呻阿媽歧視差生同學 中一生求救網友：如何說服勿以成績判斷人品

成績不代表人品。有中一生在網上發文，提到認識了兩名成績較差的朋友，但母親不但拒絕自己與該兩名朋友外出，更表明希望保持距離，因此發文詢問「應該點樣說服阿媽叫佢唔好以成績Judge人品」。

網民對樓主母親的行為感到反感，並指「呢啲係鄙視」。IG截圖

有人直言，「成績差都好過你阿媽人品差」。IG截圖

該名中一生向Instagram專頁「名校Secrets」投稿，提到母親疑似歧視其成績差的朋友，並提到認識了兩名成績較差的朋友，其中一人(A)考全班「包尾」，而另一人(B)在班上的名次亦較後，而且是留班生。樓主提到，近日詢問母親可否與朋友B外出時，母親以「下星期一有quiz」為由拒絕，但指早前在面對相關情況但對象為朋友C時，母親卻批准樓主外出。

有人指，「好多時候最後創業嘅都係果啲『籮底橙』學生，然後讀得書嘅大學生畢業都係打佢哋工」。IG截圖

有人建議，「每週週六或日帶埋同學一齊去自己屋企溫一日書」。IG截圖

樓主續指，如果朋友C到場接自己放學，母親會邀請對方到他們的家中，「但如果係A & B就唔可以，連去附近嘅商場行一陣都唔得」，母親更要求樓主與朋友A及B保持距離，「話咩佢哋會教壞我」。樓主指，「A係一個好好嘅心事台，而且佢哋兩個都對我好nice，我應該點樣說服阿媽叫佢唔好以成績Judge人品？」

有人建議，「鼓勵你嗰兩個fds一齊進步，考好啲」。IG截圖

中一生指，母親疑似歧視其成績差的朋友。《親親我好媽》劇照

部分網民對樓主母親的行為感到反感，並指「呢啲係鄙視」、「人比人，比死人」、「成績差都好過你阿媽人品差」、「好多時候最後創業嘅都係果啲『籮底橙』學生，然後讀得書嘅大學生畢業都係打佢哋工」等，有人則指「點解佢會知人哋考成點？咪又係你出賣朋友」。另外，有人則建議，「每周六或日帶埋同學一齊去自己屋企溫一日書啦 媽子一定對你哋改自己三觀」、「倒不如你以鼓勵你嗰兩個fds一齊進步，考好啲，唔好衰畀你老母睇！」等。

帖文來源：「名校Secrets」

為了守護孩子對聖誕老人的純真信仰，父母總是費盡心思！一名媽媽在社交平台發文，分享女兒對聖誕老人「深信不疑」，聖誕節特意準備了一大條生紅蘿蔔給馴鹿吃，她不忍讓女兒失望，只好表示「難為我今晚要咬幾啖生紅蘿蔔扮食過」。

8歲女孩仍相信聖誕老人。資料圖片

8歲女兒仍相信聖誕老人

樓主在社交平台Threads發帖，指8歲半的女兒依然堅信聖誕老人存在。聖誕節用心準備了「大碌紅蘿蔔」給聖誕老人的馴鹿，她不捨打破女兒的幻想，無奈說道「我今晚要咬幾啖生紅蘿蔔扮食過」。

媽媽無奈扮馴鹿「生咬紅蘿蔔」

從樓主上傳的照片可見，女兒準備了一條生紅蘿蔔，還用碗裝了零食和牛奶，並貼心地留下一張心形紙條，寫著「For Santa and his reindeer, From the Tsang family（這些食物是樓主一家為聖誕老人和馴鹿所準備）」。媽媽只好硬著頭皮咬生紅蘿蔔，假裝聖誕老人深夜騎馴鹿來過家裡，並吃掉了女兒準備的食物。

8歲女孩仍相信聖誕老人　特備紅蘿蔔給馴鹿。當事人帖文截圖圖片

網笑：好彩佢唔係放咗啲草喺度

許多網民既同情又覺得有趣，「小朋友好有愛心，仲識為動物著想，準備嘢食俾鹿，我細個只顧要禮物，完全無諗過聖誕老人同鹿嘅需要」、「好彩佢唔係放咗啲草喺度」、「如果門外有雪，聖誕老人入屋仲要有雪鞋印，今晚忙死啦」、「媽媽你要咬多啲，唔係鹿鹿無力飛返去」。

網笑：幸好不是放一堆草。資料圖片

網民建議用「美麗的謊言」化解

有人建議用「美麗的謊言」化解，「成條紅蘿蔔收埋佢，唔使咬兩啖，話鹿仔好鍾意成條食晒」、「同佢講隻鹿食咗魚仔餅之後愛上，放棄咗佢至愛嘅紅蘿蔔」、「同女兒講：聖誕老人同鹿仔減肥唔食啦」。

網友提議講個「美麗謊言」。資料圖片