Polly表示喺一眾前輩身上學到好多！
曾參加ViuTV真人秀選秀節目《全民造星III》而開始為人認識，及後參與「冤枉新秀訓練營」得到冠軍的新人劉若寶（Polly），日前與《VIP Cultural 》及《Esquire HK》大玩crossover，發佈作品《攝︱導︱行》第七集影片《雙生兒．雙新兒》，片中Polly以多個造型現身，展現出極高的可塑性。
點擊看圖輯
Polly直言最喜歡白色吊帶裙一款。
Polly話呢套衫對於佢嚟講係一個挑戰。
Polly大讚霆鋒師兄十分專業！
Polly指米雪姐係一個好提攜後輩嘅人，
觀看相關影片按連結：https://youtu.be/-ulCi314k5k
這集除了是第六集跟「廣告女神」郭思Suey Kwok《雙生兒．雙新兒》前篇的故事延續，攝影師透過動物、教堂彩繪玻璃、鮮花等象徵澎湃情感的影像投射出Polly人物特質，營造出女性的千姿百態，性感透視裙、莊嚴披肩頭紗、英姿颯颯的爽朗造型、吃波板糖的女孩及紙醉金迷的二十年代打扮等。
眾多造型中，Polly直言最喜歡白色吊帶裙一款，「我最鍾意係有個好粗嘅choker包住條頸嗰個造型。其實我自己比較少呢啲性感少少嘅image，吊帶衫、吊帶裙我係極少着。今次拍攝嗰條係紗裙，有少少透、少少神秘又有少少性感嘅感覺，所以呢套衫對於我嚟講係一個挑戰，自己亦都好鍾意。出到嚟嘅效果好靚，所以好感謝造型師Philip Gold、導演Bolie Wong幫我設計呢個造型，令到我可以有新嘗試。」
Polly直言最喜歡白色吊帶裙一款。
Polly話呢套衫對於佢嚟講係一個挑戰。
除了造型拍攝，Polly亦剛剛拍完《海關戰線》及《不日成婚2》兩部電影，當中《海》一片更與眾多影帝影后等大前輩合作，Polly表示首次見到一眾大前輩，十分緊張，「我同學友哥、鎮宇哥同嘉欣姐比較少同場，對得最多嘅係霆鋒師兄。」她謂現場所見，謝霆鋒真的十分專業，「有一個鏡頭係佢坐咗喺架車度要做一個幾快嘅動作，同埋都幾危險，佢係做得好流暢，雖然當中見到有少少嘢整傷咗佢，但佢繼續拍，呢啲就係我哋作為後輩要學嘅嘢，就算辛苦，都要忍住捱過埋個鏡頭先。」
Polly大讚霆鋒師兄十分專業！
除了霆鋒，米雪亦對Polly十分照顧，「好似我哋要拍一場飛車戲，米雪姐會教我要用身體去表達，一齊向同一個方向郁，好細心。我覺得佢係一個好提攜後輩嘅人，可能佢知我拍戲經驗比較少，佢會分享好多拍攝嘅經驗俾我知，例如點就機位、燈光，喺佢身上學到好多。」
Polly指米雪姐係一個好提攜後輩嘅人，