倪嘉雯「鬼」咁靚造型曝光 吊四層樓高拍戲全靠近視深冇嚇親

倪嘉雯分享戴黑Con初體驗：「戴咗半個鐘都戴唔入！」

由洪永城、鄭詩君（C 君）同盧思麟聯合監製、一共13 集的原創劇《凶宅清潔師》，逢周六晚10點半J2 82台播映。明晚（27日），J2er倪嘉雯（Carmen）將以兩個不同造型登場，分別是清純版少女Look及厲鬼版學生Look。在劇中飾演乖巧少女琪琪的Carmen，獨自在家中與媽咪視像期間不斷發生怪事，最後不但靈體上身少女變厲鬼，更全程哼著詭異歌曲兼危坐窗邊…

呢個笑容，好陰森呀。

鏡頭背後嘅Carmen Keep住好輕鬆。

化咗鬼妝嘅Carmen，依然都仲幾靚女。

佢話副黑色con其實有啲難戴。

官方花絮片所見，Carmen厲鬼Look雖略帶恐怖，但仍不減顏值，Carmen對於造型也大為滿意：「今日個妝超突破，亦係我吊威也初體驗。」Carmen事後再補充指該副黑色隱形眼鏡雖然冇損「視力」，但非常難戴：「副Con中間係透明嘅，所以睇到嘢，但就難戴啲，因為好大副，我試造型時戴咗成半個鐘都戴唔到入去。同埋戴咗之後需要啲時間適應，但適應咗之後就好舒服。」

畀個自拍大家望望。

對於處女吊威也戲，由於事前劇組已經為Carmen做足準備，加上佢自己係超級大近視，所以變相唔驚、仲覺得好好玩。

其實無論台前幕後，都係好認真架。

最大難度係扮大力？

為了拍攝於半空中與洪仔（鄭俊弘飾）角力戲份，Carmen需被吊於四層樓高的大廈外牆並做出大量掙扎動作，齋睇都覺得驚險；不過Carmen卻大呼好玩，她透露開拍前劇組特意安排了吊威也堂給她，並仔細地教好她劇中每個動作做法，讓她拍攝時事半功倍。Carmen又笑謂壯膽秘訣全靠自己近視深：「成件事都發生得好快（眨吓眼就吊完威也），我發覺吊出去其實唔驚，好似玩緊盪鞦韆咁。因為我本身好深近視、又有散光，所以戴咗黑con後睇嘢就Blur晒，睇唔到下面係乜，咁樣反而安心啲。」Carmen又透露《凶宅》第五集中「力大無窮」的打人場口才是最大挑戰：「因為我本身唔係咁，但又要扮到好大力，一揈就揈咗洪永城出去。我都好緊張自己做出嚟效果真唔真實。」

劇集截圖

第四集劇情講述小美（傅嘉莉飾）為了刺激點擊率低迷的靈探短片，欲邀請法師歐陽暉（歐陽偉豪Ben Sir飾）、招仔（洪永城飾）一起拍片，同樣食檸檬但卻被招仔古怪性情吸引。招仔與Joe（C君飾）着手調查茂坪大廈接連發生的靈異事件，發現每次事發地點均有一枚「神秘血銅錢」。洪仔開工期間沿着詭異歌聲衝入其中一個單位，並發現琪琪雙眼發黑，並帶著詭異笑容從窗口一躍而下…

妝前妝後對比圖。Carmen與鄭俊弘

監製C君（左一）同盧思麟（左二）都有現身探班；至於洪永城就身兼演員同監製。

由《靈戲逼人》王偉仁監製、李昊、陳可兒編審的全新靈異輕喜劇《鼎植口腔呈獻：香港探秘地圖》，將由後晚（5月18日）起，逢星期一至五晚八點半翡翠台播映。主要演員有黎耀祥、龔嘉欣、丁子朗、倪嘉雯、孔德賢、袁文傑、楊玉梅、關曜儁、黃子桐等。

倪嘉雯演「神經質戀愛腦」成劇集「搞笑擔當」。

5月18日首播的《香港探秘地圖》，故事圍繞7大香港都市傳說為藍本，包括大學校園傳說、片場靈異故事、華富邨UFO、結界之謎等。劇情講述為人極度科學頭腦、擅長邏輯思維的女主角畢萍（龔嘉欣飾），透過深入探討及揭秘各式各樣的都市傳說，誓要揭開風水大師莊一臣（黎耀祥飾）神棍真面目！

除了視帝視后，三大潛力小生及小花，包括飾演「渴望見鬼導演仔」高文彬的丁子朗（丁丁）、「極恨脫單戀愛腦美少女」王秀儀的倪嘉雯（Carmen），以及畢萍弟弟畢鳴的孔德賢（Danny）在《香港探秘地圖》中亦佔戲極重，當中尤以迷信到極點的Carmen最為搶焦。在劇中是A0的Carmen，為了成功脫單無所不用其極；加上為人神經質、容易反應過大，經常令身邊人摸不著頭腦，相當搞笑，絕對是劇集的「搞笑擔當」。

「馬尾鬢辮少女Look」vs「黐鬚反串造型」反差勁大兼極有喜感。

「馬尾鬢辮少女Look」vs「黐鬚反串造型」反差勁大兼極有喜感。

丁子朗是Carmen A0幕後黑手？
另Carmen在劇中的造型亦是相當吸睛，除了主打可愛「馬尾鬢辮」少女造型，根據官方發布的劇照搶先睇，Carmen在《香港探秘地圖》中將破天荒地反串演「鬍鬚仔」，單是反寸造型已令人笑破肚皮。值得留意的是，Carmen角色在劇中與丁丁角色有極大恩怨，丁丁更是Carmen A0背後真正罪魁禍首！另Danny與Carmen則會因為一個美麗的謊言「不打不相識」，並會因而出現連番錯摸，值得期待。

孔德賢

丁子朗

除了新演員佔戲極重，《香港探秘地圖》還加入了靈異頻道這個新鮮元素，務求令劇集更具現代感之餘、亦藉此探討現代人在螢幕背後對神秘力量的渴求與盲從。透過「網紅」職業視角，諷刺當代社會如何迷失在流量洪流的荒誕現實。