港女驚見近40隻衣蛾匿床板 滅蟲半年斷唔到尾：毛管都戙哂

一般人的家中就算再怎麼乾淨，都會有一些「居家害蟲」。日前一名港女在社交平台發文，指家中有大量衣蛾出沒，縱使已長期開冷氣，濕度維持30至40%，但問題一直未能解決。她更指事件已困擾她半年，縱使嘗試多種方法滅蟲，仍未能斷尾，更指曾拉起床板驚見近40隻衣蛾，令她「毛管都戙哂」。

港女驚見近40隻衣蛾吊床板， 滅蟲半年斷唔到尾：毛管都戙哂。

有女網民在facebook群組「香港滅蟲關注組」發帖，指家中有大量衣蛾出沒，一直苦無對策，又憶述衣蛾「初到貴境」時未有為意，但有次拉起床板，竟發現有30至40隻衣蛾吊在床板上，畫面相當駭人，「毛管都戙哂！好似睇緊《異形》嗰啲蛋咁，我就係個女主角，勁想放火燒晒佢哋！」

網上圖片

她指自己嘗試多種方法滅蟲，但一直不成功，所有衣物洗完後便立即烘乾，之後放入壓縮袋，「搞咗半年，冷氣24×7開住，濕度30-40，屋企有貓唔敢噴嘢，買咗10個陷阱都唔斷尾」，只好發文向網民求教。從她上載的照片所見，捕蟲貼上則布滿大大小小的衣蛾屍體，另有一隻衣蛾幼蟲在繭中蠕動，非常嘔心。

網上圖片

多名網民隨即留言表示，若家中有大量藏書及舊報紙，便可能會出現衣蛾，另外亦有人估計事主家中有位置積塵，導致衣蛾不斷繁殖，建議她進行一次大清潔或連開抽濕機多天「保平安」，「如果屋企好多書、舊報紙吽得耐就會有呢啲蛾」、「應該係有個位積咗塵，佢哋就可以不停繁殖」、「留意傢私近牆身罅隙」、「衣櫃靠牆的隙或衣櫃頂有冇積塵，之前我大清潔一次就冇乜。」

翻查資料，衣蛾是小型飛蛾的一種，屬鱗翅目昆蟲，於全球分佈極廣，是常見的家居害蟲之一。衣蛾喜歡潮濕陰暗環境，一般會出現在墻壁、天花、傢私底部、窗簾、衣櫃、書櫃等潮濕陰暗的角落，靠食羊毛、頭髮、紡織品、紙張等維生。雖然衣蛾沒有毒性，但幼蟲在製作筒巢時，會粘粘環境中的塵埃等物料，若本身對於塵埃、紡織物等有過敏的人士，則有機會因為直接接觸而產生衣蛾過敏。

捕蟲貼上則布滿大大小小的衣蛾屍體。網上圖片

街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。

(FB圖片）

連鎖快餐店內疑有人開班教畫畫

該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。

圖片來源：大快活官網

年青人點餐消費，用餐後繼畫畫

樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。

示意圖。設計圖片

網民批評無公德心

帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。

（FB截圖）

網民估計另有原因

亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」

帖文來源：Facebook群組「啟德居民自由講」