政事
政務司司長林鄭一露出想玩下屆特首賽的動作，馬上成為焦點，有政圈朋友講起佢「腳痛」的故事。
早前特首CY在禮賓府回請全體立法會議員，即係自由黨田少不去的那個飯局，由於CY和林鄭同場，大家都想睇睇兩人有冇火花，結果當然無料到。
據說自由黨黨魁方剛席間問及林鄭係咪有意參選特首，林鄭氣定神閒講標準答案，話自己要陪老公同兩個仔，仲話要去北京同美國探佢地。講講吓講到最近腳痛，有筋膜炎，林鄭成日著斗零踭，好易著到腳痛。
政壇八卦友話，林鄭「腳痛」照去馬，呢場戲好好睇。林鄭半亮劍，立即蓋過財爺「鬍鬚曾」的鋒頭，鬍鬚的團隊都要加把勁啦。
Ariel
** 博客文章文責自負,不代表本公司立場 **
民建聯在港島區派人參加直選的形勢逐漸明朗化， 很可能是派副主席張國鈞參選， 現任民建聯議員鍾樹根可能不獲民建聯支持出選。鍾樹根今日接受NOW新聞訪問時話，如民建聯不支持他出選下屆立法會，他一定會考慮退黨自行參選。
鍾樹根話，「如果去到呢個咁地步，我相信無辦法， 一定考慮自己獨立出來參選」。
上屆港島區有7個議席，今屆減到6個，但民建聯議員、立法會主席曾鈺成將不再參選。鍾樹根話， 自己與立法會主席曾鈺成上屆立法會總得票， 比新民黨葉劉淑儀和工聯會王國興更多，如民建聯下屆只派出一隊人參選港島區，將流失很多地盤和票源， 作為政黨，「無理由自己閹割自己」。
不過知情人士分析，上屆曾鈺成有獨立吸票能力， 所以鍾樹根主要靠組織票。今屆曾鈺成不選，而鍾樹根勢力主要在港島東區，加上他在區選又落敗，所以即使他退黨獨自參選，對民建聯支持的張國鈞，影響不會太大。
民建聯在今屆直選主要做更生換代，資深議員退選，由新人上場，港島區曾鈺成不選，新界西譚耀宗和九龍東陳鑑林又是新人接，而葉國謙在區議會功能組別的議席又是新人接上，最後會換上很多新面孔。
政壇高人話，政黨走向成熟，要不斷更生換代，要有紀律才成。 這次選舉是一次考驗，新人要打上去。如新一代得， 民建聯就可以走向成熟。
