郭晉安張曦雯組「2Y CP」成功入屋 陳豪獲封明成北最型醫生

《白色強人II》雖然只播了兩集，但網民已睇得相當入戲！

《白色強人II》於7月26日晚播出的劇情相當緊湊，之前在立法會暈倒的結節性硬化症病人趙苑蘭（祝文君飾）情況變壞，YT（郭晉安飾）拼命搶救仍不樂觀，為了讓趙苑蘭女兒方敏（羅毓儀飾）能見母親最後一面，葉晴（胡定欣飾）冒狂風暴雨接送方敏到醫院，可惜最後還是未能如願，YT在二人抵埗前在手術枱上無奈宣布趙苑蘭死亡時間……在YT搶救趙苑蘭同時，唐明（馬國明飾）亦為一名流血不止的「死胎個案」女病人進行搶救，並因實習醫生Rachel（姜麗文飾）的失誤令手術難度倍增。

邊廂趙苑蘭病危。

另一邊廂唐明因為Rachel失誤，爭啲搞出大頭佛。

呢幕對Cut方敏同胡定欣冒大雨趕去醫院

同YT竭力拖延趙女士生命一幕，令氣氛更覺緊湊。

其實自趙苑蘭現身立法會病發後，YT備受猛烈抨擊，遭醫發局主席溫銘章（張達倫飾）力勸暫停草案……趙苑蘭死後，一直咬住YT唔放的電視台新聞部總監張庭（劉溫馨飾）再下一城，大字標題YT是「罪魁禍首」，還訪問方敏以圖進一步抹黑YT；結果方敏聲淚俱下指若媽咪沒有現身立法會「佢就唔使死」，令YT再陷困局兼被要求停牌……

觀看相關影片按連結：https://youtu.be/-Y8EzqtLwyg

雖然《白色》只播了兩集，但網民已相當入戲，除大讚郭晉安超好戲，在《白色》及《回歸》中完全清楚演繹了兩個截然不同的角色外，亦大讚劇情緊湊及角色討喜；三大視帝之中，暫以陳豪最多正評，更被譽為明成北最型醫生：「陳豪好適合演啲半唐番又粗豪角色，雖然年紀大咗但真心型」、「陳豪人物角色做得唔錯」、「陳豪這個角色加得好」、「有齊三大熱門視帝人選，論演技：郭晉安，論外型：陳豪。」

阿Yan同YT嘅相處，獲網民大讚舒服。

對YT一條心嘅Yan，面對前度Vincent（陳豪飾）窮追猛打積極劃清界線。

三大視帝鬥戲。

好多人讚陳豪堅型。

認真做手術時個樣仲型呀！

至於女主角，則暫以張曦雯（Kelly）飾演的阿Yan最入屋：「胡定欣角色幾正，亦正亦邪」、「胡定欣忠定奸，一時好人熱血幫人，一時又窒住安仔偉大計劃」、「Kelly角色可愛」、「Yan角色相當討好」；網民對於安仔及Kelly組成的「2Y CP」亦大為受落：「愛情線YT同啊YAN睇得相當舒服」。

Yan同蘇怡嘅姊妹情都好好睇，Yan嘅反應好真性情。

朋友唔肯幫拖，Yan唯有自己出馬叫YT唔好請Vincent。

點知YT覺得一啲問題都冇。

Yan呢幕啲表情好有趣。

尤其鼓起勇氣講出Vincent係自己前男友嗰個掙扎樣。

網民留意到小花倪嘉雯（左）有份演出，好驚喜。

TVB網絡系列《電視城內》，請來兩屆視帝陳豪擔任嘉賓，和大家細訴他的電視故事。由模特兒踩入影圈再轉戰公仔箱，陳豪愈做愈出色，全因外表斯文溫柔、骨子裏鬼馬搞怪的反差萌，令觀眾有意想不到驚喜。作為演員，能有這種特質，也許是一份恩典，陳豪絕對是備受眷顧的一位。

