連登仔父親節分享「老豆尷尬行為」現洋蔥 網民：睇到眼濕濕

今日是父親節，有連登仔趁機發文，指父親經常搞爛gag令他非常懊惱，甚至「愈大愈抗拒同佢出街」。樓主原定今年父親節與他外出慶祝，詎料父親於上月底離世，自覺自己非常不孝，後悔當初沒好好珍惜，呼籲其他網民要多陪伴及關心家人，「唔好好似我咁無咗先珍惜」。一眾網民紛紛表示帖文「有洋蔥」，直言「笑笑下睇到想喊」，又祝願樓主要好好生活，「爸爸係天上都會繼續希望帶快樂俾你」。

連登仔父親節分享「老豆尷尬行為」原來極感人 網民：睇到眼濕濕

有港男於連登討論區發文，主題為「老豆嘅尷尬行為」。他指父親經常「搞爛gag」，例如年輕時他帶女朋友回家，「一開門我老豆就勁大聲喝住我女朋友，問佢做咩收埋把刀喺身度，我女朋友嚇到就喊，即刻舉高雙手好似投降咁，答我老豆『無阿Uncle』，我老豆先笑住講『少女藏刀啊嘛』」。

樓主再分享經歷，指有次父親與家姐的男朋友去飲茶，「開頭都好地地閒話家常，之後老豆就問我家姐男朋友做咩職業，我家姐男朋友答話啱啱畢業，聽完我老豆就好認真咁細細聲問佢，你好人好姐做咩唔好點解要走去做賊啊仔，我家姐男朋友呆咗喺度，唔知畀咩反應，之後我老豆一臉正經咁同佢講『你偷左我女個心啊嘛』」。

設計圖片

樓主坦言每次出街，父親經常向陌生人搭訕，令他非常尷尬，「有次同佢去食Pizza Hut，食完佢係咁捉住啲𡃁妹Part time，問人哋打唔打乒乓波」，因而令他「愈大愈抗拒同佢出街」。樓主指原本計畫今年父親節與他外出食飯慶祝，可是一切已變成回憶，「老豆上個月尾走咗了，第一年過無佢嘅父親節，覺得自己好不孝，成日嫌棄佢，無好好關心佢，無多啲陪佢，無同佢影多啲相留低啲回憶，而家連同佢講父親節快樂啲機會都無了」。

樓主呼籲其他網民要多陪伴及關心家人，「唔好好似我咁，無咗先珍惜」，並留下思念：「爸爸，父親節快樂，你辛苦了。」對於父親突然離世，樓主坦言仍未接受到這個現實，「開post唔係想引戰，只係仲未接受到老豆離開咗，覺得自己未盡孝，畀唔到佢享福，佢就走咗。父親節睇返以前啲相，諗返起以前覺得尷尬嘅時刻，其實都係難忘嘅回憶」。

設計圖片

一眾網民看畢帖文後都表示「有洋蔥」，甚至有人指「笑笑下睇到想喊」，「你爸爸簡直係散播歡樂散播愛，而家係天堂身邊啲人一定日日都好happy」、「好老尷但feel到好有愛」、「最尾睇到眼濕濕」、「精神長存我哋心中」，不過亦有人叫樓主振作，要好好生活下去，「記得繼承老豆呢份幽默感」、「爸爸在天之靈一定好欣慰，要好好過生活」、「爸爸係天上都會繼續希望帶快樂俾你」。

樓主指父親曾向Pizza的職員搭訕，問對方「打唔打乒乓波」。網上圖片

大埔宏福苑火災慘劇發生後，大眾都提高了防火意識。但日前有網民在社交平台發相指，在馬鞍山頌安邨有女街坊竟毫無危機意識，在寓所的走廊位置燒街衣，搞到走廊「都係煙又攻鼻」，他上前阻止還被對方惡言相向！

大媽反駁：燒咁多年都冇人投訴

這位網民在臉書社交群組發相，指日前安邨寓所的走廊，有大媽竟在走廊位置燒街衣，整條走廊都濃煙密佈。雖然樓主有上前勸阻，大媽一於好少理，而且還惡言相向，指樓主多事，說「燒咁多年都冇人投訴」。樓主一怒之下影相作證，直接向管理員投訴「影相作證扣你7分...好快扣滿15分就終止租約，到時你就祖先保佑有新屋住！」。

示意圖。AI生成圖片

網斥：5知死字點寫？

不少網民都怒斥大媽的行為「自私L」、「叫佢七街燒啦，唔好喺走廊燒，好危險架」、「之前都有人在走廊燒嘢，管理員見到都冇乜理會」、「5知死字點寫？」、「拎桶水去淋X佢話洗地」。

資料圖片

網民提議影相報警話疑火燭

有網民更指「我隔離嗰個直頭喺門口燒添」、「我阿媽因為擔心比人投訴，直情係屋企關門燒，牆都燻黑曬」有人提出「第一時間拍片證明大煙，然後打爛火警鐘，落樓即刻999，話懷疑火警」。

網上圖片

房委會或被終止租約及收回單位

房委會就曾在社交平台發文表示，如果居民想燒衣拜祭時，要使用屋邨指定化寶區；祭祀後要脮善清理，嚴禁在大廈內的的公眾地方燒衣，「屋邨大廈入面嘅走廊、梯間等公共空間，一律禁止燃燒冥鏹，以免過程中產生嘅灰燼或濃煙，觸發火警警報。有關做法不但影響其他住户，仲可能會違反租約條例，有機會被終止租約及收回單位㗎！」。