黃嘉樂曾傳被江嘉敏「睇中」硬撬 正印出招晒恩愛宣示主權

傳江嘉敏表現進取硬撬黃嘉樂！

44歲黃嘉樂今年8月迎娶拍拖5年的婚禮攝影師江惠賢（Samantha），二人婚前看似感情穩定，打風都打唔甩，但實際上在拍拖剛一年時，曾於2018年傳出江嘉敏睇中年差16年的「獵物」黃嘉樂，二人因劇集《果欄中的江湖大嫂》結緣，二人在劇中演一對苦命情侶，鏡頭外好快就玩埋一齊，更有恃無恐每日在個人社交網發佈二人日對夜對的合照，仲見到不少身體接觸攬頭攬頸，表現進取。當時正印Samantha為宣示主權，不理男友低調作風大唱反調，每日出PO晒恩愛。

黃嘉樂與江嘉敏因劇集《果欄中的江湖大嫂》結緣。

當時有知情人士指Samantha放閃是被江嘉敏所逼：「其實佢哋上個星期（5月2日）至啱啱拍拖一周年，嘉樂雖然話過想儲兩年錢先結婚，但係變數可以好大，兩年後身邊係邊個邊有得保證。

二人在劇中演一對苦命情侶。

Samantha同嘉樂年紀差唔多、唔想再浪費時間，同埋真係覺得男友好仔唔想錯過。」江嘉敏傳出緋聞後仍會約黃嘉樂去行山，保持友好關係。

有傳江嘉敏睇中黃嘉樂，進取主動出擊。

黃嘉樂當時已有拍拖一年的女友，但江嘉敏每次開工都出PO。

鏡頭外二人好快玩埋一齊。

有指江嘉敏趁開工有恃無恐，黐實黃嘉樂。

二人一度傳緋聞。

黃嘉樂同女拍檔都好熟。

黃嘉樂（右）任攬唔嬲。

江嘉敏（左）不時跟黃嘉樂攬頭攬頸。

黃嘉樂開工都有自拍。

黃嘉樂（左）與江嘉敏之後又約行山。

江嘉敏被指是「發電機」。

江嘉敏的緋聞表非常長。

江嘉敏的性格夠主動，難免會惹出緋聞。

江嘉敏近年變得低調。

黃嘉樂今年8月娶拍拖5年女友Samantha。

黃嘉樂的太太Samantha身形不比江嘉敏輸蝕。

Samantha當年為悍衛戀情，頻頻出PO宣示主權。

Samantha大晒與黃嘉樂的合照晒恩愛。

曾傳江嘉敏表現進取硬撬，黃嘉樂正印出招宣示主權。

入行逾廿載,黃嘉樂珍惜機會全力以赴：每一個角色都係一個好嘅機會

由梁耀堅監製、葉世康及鄭忠泰擔任編審的《本尊就位》，今晚八點半翡翠台播映大結局。22日劇情講述穿山甲妖轉世的現任鎮長辛正義（黃嘉樂飾），用詭計偷去王母娘娘髮簪；為了搶回法力高強的髮簪，呂洞賓（謝東閔飾）要求雪花（陳嘉慧飾）釋出「牡丹仙子」（陳嘉慧分飾）元神四出感應髮簪下落。與此同時，木昆（孔德賢飾）遭正義設局踢爆神棍真面目，鋃鐺入獄兼被判死刑，最終獲直楠（鄭雋熹飾）幫忙成功逃獄。另邊廂，「牡丹仙子」元神在尋簪期間被正義捉走，及後「牡丹」元神雖趁呂祖與正義大戰期間逃脫，但卻因迷路未能返回肉身，令雪花生命危在旦夕，至於戰敗的呂祖則被正義封印在石堆之中...今晚（23日）大結局，呂祖、木昆及穿山甲妖將展開終極大戰，向來自私的木昆更會為顧全大局捨身成仁…

大結局對決相當精彩，萬勿錯過。

到底雪花最後同木昆會唔會開花結果呢？

《本尊》結局周劇情發展主要圍繞穿山甲妖轉世的正義，而飾演正義的黃嘉樂雖是奸角，但由於角色性格並非大奸大惡、只是過於執著，加上對雪花一往情深，嘉樂亦演繹到位，故正義自出場後一直吸獲不少正評。除了顏值獲讚，網民又讚嘉樂演技開竅兼「奸得有型過人」，封他為「民初版夜神月」。演技方面，日前正義為幫亡母（黎燕珊飾）報仇、邊哭邊追殺金爺（韋家雄飾）場口，嘉樂成功演繹出極憤怒同時而又極心痛的狀態，完全有「分不清是雨還是眼淚」的感覺。加上多幕冷眼、霸氣及奸險等不同表情突襲，令人看得心寒又肉緊。

黃嘉樂

黃嘉樂呢幕雨中爆喊戲一絕。

黃嘉樂演技顏值俱獲讚。

呢個樣又真係好陽光。

見到阿爸喊成咁都仲要咁冷淡，好心寒。

笑容好奸

黃嘉樂顏值一直係網民正評重點。

辛正義當面踢爆木昆神棍身份。

保養心得變愛妻宣言？！

談到角色獲讚，嘉樂坦言花了不少時間做功課，並感激太太無私付出：「好多謝大家有正評，對一個演員係非常之好嘅鼓勵。講到嗰場（雨中）喊戲，我覺得可能同我自身經歷有啲關係，因為我爸爸過咗身，所以情緒上嘅代入會比較容易，另外當然係全靠劇本賦予呢個角色唔少細緻位。拍呢套劇嗰時，我其實係準備緊婚禮，但太太為咗令到我可以安心演戲，佢同我講：『婚禮嗰啲嘢我會全程負責晒，你只要專心做好你嘅工作就得』，佢仲叫我要交足功課，把握好每個機會。作為一個演員，同埋都做咗成20年，我唔可以辜負人哋畀我嘅機會，要對得住自己，每一個角色都係一個好嘅機會，我係抱住咁嘅心態去Prepare角色、盡力做好。」談到顏值獲讚，嘉樂竟搞笑地發表愛妻宣言：「我要多謝我爸爸、我媽媽，同埋要多謝我太太令到我咁快樂。我覺得一個人開心，係容易啲保持到自己個外表嘅。」

辛正義做事雖然硬繃繃，但對雪花卻一往情深。

除了嘉樂，孔德賢（Danny）的喊戲亦大有進步，昨晚一場雪花及呂祖探監場口，木昆拿著饅頭狼吞虎嚥、兼邊食邊喊邊懺悔一幕相當有感染力，不但演活百感交集的內疚情緒，更哭至涕淚交連相當入戲；更誇張的是，即使不是主角場口，Danny也會根據劇情「話喊就喊」，以致在大wide shot中、亦能看到Danny兩行閃閃發光的眼淚。談到喊戲愈演愈好，Danny坦言全靠演《你好，我的大夫》後開了竅，並坦言自己也確實愈拍愈入戲：「嗰時係《大夫》同《本尊》疊住拍，我都斷斷續續喊咗成一、兩個月；同埋監牢場戲因為都拍到尾聲，我真係完全代入咗陳木昆嘅角色，覺得講咗咁耐大話好對唔住大家，同埋因為東閔同嘉慧都好畀到情緒我，所以啲眼淚係真情流露。」

孔德賢

孔德賢呢幕喊戲真係做得好好。

孔德賢啲眼淚話嚟就嚟。