星期一有得睇啦~
《痞子殿下》將於下周一(8月1日)開播,劇集以「架空時代」為背景的古裝武俠劇,故事講述百勝國失寵四皇子紀威(周嘉洛飾),奉命迎娶歌蓮神國公主納克溫柔(陳瀅飾),途中遇襲雙雙墮湖失憶,兩人流落到龍蛇混雜的「首振鎮」,幸得奕風鏢局收留,因而與鏢師裘千刀(朱敏瀚飾)、霍小妹(王灝兒JW飾)、范壯龍(張頴康飾)結為好友,期間笑料百出。
點擊看圖輯
陳瀅放低靚女包袱,流口水都冇所謂,嘩!條口水咁長嘅?
周嘉洛(左起)、JW、陳瀅、張頴康、朱敏瀚拍完呢套劇之後Friend過打Band。
呢張海報集齊咁多位演員,氣氛勁熱鬧!
呢張海報麥美恩(前排中)晒無敵長腿搶焦。
周嘉洛飾演失寵皇子紀威。
陳瀅飾演野蠻公主納克溫柔。
JW飾演霍小妹,呢個齊蔭造型好有鄰家少女感覺。
朱敏瀚飾演鏢師裘千刀。
古裝得嚟好現代
《痞子》劇情玩味十足,監製陳耀全(Andy)與編劇齊齊啟動「瘋狂基因」,務求為觀眾每晚帶來一小時開心時光!首先,劇中會出現大量似曾相識但又「面目全非」的名稱,包括「奕風鏢局」、「堅定樓」、「四圍酒棧」、「集英齋」等;再加插不少現代化及無綫元素,包括卡拉OK、的士、商品說明條例、英文歌、「網上」投票、防疫+隔離、《魁夢傳奇》及「碧璧青樓」等。
睇佢哋Rap住出場,就知呢一套係非一般古裝劇啦。
周嘉洛大晒喜劇細胞。
陳瀅放低靚女包袱,流口水都冇所謂,嘩!條口水咁長嘅?
出名大隻嘅朱敏瀚有唔少騷肌畫面。
小寶同張頴康呢個組合係咩玩法?
劇中有唔少現代元素,唱卡拉OK係其中一個。
估唔估到大猩猩代表咩?
瘋狂致敬經典
劇組還加插了向粵語長片、經典電影及大型綜藝節目致敬部分,包括「港姐」經典音樂、《如來神掌》經典情節、以及以往粵語片特有的將劇情唱出來的「歌舞」場口等,強攻觀眾集體回憶神經;劇中對白亦不像傳統古裝劇般文謅謅,反而相當口語化,力求跳出傳統古裝劇框框讓觀眾更有投入感。另演員陣容亦甚有新鮮感,不但由四位年輕演員周嘉洛、陳瀅、JW及朱敏瀚領銜主演,亦是4位首次參演古裝劇。
仲有選美情節,個選美活動個名都好搞嘢吓。
唱大戲又咩玩法?
朱敏瀚個犧牲都唔細。
劇入面有戴口罩防疫情節。
雲集60位老中青綠葉演員
首度擔正男一的周嘉洛,除了大晒喜劇細胞,據知還要處理不少感性場口,監製Andy大讚嘉洛仔感情戲有感染力;陳瀅則飾演武功高強的「女漢子」,更會放低靚女包袱「摧毁」靚樣瘋狂流口水,甚有突破。除了主演吸睛,由60名三代綠葉演員組成的村民角色亦是劇集一大亮點;為了向被視為「TVB寶藏」的綠葉演員致敬,Andy刻意為60個角色設計人物性格及造型,且盡量安排他們在每集中「穿插」,讓這群綠葉演員得到更多更好的發揮。
除咗一班主角吸睛外,劇集仲雲集60名老中青綠葉演員飾演村民。
每位村民都有造型及人設、有血有肉。
令每位綠葉演員都得以有所發揮。
四大主角愈拍愈Friend
為配合劇集玩味Tone,就連官方預告片亦反轉傳統,有製作期間NG+笑聲不斷的Rap版MV之餘,更有周嘉洛率領一眾演員道出劇集「包羅萬有」中心思想:「集無厘頭、家庭倫理、科學懸疑、武俠、友情、愛情、兄弟情、姊妹情、人狗情未了於一身」。
觀看相關影片按連結:https://youtu.be/v4itbvtmGKc
觀乎預告,一眾演員感情十分要好,在《聲夢傳奇2》中是「強勢虎媽」的JW,在《痞子》劇組竟「淪為」眾矢之的,遭陳瀅及張頴康等句句窒住晒;至於嘉洛及朱敏瀚更Friend到大跳貼身舞亦「零尷尬」,配埋經典韓劇《來自星星的你》主題曲,既難頂又爆笑。監製Andy透露嘉洛、陳瀅、朱敏瀚及JW圍讀時其實並不熟稔,但拍畢該劇後Friend過打Band,更不時相約玩水上活動,足證四人合作愉快。
觀看相關影片按連結:https://youtu.be/Zy3mmyelpqc
JW喺《聲夢2》係強勢虎媽。
但一去到《痞子》劇組就慘遭「圍攻」,陰公豬。
周嘉洛同朱敏瀚近距離對望都零尷尬。
就知道佢哋幾咁老友啦!
周嘉洛(左起)、JW、陳瀅、張頴康、朱敏瀚拍完呢套劇之後Friend過打Band。
吳嘉禧表示:「我係唔post正常相」。
娛樂圈中有很多不同的「閨密團」,陳瀅、賴慰玲、陳嘉寶與前Super Girls成員吳嘉禧(Cheronna)就因拍攝TVB劇集《女人俱樂部》成為好姊妹,其後再加上蔡思貝及何雁詩,六人組成閨密團「SÏXTERS」,以往經常聚會,感情相當好!不過,陳瀅近年經常四圍飛,多次缺席姊妹聚會,在今個農曆新年終於歸隊,合體團拜,但吳嘉禧近日貼出的合照卻嚇親網民。
陳瀅、賴慰玲、陳嘉寶、吳嘉禧、蔡思貝及何雁詩組成閨密團「SÏXTERS」
曾一同為何雁詩經婚擔任姊妹團。
大時大節都會聚會。
但對上一次齊人已是2021年的聖誕節。
陳瀅近年經常四圍飛,所以多次缺席姊妹聚會。
去年農曆新年六缺一。
吳嘉禧在IG分享SÏXTERS的姊妹賀年合照,但第一張相就見桃花上掛着六人的「人頭」,賀年照瞬間變成恐怖片畫面,吳嘉熙留言解釋:「實6個一齊影相最麻煩就係要執相,但係呢,你執相中途又要睇下個group會唔會send張update嘅版本出嚟,如果唔係你又要由頭開始,我就係冇中途睇
結果我就執咗幾次,咁啱幾次都係我,仲要張update唔係執個人,係執啲花,吹脹。故事教訓,執相前、中、後都要留意個group,否則前功盡廢,龍年希望大家唔洗成日執相,因為大家會好靚#我係唔post正常相#圖一圖二係我發脾氣之作#圖三係鄭太之作」。
SÏXTERS終於齊人!
有啲恐怖就有啲好笑。
吳嘉禧話呢張係鄭太何雁詩之作。
不少網民看過影片都被吳嘉禧的惡搞之作逗笑,紛紛留:「發脾氣執都咁靚,點㗎啫!新年快樂!開開心心」、「第一張心諗:做咩事棵花咁恐怖,但係cute嘅。like hashtag #我係唔post正常相」、「呢個layout ok!」