58歲呂方變成「女兒控」湊女冧到爆又攬又錫

2022年09月07日 12:50 最後更新：13:07

前年，58歲的呂方做咗高齡老竇，太太伍惠寶（Rainbow）誕下Emma，由於身家豐厚，又家住元朗獨立屋，呂方去年尾參加完內地節目《我們的歌》後基本上可以退休，全職湊女。

因為老來得女，呂方自然錫女錫到燶。呂太放咗段新片到IG，片中嘅2歲囡囡喺屋企搵老竇，見小妹妹慢慢上樓梯，上到第二層，爸爸就出房門口迎接佢，睇呂方個笑樣，隔住個Mon都Feel到有幾甜。一開始，呂方張開雙手攬囡囡，然後Emma拖住老竇落樓，老竇見攰坐低，同囡囡一齊拍打大髀，去到轉彎位，老竇就狂攬囡囡，又同囡囡面貼面，Emma好活潑，錫完爸爸面再錫嘴嘴，氹到呂方咭咭笑。

點擊看圖輯

杜德偉帶囝囝去探呂方，兩家人嘅小朋友影合照，好似迷你版杜德偉跟Mini版呂方。

一家三口仲着晒親子裝添。

伸晒脷咁餵囡囡食雪糕。

Emma

Emma好活潑

呂方被2歲囡囡融化

呂方湊女冧到爆。

呂方又攬又錫係咁笑。

網上圖片

囡囡打第一支疫苗。

收到波波好興奮。

小朋友真係好易滿足。

囡囡同媽媽養嘅狗狗好好感情。

一齊喺後花園玩。

有時間就出去唞吓氣。

老竇視角。

呂太好鍾意影囡囡瞓覺。

2歲囡囡勁可愛。

呂方成日分享囡囡嘅相

Emma腳腳都好q

Emma逐漸長大

杜德偉帶囝囝去探呂方，兩家人嘅小朋友影合照，好似迷你版杜德偉跟Mini版呂方。

呂方同囡囡爭56年，當孫咁湊當然錫到爆炸。

另外，呂太不時分享湊女之日常，最新有帶囡囡去打第一針疫苗，仲狂讚打針過程冇得彈，因為政府網站預約好容易喎。「今日星期日，人會比較少啲，由泊低架車（車位就真係太少），每一個位置都有人帶領住我哋，完全唔需要等，好輕鬆就帶到Emma坐低打針。原本我都有啲擔心，驚控制唔到小朋友會扭計，點知沿途啲卡通氣氛＋貼紙，令佢完全意會唔到有哥哥即將要拮佢針🙈 最令人驚嘆嘅係護士哥哥一邊同佢傾計， 0.1秒之際就拮咗支針落去大髀，Emma 望一望自己隻大脾，竟然好似若無其事咁繼續玩張貼紙😂😂😂 我同工人姐姐O曬嘴（互相對望），欣然行去等候區。驚喜陸續有嚟，等候區有個扭波姐姐送每人一個扭扭波， Emma 歡喜若狂，好大可能佢好想快啲再嚟打第二針。」呂太仲話Emma好叻，因為打完之後完全冇唔舒服，唔知以為廣告添呀。

另外呂太仲有分享囡囡同狗仔玩嘅片，又有可愛瞓覺樣同去公園玩嘅相，最過癮係杜德偉帶囝囝AJ去探37年老友呂方，5歲AJ輕攬2歲Emma影合照，好似迷你版杜德偉跟Mini版呂方咁，好鬼得意呀。

往下看更多文章

減產做KOL湊女有成呂方曬5歲女兒公主造型

歌手呂方於2020年與太太伍惠寶結婚，同年迎來女兒呂晨（Emma），自此生活重心明顯轉變。為了陪伴女兒成長，呂方近年刻意減少幕前工作，並轉戰內地社交平台，化身KOL分享家庭與生活點滴，父愛滿滿。

日前，呂方在社交平台上載一段父女同遊北京的影片，帶着5歲女兒Emma品嚐地道片皮鴨。他笑言終於帶「小棉襖」到帝都打卡，並特意選擇烤鴨名店用餐，直指現場烤爐香氣四溢。片中所見，Emma全程專注地看着師傅即席片鴨，神情認真又可愛。

已經5歲的Emma戴上小皇冠頭飾現身，宛如小公主般精靈甜美。她自小被指與爸爸十足「餅印」，隨着年紀漸長，五官愈見立體精緻，吸引不少網民留言大讚「愈大愈靚」。

除了外出用餐的溫馨畫面，呂方亦分享了一幅由女兒在飛機上為他繪畫的畫作，並笑稱「女兒畫的我」，毫不掩飾作為爸爸的驕傲，更大讚愛女「可愛到犯規」。父女之間的甜蜜互動，再次展現呂方近年專注家庭、享受親子時光的另一面。

58歲呂方變成「女兒控」 湊女冧到爆又攬又錫