「娛圈奇女子」陳淑蘭8年前因貪靚險死 感情生活相秘被指秘嫁富商

陳淑蘭近年半淡出幕前，只在社交網分享生活日常。

陳淑蘭（蘭子）於12月7日到尖沙嘴出席時裝活動，並擔任模特兒繞場一周，戴口罩時竟然撞樣60歲「大美人」關之琳，就算脫下口罩也有幾分相似。現年53歲的陳淑蘭，近年半淡出幕前，只在社交網分享生活日常，照片多以飲食、朋友聚會為主。

陳淑蘭出席活動時擔任模特兒。

陳淑蘭（中）已有一段時間沒有現身。

陳淑蘭擔任模特兒要繞場一周。

陳淑蘭剛接受完骨膠原注射，擔心穿高跟鞋會影響膝蓋。

陳淑蘭呢個樣好似關之琳。

關之琳之前好鍾意梳此髮型。

陳淑蘭笑指自己年紀大，膝蓋痛，五十肩、富貴包都有。

陳淑蘭因今年5月喪母，坦言2022年是很煎熬的一年。

陳淑蘭於多年前曾一度因貪靚打肉毒桿菌美容針，導致面部浮腫、口齒不清，又出現吞咽及呼吸困難，險些送命。

陳淑蘭好貪靚。

陳淑蘭試過打肉毒桿菌毒針出事。

陳淑蘭差點因為貪靚而送命。

陳淑蘭為Keep住個靚樣，亦試過在臉上插滿針。

陳淑蘭試過搞到塊面又紅又腫。

陳淑蘭愛靚唔愛命。

陳淑蘭又試過用電動吸耳器，自行清耳垢。

被譽為「娛樂圈奇女子」的陳淑蘭，1988年參加香港小姐奪得亞軍及最上鏡小姐入行，同年代表香港參加世界大學小姐競選，獲亞洲大學小姐榮譽。當選後簽約TVB向主持方面發展，其中在節目《點解香港咁過癮》中發揮搞笑本色，以漫畫《聖鬥士星矢》的造型現身，並介紹自己是「愛鬥士蘭子」，之後獲大眾以「蘭子」稱呼。而她於1992年電影《家有囍事》中，飾演介入程大嫂（吳君如飾）婚姻的情婦Sheila，令人印象深刻。

陳淑蘭（左）於1988年當選港姐亞軍，同屆冠軍是李嘉欣、季軍為張郁蕾（右）。

陳淑蘭（左）曾在節目分享與李嘉欣昔日參選港姐時的三點式泳照。

陳淑蘭當選後簽約TVB，向主持界發展。

陳淑蘭在《家有囍事》中飾演情婦，令人印象深刻。

陳淑蘭有一段時間好圓潤。

陳淑蘭於1991年經歷喪父之痛，因主持節目仍笑面迎人，令其心理狀況不太好，其後被臨床心理學家顧修全發覺有異樣，著她接受治療；直到一次拍攝時暈倒，並失去意識數日，她才求診，證實患有廣泛性焦慮症。陳淑蘭曾兩度改名盼轉運，於2006年改為「陳道然」，帶來富貴；其後用回本名陳淑蘭，到2021年又改為「陳麗珽」，更將英文原名Sheila變成「Lighting」，盼照耀自己及將開心、幸福照耀大家。慢慢走出情緒病陰霾的她，於2018年至2019年報讀上海長江商學院有關文化創意產業的課程，翌年重返校園到美國西雅圖，於University of Washington上課。

陳淑蘭於1991年喪父，之後患有廣泛性焦慮症。

陳淑蘭重返校園。

目前的感情生活相當神秘的陳淑蘭，入行初期曾戀方中信，又與漫畫家祁文傑拍拖，二人分手後，陳淑蘭與富商利承武於2006年傳出緋聞，此段關係更糾纏14年，其間多次傳出分手又復合消息，更有指二人在寓所內吵架，一度驚動警方，到2013年有傳陳淑蘭秘嫁利承武，但遭男方否認，最終分手收場。

