朱敏瀚爆陳瀅勁冧豬！
一連25集、由陳耀全（Andy）監製、關頌玲及張世昌擔任編審的《G-NiiB M3護腸配方特約：痞子殿下》，逢周一至周五晚八點半翡翠台播映，演員陣容包括周嘉洛、陳瀅、王灝兒（JW）、朱敏瀚、張頴康、陳嘉佳（小寶）、吳岱融、曹永廉、麥美恩、韋家雄等。
點擊看圖輯
周嘉洛呢個造型係向《如來神掌》系列同埋粵語長片致敬。
「天蠶寶衣」純粹只有保暖功能，又真係講得啱架喎。
于洋喺1983年播出嘅短劇《七彩如來神掌》都着過呢件類似嘅戲服。
朱仔呢個「一劍大俠」造型型到爆。
件衫係跟足劇中漫畫「一劍大俠」造型去整。
朱仔話呢件應該係全套劇第二熱嘅衫嚟，仲要着住呢件衫嚟拍動作戲，諗起都覺得辛苦。
朱仔大晒爆肌。
千刀突然變得聰明兼有領導才能。
原來千刀人格分裂，一覺醒來咩都唔記得。
呢幕流口水戲，真係好難忍到笑。
大家瘋狂講英文，勁搞笑。
JW拍拍吓戲突然開起迷你音樂會上嚟，氣氛正到爆。
周嘉洛呢個造型係向《如來神掌》系列同埋粵語長片致敬。
「天蠶寶衣」純粹只有保暖功能，又真係講得啱架喎。
于洋喺1983年播出嘅短劇《七彩如來神掌》都着過呢件類似嘅戲服。
即將進入結局周的《痞子》劇情愈趨緊湊，劇情講到升呢鎮首的紀威（周嘉洛飾）帶隊上山剿滅山賊，紀威出發前獲贈「天蠶寶衣」，齋聽名以為「天蠶寶衣」好架勢，原來只有保暖功能，純屬笑料。不過其實該件「天蠶寶衣」大有來頭，資深藝人于洋於1983年播出的短劇《七彩如來神掌》中就穿過類似戲服。據知劇組特意為嘉洛找來近似戲服，藉此向經典作品《如來神掌》系列及粵語武俠長片致敬。對於和前輩于洋「撞衫」，嘉洛受訪時笑指自己未夠班：「于洋大哥型好多，同埋覺得幾唔好意思，因為有場戲唔小心整爛咗件衫，好彩後尾都補得番。」
朱仔呢個「一劍大俠」造型型到爆。
件衫係跟足劇中漫畫「一劍大俠」造型去整。
朱仔話呢件應該係全套劇第二熱嘅衫嚟，仲要着住呢件衫嚟拍動作戲，諗起都覺得辛苦。
朱仔大晒爆肌。
千刀突然變得聰明兼有領導才能。
原來千刀人格分裂，一覺醒來咩都唔記得。
至於升呢副鎮首的裘千刀（朱敏瀚飾）則因「突發事件」性情大變；事緣千刀化身「一劍大俠」撇甩大隊獨自上山再剿山賊，但一覺醒來後忘記所發生一切，後被霍青山（曹永廉飾）診斷患上「離魂分裂症」，因而爆出雙重人格，升呢變得成熟、聰明兼有領導才能……朱仔「一劍大俠」造型帥氣，戲服則跟足劇中漫畫「一劍大俠」，相當有心思。朱仔受訪時透露非常滿意相關造型，笑言感覺有點似Batman，更大爆陳瀅對其造型非常冧豬，他說：「佢見到我呢個造型嘅眼神好似見到偶像咁，畀咗好多信心我。」朱仔更笑指套戲服是全劇「第二最焗」：「除咗猩猩衫，呢套應該係全套劇第二熱嗰件衫，好彩拍攝時都習慣咗流汗嘅狀態，好記得有一日拍完畀番套衫服裝部，佢哋好驚訝點解件衫冇乜汗，主要係因為啲汗流到冇得再流，佢哋好擔心我中暑，但回想番都係覺得好玩。」
呢幕流口水戲，真係好難忍到笑。
大家瘋狂講英文，勁搞笑。
JW開迷你音樂會獻唱《矛盾一生》
此外「See Saw先」在YouTube頻道釋出《痞子》NG合輯，化了孖膶腸妝的朱仔和嘉洛講對白時瘋狂流口水，嘉洛的口水更流晒落狗仔身上，兩人對望時更忍不住笑場；由於《痞子》劇情瘋狂，令一眾拍至忘我境界的演員也變得瘋狂，NG時勁輪流大爆英文，包括Fans、Thank you、Bye Bye、Sorry等，相當爆笑。另原來JW拍攝《魁夢傳奇》場口時獻唱了首本名曲《矛盾一生》，令現場即時變成迷你音樂會，其他演員化身粉絲揮手，氣氛熱鬧。另《痞子》官方IG早前上載了為4位主角感情線剪輯而成的片段，再配以JW主唱插曲《花不起溫暖》，浪漫非常。
JW拍拍吓戲突然開起迷你音樂會上嚟，氣氛正到爆。
