連登仔父親節分享「老豆尷尬行為」現洋蔥 網民：睇到眼濕濕

今日是父親節，有連登仔趁機發文，指父親經常搞爛gag令他非常懊惱，甚至「愈大愈抗拒同佢出街」。樓主原定今年父親節與他外出慶祝，詎料父親於上月底離世，自覺自己非常不孝，後悔當初沒好好珍惜，呼籲其他網民要多陪伴及關心家人，「唔好好似我咁無咗先珍惜」。一眾網民紛紛表示帖文「有洋蔥」，直言「笑笑下睇到想喊」，又祝願樓主要好好生活，「爸爸係天上都會繼續希望帶快樂俾你」。

連登仔父親節分享「老豆尷尬行為」原來極感人 網民：睇到眼濕濕

有港男於連登討論區發文，主題為「老豆嘅尷尬行為」。他指父親經常「搞爛gag」，例如年輕時他帶女朋友回家，「一開門我老豆就勁大聲喝住我女朋友，問佢做咩收埋把刀喺身度，我女朋友嚇到就喊，即刻舉高雙手好似投降咁，答我老豆『無阿Uncle』，我老豆先笑住講『少女藏刀啊嘛』」。

樓主再分享經歷，指有次父親與家姐的男朋友去飲茶，「開頭都好地地閒話家常，之後老豆就問我家姐男朋友做咩職業，我家姐男朋友答話啱啱畢業，聽完我老豆就好認真咁細細聲問佢，你好人好姐做咩唔好點解要走去做賊啊仔，我家姐男朋友呆咗喺度，唔知畀咩反應，之後我老豆一臉正經咁同佢講『你偷左我女個心啊嘛』」。

設計圖片

樓主坦言每次出街，父親經常向陌生人搭訕，令他非常尷尬，「有次同佢去食Pizza Hut，食完佢係咁捉住啲𡃁妹Part time，問人哋打唔打乒乓波」，因而令他「愈大愈抗拒同佢出街」。樓主指原本計畫今年父親節與他外出食飯慶祝，可是一切已變成回憶，「老豆上個月尾走咗了，第一年過無佢嘅父親節，覺得自己好不孝，成日嫌棄佢，無好好關心佢，無多啲陪佢，無同佢影多啲相留低啲回憶，而家連同佢講父親節快樂啲機會都無了」。

樓主呼籲其他網民要多陪伴及關心家人，「唔好好似我咁，無咗先珍惜」，並留下思念：「爸爸，父親節快樂，你辛苦了。」對於父親突然離世，樓主坦言仍未接受到這個現實，「開post唔係想引戰，只係仲未接受到老豆離開咗，覺得自己未盡孝，畀唔到佢享福，佢就走咗。父親節睇返以前啲相，諗返起以前覺得尷尬嘅時刻，其實都係難忘嘅回憶」。

設計圖片

一眾網民看畢帖文後都表示「有洋蔥」，甚至有人指「笑笑下睇到想喊」，「你爸爸簡直係散播歡樂散播愛，而家係天堂身邊啲人一定日日都好happy」、「好老尷但feel到好有愛」、「最尾睇到眼濕濕」、「精神長存我哋心中」，不過亦有人叫樓主振作，要好好生活下去，「記得繼承老豆呢份幽默感」、「爸爸在天之靈一定好欣慰，要好好過生活」、「爸爸係天上都會繼續希望帶快樂俾你」。

樓主指父親曾向Pizza的職員搭訕，問對方「打唔打乒乓波」。網上圖片

網上流傳一段影片，直擊一名男子在旅客熱門打卡點堅尼地城科士街石牆樹附近，懷疑伸手觸摸一名女遊客的臀部。拍片者隨即上前追截並質問，該男子以普通話連聲説「不好意思」、「對不起」，整個過程被記錄下來。拍片者表示已將證據提交給執法部門，並提醒遊客注意安全。

「鹹豬手」伸向打卡女遊客

從上載的影片可見，事發時現場有不少遊客正在打卡。一名身穿藍色上衣、戴眼鏡的男子在人羣中穿梭，期間突然伸手拍向一名身穿背心的長髮女子的臀部。事後，該男子若無其事地打算離開，而被非禮的女子似乎並未察覺。

男子在旅客熱門打卡點堅尼地城科士街石牆樹附近，懷疑伸手觸摸一名女遊客的臀部。影片截圖

拍片者追截質問　色狼連聲道歉

整個過程被在場的網民拍下。拍片者隨即上前追問該男子「為什麼摸人家？」、「你在幹嗎」、「你為甚麼摸別人的屁股」。面對質問，該名男子隨即以普通話連聲説「不好意思」、「對不起」，影片到此結束。

事後，該男子若無其事地打算離開，而被非禮的女子似乎並未察覺。影片截圖

拍片者強調非做戲　已交證據予警方

發布影片的網民在社交平台Threads發文，提醒「去遊玩香港的各位美女們請小心！！！此地（堅尼地城）有變態慣犯隨機摸屁股」。她強調事件絕對不是做戲，並在留言區聲明：「絕對不是自己人演戲！！！由於前面我的姐姐無預警被摸，我才開始跟拍他的，現在的社會講求的是證據，我們在保護別人前提也應做好保護自己的權益。」她表示已將證據提交給香港警察處理。

網民讚揚見義勇為

事件引起網民關注，不少人留言讚揚拍片者見義勇為，表示「捉變態佬真係要大聲揾人幫手」、「好勇敢，香港女生謝謝你」、「謝謝你~~現在太多變態佬」、「麻煩幫我們除掉壞分子，香港歡迎你」。拍片者發文的用意是希望提醒大家「變態是存在的，出遊玩絕對要保護好自己」。