網民熱議小學半日制利弊 讀下午班一缺點惹共鳴

政府於1993年開始逐步推行小學全日制，至今已全面推行多年。近日有網民在網上就小學讀下午班發文，吸引不少人留言談論半日制的利弊，當中有不少曾就讀下午班的網民對於一個缺點最有共鳴。

網民談論小學半日制的利弊。資料圖片

有網民在連登討論區以「有冇老野以前讀小學係番下午班？」為題發文，並詢問其他網民「嗰時番下午班係咪咩卡通都睇唔到」，相關帖文隨即引起熱議。不少在當年就讀小學下午班的網民分享自己及身邊朋友的經歷，並指「男朋友以前讀下午校，上晝拎嚟瞓覺、做功課、睇ETV，下晝返學，夜晚去網吧打機」、「9:30-11:30返補習，食完午餐，再返學」、「早上十點係趕功課時間」。有人指出讀下午班亦有好處，「當年返下午校都幾開心，朝早訓到自然醒，父母亦唔會催我去訓覺，每日放學返到屋企就開飯」、「小學返咗兩年下午校，好開心可以瞓晏啲」等。

小學全日制至今已全面推行多年。資料圖片

另有不少人分享就讀下午班的不便及缺點，並指「我朋友就讀下午校，中一嗰陣就話返唔慣咁早，成日都請假」、「放學好似係五點八到 ，冬天個天黑晒」、「下午班啲老師有權留人堂到6、7點」、「以前小學返下午校返12點半放6點，有時仲要有埋補課補到6點9，返到屋企食埋飯沖埋涼都8點幾，仲要做功課果啲，根本完全冇時間玩同睇卡通片，有時仲要星期六都要返上晝學，長短週」等。

網民以「有冇老野以前讀小學係番下午班？」為題發文。網頁截圖

當中，不少曾就讀下午班的網民對於未能看動畫最有共鳴，紛紛表示「睇唔到數碼暴龍」、「啲卡通全部都要set定時間用錄影帶錄」、「下午校要星期六日先有卡通睇，所以如果閒日放假會好開心，可以睇下晝嘅兒童節目」等。有網民則補充指，雖然部分動畫會於早上重播，但指「上午卡通得舊野睇，新野一定係3至6播」。

不少人分享以前的經歷，以及半日制的利弊。網頁截圖

另有就讀上午班的網民則留言分享就讀上午班的好處，並指「以前上午班番完學，下午去朋友到打機，爽到」等。另有人則認為半日制較全日制好，並指「覺得小學全日制真係好慘，根本係班老豆老母當托兒用，分上下晝班又唔會讀唔晒啲書嘅」等。

帖文來源：連登討論區

不少曾就讀下午班的網民對於未能看動畫最有共鳴。網頁截圖

網民熱議小學半日制的利弊。資料圖片

電影《La La Land 樂來越愛你》被不少人奉為無可取代的愛情經典， 2016 年上映時引起了極大的迴響，電影不只締造驚人的票房，更在第 89 屆奧斯卡上橫掃六項大獎。而近日，一對情侶被網友捕捉到在中環終審法院大樓外隨著現場音樂浪漫起舞，讓網友直呼場面猶如「港版La La Land」

threads影片截圖

最近有網民在Threads分享一段影片，一對穿正裝的情侶在皇后像廣場東側的終審法院外，隨住現場音樂翩翩起舞。當時大樓外牆剛好有聖誕燈飾投影，背景音樂襯托下，兩人完全沉浸在二人世界中，甜蜜到爆！

threads影片截圖

threads影片截圖

threads影片截圖

剛好拍下影片的事主指場面猶如「港版La La Land」：「香港人下班後的娛樂，喺中環見到呢對情侶好sweet，經過都被閃盲！」，而事主更向神通廣大的網民求助：「有冇辦法幫我搵返當事人出嚟，想send返條片畀佢哋做紀錄，20年後睇返一定好開心。」真係好有愛！

網上圖片

這段甜蜜影片曝光後掀起大批網民討論，不少人都大讚情侶夠膽做自己，浪漫滿分：「香港好少見到呢啲畫面，要唔理旁人嘅目光都唔易」、「香港人就係需要咁樣放鬆下，唔理人點睇做自己」