陳淑蘭與富商利承武的緋聞，傳足14年。

陳淑蘭分手後，其感情生活未有再公開，間中只約友人見面。

陳淑蘭三年前出席首映禮。

蘭子強忍眼淚讀出林超榮三個女兒撰寫的親筆信，原來超人的遺願是做區議員。

身兼編劇、導演、節目主持多職、人稱「超人」的創作人林超榮12月12日病逝，終年61歲。林超榮生前為港台主持電台節目《開心日報》，12月13日播出的《開心日報》製作了《懷念林超榮特輯》，一眾主持輪流分享與林超榮相處的點滴時，一度泣不成聲。

人稱「超人」的資深傳媒人林超榮12月12日逝世，享年61歲。

林超榮於2007年起加入港台第一台《開心日報》擔任主持，他以風趣幽默風格見稱，愛扮鬼扮馬，他於11月8日最後一次主持節目。

與林超榮私交甚篤的陳淑蘭（蘭子），在節目尾聲強忍眼淚讀出一封由林超榮三名女兒寫給爸爸的最後一封信，當中除了提到林超榮與她們相處的點滴，女兒亦透露原來林超榮的遺願是做區議員。

一起主持港台節目《開心日報》的好友陳淑蘭（蘭子）亦有到醫院送他最後一程。

林超榮女兒親筆信全文：

「超人爸爸嘅傳奇人生昨日煞青咗，我好鍾意亦好唔捨得呢個唔梳頭、得返四隻牙、拎住個穿窿紙袋，入面袋住三本書，仲係過期未交罰款，同埋將粗口發揮得淋漓盡致嘅爸爸。爸爸，個個嚟探你嘅朋友都話你真係好好，又搞笑，又遴鬼迍，但係乜人都幫。講到幫人，爸爸都有「有志不得伸」嘅時候。

講個秘密畀大家聽，爸爸其實一直都想做區議員，除咗可以幫人之外，仲有個天大契機，就係可以喺嗰區周街免費泊車。喺《開心日報》報道主持離世咁傷心嘅消息， 成件事好有爸爸嘅作風，你乜都睇得咁樂觀。爸爸冇嘢做唔成，唯獨係做唔到嚿電芯，爸爸只有正極，冇心機，正能量爆滿，爸爸係所有人心中嘅開心果。好掛住嗰個10:30電台開工，10點先電話響，再聽多一句「哎呀！」然後牙都唔刷就衝去返工嘅爸爸，我問你，個口咁臭畀人聞到㗎喎，你話是但啦，啲聽眾都聞唔到嘅。冇錯，爸爸真係好污糟，不過幫佢澄清返，爸爸一日沖兩三次涼，一日洗廿幾套衫，只不過都係得一條底褲。爸爸，你咁鍾意講嘢，喺另一個世界記得開返場棟篤笑任你噏，到時開再間書店同文具店，到時大把筆俾你偷，冇人再話你用鋼漏墨漏到隻手變黑色喇。爸爸生前真係好鍾意筆，見筆就攞，前日已經得到朋友馬小強證實，爸爸確實有『戀筆癖』，爸爸對筆嘅喜愛程度，大至動作全伊利沙伯醫療團隊為已經住院嘅爸爸喺舊病房找尋失物鉛筆一支，當中具有誇大成份，請自行斟酌。

爸爸，你喺滂沱大雨中都不忘拯救一竇BB貓，唔知係咪因為佢哋喺你書店大，成日𥄫你做緊啲乜嘢，而家又俾我哋叫做肥仔，又係隻污糟貓。一切嚟得太急啦，最後一句聽爸爸你講嘅竟然係『嘩！梅菜剁豬肉，正呀！』邊有人做化療都咁有胃口㗎？爸爸，你真係好努力、好叻、好犀利，我哋永遠愛你，你永遠都喺我哋身邊。雖然WhatsApp group嘅訊息以後唔會再全員已讀All seen，但係你你對我哋嘅好，對我哋嘅付出，你一生人做過嘅好事，我哋所有人Well received，收到晒，再見啦爸爸。」

陳淑蘭喊住讀出林超榮三名女兒親筆信。

林超榮老婆屈穎妍是專欄作家、建制派KOL，兩人育有三名女兒。

林超榮過往曾在訪問中指出，自己前半生努力搵銀，除了供書教學之外，更已留下物業與三名女兒，經已「盡晒責任」。