學生哥hea坐唐樓天台邊 網民讚似劇照：好有王家衛feel

君子不立危牆下，青年愛坐危牆邊。兩名學生哥在唐樓天台圍牆對開的長窄小空地hea坐，被上載相片的網民形容為「不怕危險的少年」，回應的網民都驚呼「危險呀！細路！」、「好危險嘅吖」，但原來也同時勾起了一代人的輕狂歲月，指回憶返晒嚟。

上載相片的網民形容兩位學生哥為「不怕危險的少年」。網圖

網民先大讚這幀唐樓「邊緣青年」相像劇照，「好有王家衛feel」，還有人看圖編出了個故事來「呢個角度有啲似私家偵探租咗對面樓個單位影2個卧底喺天台匿埋交換情報，anyways，影得好」。

懷舊網民指「70/80年代好多人都坐喺度吹水㗎喇！」。網上截圖

說到那些年的青澀憶記，網民不約而同說出了「秘密基地」的暱稱，指「以前7、8歲時，我同D朋友仔都有玩，我哋叫呢D位置做『秘密基地』，真係好開心好好嘅回憶嚟」。

暱稱「秘密基地」

滿載舊日情懷的網民並指，「呢D咪真正嘅『邊緣青年』囉」，「其實身處其中時，真的一點也不覺得危險」，「我哋以前都係咁坐，前面係平石屎地，以前無咁多高樓大厦，天空海闊，對面天台又可以望」、「其實我細個都好鍾意咁樣坐，當年我仲係小學生」、「70/80年代好多人都坐喺度吹水㗎喇！」。

網民形容「呢D咪真正嘅『邊緣青年』囉」。網上截圖

網民指「呢啲咪青春囉」。網上截圖

網民一人一句續指，「我以前同D同學都係咁坐傾心事，只要自己小心D，其實沒有問題。樓主可能屋企有錢，未試過坐係呢D天台吧！」，甚至有人的回憶遠至50年代，指「50年代我哋小孩都係咁坐睇街景，67年的暴動催淚彈還飄到上來，當時唔覺什麼一回事，現時梗係條命矜貴D啦」。

帖文來源：香港風景攝影會

兩名學生哥在唐樓天台圍牆對開的長窄小空地hea坐。網圖

外遊入住酒店期間，不少人都會登入房間電視的串流平台收看節目，不過不時就有「大頭蝦」在退房前忘記登出自己的帳號。日前一名香港女生在社交平台撰文，指自己到南韓首爾遊玩時，發現房間電視已有YouTube Premium的登入紀錄，從帳戶名稱推測對方應為香港人，她其後幫忙登出，並在網上發文尋人。帖文曝光引來網民熱議，更疑似成功尋找到忘記登出帳號的男事主現身道謝。

threads圖片

該名香港女生在Threads上發文，並上傳照片，顯示於一間酒店房間內的電視，有相信是來自香港的遊客忘記登出YouTube帳號。事主在帖文中表示，照片拍攝於南韓首爾，更點名帳戶名稱及提醒對方沒有登出，「Kam Lun！你去完首爾冇log out個YouTube啊，幫你log out咗！下次記得啦」。

AI生成圖

帖文一出隨即引起熱議，其後疑似是忘記登出YouTube帳號的男子本尊更現身帖文留言區。他透露自己早於今年1月中前往首爾，由於打算一邊吃韓式炸雞一邊看影片，「估唔到咁快有香港人租呢間房」，又感謝樓主的熱心幫忙，「多謝妳嘅提醒，下次我會小心㗎啦」。

threads圖片

不少網民留言分享自身類似經歷：「我會幫佢subscribe（訂閱）我嘅YT channel（頻道）」、「做乜咁誠實用全名…」、「我去日本又係冇登出到youtube，返到香港兩星期，發現推薦咁多日本人釣魚嘅片，再睇返啲紀錄先知下一手喺咁用我account睇片，即刻登出日本部電視」。