Tyson Yoshi重新塑造壞男孩版《第二最愛》 獲古巨基大讚：全能Creator

基仔又表示這次mv拍攝十分有趣，「我主要係匿喺Tyson嘅床下底唱歌。」

古巨基音樂企劃《I Really Love To Sing》再次帶來驚喜聯乘，與Tyson Yoshi重新塑造經典歌曲《2nd Favourite第二最愛》。關於這次合作，基仔說：「我大概年半前喺Youtube聽到Tyson嘅音樂，後來搞《IRLTS》就好想邀請佢合作。認識Tyson後，發現佢除咗做音樂、寫歌、Produce，佢連做導演、story board、美術，所有嘢都好全面。我話：『你唔只係『Singer』，你係個全能嘅『Creator』」。

觀看相關影片按連結：https://youtu.be/IMkdpOXCAMA

今次選曲，基仔亦給予Tyson 100%的自由度，「雖然本身個Project係想揀啲以前嘅滄海遺珠，但係Tyson話俾我知佢第一首聽到我嘅歌就係《第二最愛》，我覺得既然咁有意義就當然跟佢揀定咗呢隻歌。我心諗：『我都幾期待呢隻歌可以點樣變成你嘅style。』」Tyson Yoshi透露收到基仔短訊，表示想「做首新嘢」，他即謂：「Why not both？所以就有呢個咁嘅combination，就咁講係好難明，但大家去聽咗首歌就明㗎喇。即係又係新歌又係舊歌嘅一個作品。」

Tyson Yoshi、古巨基

基仔更着大家要細味歌詞，Tyson Yoshi表示，這次他跟另一位創作人Issac為歌曲填上新詞，「基本上我完全係將聽嗰首歌（第二最愛）嘅感受，即係嗰種冇人陪又唔係，但係其實又極度充滿呢種孤獨嘅感覺，好直接咁寫出嚟。你一路搵唔同嘅人去陪，諗住搵到一個，但其實冇一個係，你都仲係掛住以前返唔到嚟嗰個，嗰隻feel。」

大合照

談到錄音過程，Tyson話：「以前係喺電視見到你，而家你喺我面前，我戴住耳機聽住你即時唱嘅歌，好難形容嗰種感覺！」基仔即刻話：「好似貞子咁（恐怖片）喺電視爬出嚟？我又夠係喺YouTube睇開你，你喺電腦出咗嚟我面前，一樣好難形容呀呢種感覺，哈哈～」

古巨基、Tyson Yoshi

基仔稱今次《2nd Favourite第二最愛》亦係《IRLTS》唯一一首全面交託俾合作單位嘅作品。包括重新改編、監製、甚至MV執導方面，都由Tyson Yoshi親自操刀。Tyson：「mv講述一個現代fuck boy孤獨嘅故事，然後上一代嘅fuck boy（指着基仔）而家已經做咗爸爸，以一個過來人嘅身份喺中段出現，唱番原版嘅歌詞。哈哈，我意思係話喺個戲裡面古sir飾演上一代fuck boy。個故事係每個男仔、男人都會經歷過，或者feel到過嘅另一種loneliness，係幾好玩嘅。」

Tyson Yoshi、古巨基

基仔亦表示這次mv拍攝十分有趣，「我主要係匿喺Tyson嘅床下底唱歌。」又更乘機「取笑」Tyson Yoshi，「床上面啲主戲交晒俾你演喇，有好多囡囡。」Tyson Yoshi立即反應：「係！嗰邊仲有好多仔仔㖭。」隨後基仔在拍攝現場指著一個bra top並拿着說：「但你掉啲咁嘅嘢落嚟……」Tyson Yoshi隨即表示：「乾淨嘅乾淨嘅。」認真搞笑。

Tyson Yoshi、古巨基

適逢今日（12月26日）是萬眾期待的「拆禮物日」，獨立歌手Tyson Yoshi即趁機在社交網站「送大禮」，率先劇透將與全球人氣男神王嘉爾（Jackson Wang）合作新歌，只見Tyson在限時動態分享一段音樂播放畫面，歌名顯示為《Tyson x Jackson 00’s love song DEMO》，更寫道：「2026年1月25日，Let’s sing it on stage?」這顆「Boxing Day震撼彈」隨即掀起網友熱話，紛紛跪求兩大「True爆男神」來一次「真．合作」！

Tyson Yoshi佳節送大禮，投擲「Boxing Day震撼彈」，劇透與王嘉爾出合唱歌。

Tyson疑似透露與王嘉爾於澳門演唱會合唱新歌。

王嘉爾亦有轉發該限時動態。

無獨有偶，Tyson將於明年1月24日至25日在澳門舉行《TYSON YOSHI THE VILLAIN LIVE IN MACAO》，Jackson Wang亦第一時間轉發Tyson的限時動態，並寫上「Happy Boxing Day」，更令Jackson將擔任尾場嘉賓的傳聞更囂塵上！

有心水清的網友表示Jackson於早前的世巡澳門站曾邀請Tyson做嘉賓，扯衫的「黃金畫面」當時在各大社交網站洗版，如今Tyson首次進軍澳門，向來重情重義的Jackson「禮尚往來」做嘉賓的機率高達99.99%，更令網友熱烈期待「兩Son合體」首唱新歌的又一「黃金畫面」！

網傳1月24號嘉賓是Gareth. T。

網傳演唱會嘉賓陣容。

除了尾場嘉賓是Jackson Wang外，Threads更驚現「大膽猜測」帖文指：「24號嘉賓係湯令山，合唱《December》；25號嘉賓係王嘉爾，合唱新歌。Only9估，信不信由你，我估可能仲會保留跳水環節XD」此帖一出吸引無數網友留言，連Tyson本尊亦回覆話：「嘩X！」似乎對這個「大膽猜測」表示「有料到」，更有網友留言說：「到底Tyson同Jackson會著衫定除衫合唱呢？」、「期待Tyson同Jackson『用胸肌唱情歌』呀！」、「集氣湯令山同Tyson齊齊示範『令山轉』囉！」創意十足！

王嘉爾任Tyson Yoshi澳門騷尾場嘉賓。