自古以嚟，諗頭多多又多愁善感嘅人類，都好鍾意同人分享訊息或表達感情，歌都有得唱啦「你這剎那在何方，我有說話未曾講」，所以佢哋都好鍾意講電話......唔好意思，古代未有電話，係喎！咁我哋祖先係點樣同遠方親友通訊架呢？唔知！睇吓人類嘅通訊工具點進化啦！
1. 飛鴿傳書
點擊看圖輯
公元前3000年，好叻叻嘅古埃及人已開始用鴿做郵差，中國亦都係養鴿古國，除咗食乳鴿，隋唐時期，廣州等地已開始用鴿送信。聰明嘅鴿鴿認路勁過GPS，佢哋對地球磁場好敏感，受訓練後一般可以飛300到1500公里，fit鴿飛到2000公里都唔出奇。
2. 烽火
大家都知道「烽火戲諸侯」呢個歷史故事，周幽王為咗搏靚女褒姒一笑，點著烽火台玩死一班諸侯，結果真係點著班諸侯，敵人兵臨城下都唔幫手，搞到國破人亡。
烽火係最古老嘅通訊方法之一，濃煙升空，通知附近嘅人，烽火台一個接一個點著，將危險、召集等消息傳出去。烽火唔係中國人專利，古代印第安人、智利人、澳洲土人都會用架！
3. 快馬
信鴿容易寄失又唔可以寄包裹，烽火又講唔到複雜內容，所以快馬送信係祖先最可靠又快捷既通信方法。古時歐亞嘅郵差叔叔，騎馬純熟，迅速送出。
古代中國每隔20里都有驛站，即係郵局，遇著官大爺送公文，郵差就會騎馬每日跑300里，如果再緊急啲，可以要求加速，最快去到日行800里，所以睇電視成日聽到『六百里加急，八百里加急』，就係睇吓有幾緊急嘞，但係快馬成本好鬼貴，唔係達官貴人都無資格用。
4. 電報
有咗電，一切都變成可能。1753年，英國人諗到用26條電線代表26個英文字母，電線發出嘅靜電起伏，可以組合成文字。第一條正式用得嘅電報線路，1839年喺英國出現，由惠斯通同庫克發明，鐵路公司安裝喺兩個車站之間做通訊。
美國人摩斯，唔係摩斯漢堡個摩斯呀！佢亦喺差唔多時間發明電報，1837年喺美國拎到專利。摩爾斯仲發展出一套將字母及數字編碼嘅方法，稱為摩斯電碼。
5. 電話
要煲電話粥，首先要有電話，你以為電話係貝爾發明？少年你太年輕了。美國國會喺2002年確認，安東尼奧穆齊先係電話發明人，但係因為穆齊太窮，1874年無錢延長專利期限，俾貝爾喺1876年申請咗電話專利權。
早期電話原理係用講嘢時聲音喺空氣中嘅振動，透過金屬電線傳遞，可以聽到遠處嘅人講嘢，但今日嘅手提電話喺用無線電波傳送，原理已經唔同晒喇。
6. VoLTE
Smartphone出現，加埋4G網絡，家陣唔怕發送唔到訊息，係擔心訊息太多收唔切。而最新嘅VoLTE（Voice Over LTE），透過4G網絡，無論講電話或視像通話都比傳媒通話更加暢順。
csl既VoLTE「神話服務」服務，唔駛額外俾錢都可以通過上網，用到高速話音通話接駁服務同高清視像通話。過去3G打電話，連接時間要成7秒，用VoLTE打俾同時使用VoLTE的朋友仔，由打電話到對方電話響，最快只需1秒，即使對方唔係用LTE網絡，連接時間亦只需要大約4秒。想了解多啲，可以上csl網頁了解。