陳豪於訪問中分享很多不為人知的秘密。

陳豪最初拍電影多演古惑仔。（AI生成圖片）

陳豪首套劇集是《妙手仁心II》。

陳豪爆蔡少芬比他更貪玩。

陳豪沒有回應是否3,000萬年薪。

陳豪於電影圈時期浮浮沉沉，拍了大量江湖片演古惑仔，後來電影市道不景，他決定試試電視台，並跟自己許下承諾：「如果電視都唔得，就唔要再留喺娛樂圈。」2000年，陳豪穿着西裝、頂着金毛入電視城見曾勵珍，他知道是時候轉跑道。珍姐見他說話斯文溫柔，外表和骨子裏反差極大，反而令人覺得「呢個人唔知點咁嘅？」那年他正式加入TVB，轉眼26年。

有日好似突然被光束照射，陳豪從此戒夜蒲。

陳豪否認與陳鴻烈是父子關係。

陳豪否認與陳鴻烈是父子關係。

初拍古裝狂NG
陳豪第一部劇是《妙手仁心II》，起初試造型是警察，但首日拍攝卻變醫生，他笑言：「好彩Daddy係醫生，加上自己斯斯文文，依家睇番見到一個動作，唔知係咪扮型，總有一邊手會插住褲袋！」之後陳豪拍第一套古裝劇《洛神》，對「番書仔」來說是巨大挑戰，他坦言當時每句對白NG 30至40次，非常感謝同劇演員幫忙。拍《洛神》時，陳豪遇上比自己更貪玩的蔡少芬，兩人不用埋位時玩個不亦樂乎，結果被監製梅小青責罵，但罵完後發現他有喜劇元素，從此劉家豪拍喜劇全部找陳豪。

陳豪於《點解阿Sir係阿Sir》盡顯搞笑天分。

陳豪打開Locker，粉絲寄給他的信多到跌出來，更有不少禮物。

陳豪每天都會跟陳茵媺咀嘴和講I Love You。

陳豪拍喜劇《點解阿Sir係阿Sir》盡顯搞笑天分，獲外界一致好評，他坦言當時有壓力：「你哋成日將我同星爺（周星馳）比，但我唔係星爺，我唔係嗰樣嘢嚟，我係陳豪，我係另外一套嗰樣嘢，我都盡能力將自己嘅喜感、一啲癲嘅嘢放咗落去。」

對於網上有資料顯示陳豪是已故藝人陳鴻烈的兒子，加上兩人樣子有幾分相似，故不少網民指他們是兩父子，陳豪笑言：「好多人都以為烈哥係我老竇，唔係呀，我老竇唔係烈哥呀！」另有傳他年薪3,000萬元，鬼馬的陳豪笑言：「我唔會話你知！」

陳豪帶大家參觀古裝街。

似被上天呼喚戒夜蒲
陳豪自爆年輕時喜愛夜蒲，直到有一天，突然像有束光射到他身上，跟他說「夠喇」，從此他厭倦夜蒲生活，從此努力建立自己新的人生。

陳豪即場Rap。

陳豪與阿佘於《公主嫁到》鬥Rap。

陳豪陳茵媺每日咀嘴講I Love You維繫感情

「愛妻號」陳豪與太太陳茵媺結婚13年恩愛如昔，維繫感情之道是很少吵架，兩人都會以保護關係為大前提。時至今日，兩公婆每日都會錫對方至少一次、講I Love You，又會不時過二人世界及送花等：「就算覺得好假都一定要囉！夫妻關係一定要好，屋企至會好，小朋友先會開心成長。」

除了專訪，《電視城內》每集都會帶大家暢遊電視城。今集陳豪帶大家參觀自己的Locker和古裝街。當陳豪打開Locker，驚見擠滿了粉絲寄給他的信和禮物，數量多到誇張。陳豪又到古裝街懷緬與好拍檔佘詩曼拍《公主嫁到》鬥Rap的情景，更「技癢」下即場創作一段Rap！想睇陳豪Rap啲乜？就要重溫《電視城內》喇。