過，入咗黑社會，成日打交。 佢講起有一次在觀塘裕民坊打大交，打到人地入ICU， 佢自己打完交成腳血，跑入觀塘協青社求救，後來怕社工報警， 走咗入雞寮避禍。

舞蹈導師阿齊講述他從黑社會走過來的日子

阿齊一直有跳舞，在尖沙咀跳，當時跳舞只為溝女。避禍期間， 又躲在協青社跳街舞。就這樣進出協青社，後來又去過玩毒品，食過 K仔：之後又再認真跳舞。變吓變吓，在2004入了西灣河協青社的大樓 ，慢慢變成協青社的舞蹈導師，現在是YO School of Hip Hop的助理中心主任，他在街舞中改變了自己的人生， 如今以過來人的身份，幫助他人改變人生。

阿齊和男神劉鳴煒交叠在一起，是他們有個舞劇「是師？是徒？YO Dancical 2016」要在4月16日演出。紀文鳯厚著面皮打電話俾青年事務委員會主席劉鳴煒，請他客串表演。劉鳴煒在電話中停頓了5秒，自謂完全無音樂感的他，最後答允客串， 認為這是接觸青年的好機會。

劉鳴煒話，好多人對街舞有誤解，以為壞孩子、廢青才跳，是大錯特錯。跳舞成功所需特質，和讀書的能力無分別。佢話昨日剛好做了青年事務委員會主席一周年，過去一年去了206 場青年活動，最不喜歡出席開幕社、閉幕禮，因為和年輕人互動的機會太少，無俾時間他同年青人傾談。 據他觀察，愈老的主辦單位，活動的時間搞得愈長。

 

劉鳴煒而家已將成套舞揀30次，非常勤力，漸入佳景。Sebastian覺得好多幫手的人都好有心，希望他們演出成功。

另一導師小肥，過去一頭金髮，好像步驚魂一樣，如今已成出色的街舞老師。

街舞不止壞孩子才學，曾在名校聖保羅男女中學就讀的Jocelyn，中大畢業，如今在金融界任職，也鐘情街舞，初時媽媽也不大放心。

 

Sebastian

** 博客文章文責自負,不代表本公司立場 **

團結香港基金的「社會創新」報告出爐，團結基金顧問陳智思中午請食飯解話。

所謂社會創新係找出社會問題，提出創新的解決方法，令到持份者受惠，最後就係令到整個社會的生活滿意度提高。唔好以為呢個係太高的境界，在英國這種重視社會創新的國家，制定政策時，會加入社會效益評估，有一系列嘅方法，去增強政策嘅滿意度，即係唔只止睇GDP經濟增長，仲要睇政策能否令市民滿意。

陳智思講咗講古仔，話佢2000年加入社聯，搞咗「商界展關懷」計劃，叫公司多做關懷社會的活動，初時只有200幾間公司參加。

後來陳智思加入行政會議，叫曾特首支持「商界展關懷」計劃，曾特首問可以數到幾多出來？陳智思答不出，只計錢好難講，義工時數點計？不能用錢計。但佢答唔到，曾特首唔使啋佢。不過後來商界展關懷計劃，都有4000幾間公司參加。

而家時代變了，團結基金希望政府帶頭，決策或批出合約時，加入SIA （社會效益評估）。

團結基金總幹事鄭李錦芬話，佢地希望唔止做think tank，要做think and do tank，團結基金會
成立商社共創的平台，叫「蜂樹盟」，會搞社企比賽，挑選6個項目配對，搵商界知名人士和搞社會創新的社企合作，促進成長。