苑瓊丹自爆曾虐打老公迫令離婚

苑瓊丹（苑仔）被雜誌揭發億萬好老公黃乃揚神秘背景，她更自認之前是野蠻惡妻，鬧離婚迫老公簽分居文件，但老公翌日取消提交離婚文件，苑仔感激老公忍讓和包容。

網上圖片

苑仔自內地回歸拍攝無線劇《火線下的江湖大佬》，搞笑演技再次獲觀眾喜愛。今期《東周刊》就揭苑仔的億萬好老公黃乃揚物業資產共值逾2億。報道指苑仔2001年「相睇」後一見鍾情並開始發展，拍拖三年就結婚，但婚後將近五年才被揭已婚一事。

苑瓊丹經常與老公撐枱腳

早前苑仔接受內地電視台訪問時，自認之前是野蠻惡妻，夫妻吵架時她試過用鬧鐘掟到老公隻眼變黑眼圈，但老公沒嬲她，反而她去鬧離婚迫老公簽分居文件。雖然老公當時就範，但翌日老公即私下到律師樓取消離婚文件，事後苑仔當然感激老公的忍讓和包容。

苑瓊丹經常與老公撐枱腳

當年由於苑仔母親身體不好，苑仔向老公提出要與家人同住，老公即買大屋搬去同外父外母一齊住，苑仔在父母面前收斂臭脾氣，令夫妻關係轉好。到苑媽媽去世，苑仔感激老公對媽媽的照顧，由惡妻變賢妻。她說：「媽媽過身後，我跟老公說，無論以前你做過甚麼，以後做過甚麼，我都不計較，都會原諒你。因為你照顧我媽媽，所以其他任何事情對我不再是甚麼問題了。

網上圖片

苑瓊丹表示：「正所謂人一世物一世，試吓做公主都唔錯。」

新春將至，一向顧家的苑瓊丹返港準備過年，更向大家宣布近日獲頒「公主」名銜，笑言要老公下跪請安，「大家叫我做『石榴公主』我都幾開心嘅，如果去大馬等地，申請埋老公做埋拿督，機場可以行紅地毯添！正所謂人一世物一世，試吓做公主都唔錯，我真名叫苑麗瓊，英文字係『King』嘛，根本就係皇族嚟嘅，所以買頂皇冠獎勵自己。」

苑瓊丹獲頒「公主」名銜。

苑仔笑言要老公下跪請安，又要買頂皇冠獎勵自己。

早前傳出苑仔「息影」，依家仲「升呢」做公主，但係佢就冇諗住退休，仲話好鍾意工作：「我唔係『息影』，只係唔拍住！佢地分別係息影就唔洗搵我啦，唔拍係可以傾吓，但都係覆你唔得閒，因為嚟緊龍年好忙碌，要內地做直播之餘，仲想將呢個產業帶翻嚟香港，有時間想開個講健康嘅頻道添。」

苑仔直言好鍾意工作，無諗住「息影」。

講到新年願望，苑仔笑言收山唔會爆製「小公主」，專心照顧家中十多隻小狗：「依家有十幾隻狗仔，雖然我成日四圍走，但唔會搬佢地返內地喇，因為香港有兩個工人照顧佢，我返嚟就由公主變翻做奴才追住幫佢地『執金』」。

苑仔同大家拜個早年！