呻父母理財失敗齋租唔買樓 港男：諗起要負責佢哋嘅退休人生就慘

有人則指，「因為佢哋投資晒落你身上，點知會咁嘅啫」。網頁截圖

樓主又指，「租咗幾廿年樓夠full pay層樓有凸啦，幾十年前啲樓仲咁平」，並指女朋友不願意與他的家人同住，直言自己「婚都結唔到了」，並指「點租兩個單位？儲到首期又點？供一間租一間會儲唔到錢，儲唔到錢冇得投資，冇得投資又係下一代辛苦又要我個仔養我？」樓主又補充指，父母並非高收入人士，「夾心階層入息買唔到居屋，但又追求生活質素咪儲唔到錢」。

有人認為，「租樓有咩唔好，又唔洗承擔樓價跌風險」。網頁截圖

有人指，「如你日後有能力，你也可以自己賺錢買」。網頁截圖

相關帖文引起熱議，有人認為「無咪唔好結，或者繼續做租租，又唔係要有層樓先結到婚」、「因為佢哋投資晒落你身上，點知會咁嘅啫」、「租樓有咩唔好，又唔洗承擔樓價跌風險，你老豆老母收埋一大舊錢唔話你知啫」、「及時行樂又唔可以話佢哋錯，你去到50、60歲咪又係儲錢>打工>返工loop，然後一世人無嘆過好嘢」、「如你日後有能力，你也可以自己賺錢買，爸爸未必有能力幫你置業，有樓留給你也未必是好事，自己要努力」、「移民算，佢哋都係成年人，自己照顧自己啦」等。

帖文來源：連登討論區

有港男指，不理解其父母早年為何不把握機會買樓。資料圖片