單親媽楊思琦財來自有方，現時坐擁5個約共半億物業的思琦妹，日前又出動掃磚頭，素顏上陣湊女睇樓，半個鐘就立即扑槌買樓！
當日楊思琦以格仔恤衫束腰配牛仔褲，品味停留在N年前的飛女年代。
《頭條日報》報道，已有3層樓揸手的楊思琦，年前先後以親友名字，一年內豪掃兩個將軍澳天晉的千萬單位。現保守估計坐擁半億物業的思琦，近日趁至愛將軍澳區有新盤，即親身掃貨。
點擊看圖輯
更多相片
當日楊思琦以格仔恤衫束腰配牛仔褲，品味停留在N年前的飛女年代。
一向鍾情將軍澳區、加上女兒現在清水灣孟公屋返學，思琦吼中千呎4房戶。
當晚7時半，思琦三母女到場會合女經紀。
4歲卓穎活躍紮紮跳，要星媽拖實。
又榮升千萬樓業主，零妝楊思琦笑口否認。
一向鍾情將軍澳區、加上女兒現在清水灣孟公屋返學，思琦吼中千呎4房戶。
本周二（17日）晚上7時半，素顏戴帽戴眼鏡的單親媽楊思琦拖四歲囡囡卓穎和母親三婆孫現身ifc。見她一早約好個女地產經紀，準備上樓睇新地發展的將軍澳海天晉示範單位。由於開心睇樓太早被傳媒發現，思琦妹顯得避忌，成日以身擋住女兒。
當晚7時半，思琦三母女到場會合女經紀。
《頭條》記者尾隨發現，發展商設有兩個分別為千呎四房及七百呎三房示範戶，但思琦主攻睇一個以第5座18樓A室為藍本的經改動四房雙套房示範戶，實用面積1090平方呎，售價$1,775萬。據悉她對以大玻璃作間隔、全港獨有的「水晶廚房」好有興趣，逗留半小時，思琦妹就扑槌，跟隨經紀轉至另一房落訂買樓。
4歲卓穎活躍紮紮跳，要星媽拖實。
約9時，剛購新樓的思琦心情靚靚離開大廈，記者問她又做業主？思琦耍手擰頭說：「唔係呀！我路過之嘛！」但一輪笑聲已出賣她。然後繼續邊行邊講：「我純粹八卦啲裝修，睇吓啫！無投資心得O架！(買過千萬新樓？)唔係，入面有啲細（單位），周圍望吓，八卦吓啫！」最後揸去年落地的77萬新車離開。
又榮升千萬樓業主，零妝楊思琦笑口否認。
去年半年內，思琦以公司名義出了兩架新車，今年初又幫女兒卓穎由德望小學暨幼稚園轉讀英基國際幼稚園，學費貴兩倍要八萬四千元，離奇暴富，財來有方。
