拍《黑金風暴》首演動作戲 趙慧珊獲導演讚達影后級數

林導大讚Aka聰明又有heart！

趙慧珊（Aka）和導演林迪安最近在開電視劇集《黑金風暴》首度合作，雖然這是Aka處女拍劇，但林導卻大讚她既聰明又有heart，拍首場文戲表現已達影后級數，最難得連動作戲一樣值80分，講明該劇開下一季必預她；而林導女兒林沚羿早前參加《聲夢傳奇》入行，他坦承最恨跟囡囡拍戲演父女。

Aka跟林迪安導演雖然是初次合作，但兩人惺惺相惜。

面對林導，Aka坦承未開拍已有一定壓力，「老實講我一開始係有啲怯，因為知道合作嘅係個大導演、荷里活嘅導演。第一次見到林導好緊張，以為佢好嚴肅，但佢竟然知道我個名，叫我慧珊，諗住佢連我係邊個都唔知，真係好親切。」拍落Aka更覺獲益良多，「佢拍動作場面全部都快靚正，就連揸槍手勢咁小嘅嘢都會提我，『記住望住支槍，對眼唔好眨』，跟住我就去試，出嚟個動作真係靚好多。」

Aka在《黑金風暴》演ICAC調查主任，有機會跟黃浩然和李璨琛等前輩偷師。

Aka本身有舞蹈根底，對演動作戲有一定幫助。

林導反而盛讚Aka這個拍劇新丁表現，「我同佢傾咗場戲之後，等佢自己發揮先，佢一演嚇親我，影后嗰啲級數呀！」聽到導演說話，Aka勁開心狂笑，點知只是開始，林導提到拍爆破等動作場面時，再次力讚她，「佢聽我講啲動作時都驚，哈哈！問佢有冇問題，佢講冇問題都有少少震，但feel到呢個女仔得，起碼個口夠膽講冇問題先，有啲會話會彈到塊面喎！但係佢有成功演員必備嘅條件，就係有heart，佢喺做動作嚟講有80分，慢慢再增長，嚟緊第二、三集就有90分。」追問林導是否預告開下季？「睇吓觀眾意見，但係我哋係預咗。」至於係咪會預埋Aka份？林導即搞鬼話：「嘩！一定要啦！冇佢我都唔做，哈哈！」

經常林導調教，Aka揸起槍來似模似樣。

林迪安除了做幕後，一切也有參與幕前工作。

講Aka林導好風騷，提到囡囡林沚羿更加成個冧晒，仲話自跟囡囡3歲時合作過《蜘蛛俠2》後，已經冇合作過，好想跟囡囡再合作，「睇返個女3歲拍《Spider-Man 2》，呢個紀錄就算你煙消雲散後，永遠都喺度，所以有生之年，有套戲我哋飾演返兩父女，都覺得幾正。」

林導女兒林沚羿，早前參加《聲夢傳奇》入行。

林導出任《Spider-Man 2》動作指導，而囡囡林沚羿亦與Tobey Maguire有對手戲。

關注一下過去24小時娛圈事Top 5熱話。

姚瑩瑩送14歲兒子獨自搭飛機去比賽 百感交集：有空虛感又好開心

藝人姚瑩瑩（Eileen）2011為拍拖8年的圈外男友誕下兒子梁淦賢（Evan），多年來一直母兼父職悉心照顧兒子，更經常「陪太子讀書」，見證自幼就是游泳健將的Evan，多年來在各游泳比賽中奪獎的珍貴時刻。近日，即將15歲的Evan要飛到外地比賽，姚瑩瑩雖然未能陪同出發，但都到機場送別兒子。

▼詳情點擊圖片查看或按連結

Aka趙慧珊開畫展 獲周慧敏驚喜現身支持

藝人趙慧珊（Aka）近日舉行畫展，吸引愛畫水彩畫的周慧敏（Vivian）專程捧場。Aka感激Vivian靜心欣賞每幅作品，更有耐心聆聽背後故事，連細微筆觸都留意到，令她相當感動。

▼詳情點擊圖片查看或按連結

陳庭欣任晚宴司儀晒腿兼獻球技 帶私家匹克球拍即場開打

回復單身的陳庭欣（Toby）工作接不停，日前現身聯歡晚宴擔任司儀，穿上Bling Bling藍色高衩晚裝，大騷白滑長腿，性感吸睛。向來熱愛匹克球的她，更帶備私家球拍到場，即席與嘉賓切磋球技，誠意十足。

▼詳情點擊圖片查看或按連結

郭柏妍素顏食早餐皮膚滑如剝殼雞蛋 頭上兩隻襪子暗藏捲髮秘技

28歲港姐季軍郭柏妍近日在社交平台分享酒店早餐影片，大方以素顏示人，睡眼惺忪仍難掩又圓又大的雙眼，皮膚精緻有光澤，獲網民激讚「絕美素顏」、「滑如剝殼雞蛋」！不過焦點竟落在她髮尾的兩個白色襪子「頭飾」上，引來網民瘋狂追問。

▼詳情點擊圖片查看或按連結

臥底嬌娃｜62歲邵美琪超淡妝上陣晒極級逆齡顏值！眉頭眼額微表情變化演活被出軌女人複雜內心

昨晚（3月17日）《臥底嬌娃》另一值得關注焦點，是年屆61歲的邵美琪（Maggie），為了配合「做Facial」劇情，竟直接以超淡妝上陣，且皮膚狀態依然完美，絕對是「美魔女」代表人物。除了逆齡程度驚人，Maggie的「戲場」亦是天花板質素。昨晚當張㬢雯遞上她的「信用卡」暗示關禮傑與姚嘉妮有染時，Maggie表現出冷靜一面之餘還帶著深沉，完美呈現角色內心的複雜狀態；為免顯得煞有介事兼在張曦雯面前露出破綻，Maggie立馬收起負面情緒、眼神堅定又霸氣謂：「公事上我同我老公分得好開架，你唔使同我講」，最後冷冷的一句：「你喺邊度執（張信用咭）咪擺番邊度咯」更讓人有不寒而慄之感。

▼詳情點擊圖片查看或按連結