Busking被「雨神」眷顧粉絲依然冒雨力撐 古巨基：淋濕個人淋唔濕個心！

今年是香港颱風破紀錄的一年，天氣極度不穩定，但古巨基跟他的「Music Panda」團隊完全沒被嚇到，日前於尖沙咀海港城外五枝旗杆位置，順利舉行「Music Panda busking with LEO KU Round 2」！雖然天公不算太造美，但古sir跟現場觀眾一樣熱情不減，更說今次是一場「浪漫嘅雨中共唱」。

「Music Panda busking with LEO KU Round 2」日前順利舉行。

說到這次Busking，古sir忍不住分享小故事。原來今年七月中團隊已經計劃於同一個位置舉行第一次Busking，不過撞正打風，最後要取消。這次Round 2古sir特意返回尖沙咀同一地點，並以「勵志歌」為主題，不過又遇上時大時細的雨勢，雖然好像要跟天氣搏鬥，但古sir講得好啱，「雨水可以淋濕我哋個人，但係淋唔濕我哋要唱歌嘅心！」

古巨基

古sir更特別感謝現場每一位觀眾，就算淋着雨都堅持留低聽歌，這份支持真的十分熱血。古sir又笑說要「多謝個天」手下留情，「如果唔係落雨落到倒瀉水咁，人頂得住，啲器材都未必頂得住呀！」

觀眾冒雨支持！

觀眾冒雨支持！

這次Busking有四個來自各行各業的Busker單位一起參與，除了有教師、會計師、歌唱老師、零售銷售員，亦有工商學士同心理學學士，陣容夠晒多元化！古sir大讚每位Busker都一直堅持玩音樂，更期望他們的堅持能夠有更多人共鳴。雖然經常說「踢波先嚟落雨」，但最後依然在風雨中順利完成，古sir覺得無論踢波或是唱歌，只要一班人玩得開心，一起做最喜歡的事，「場雨其實都可以好浪漫！」

這次Busking有四個來自各行各業的Busker單位一起參與。

有教師、會計師、歌唱老師、零售銷售員，亦有工商學士同心理學學士。

古sir大讚每位Busker都一直堅持玩音樂！

西九海濱長廊日前變身大型戶外K房！古巨基率領五隊本地Busker隊伍，包括island studio HK、spirithk、20醬、hiddenjam及chillday x ReSing，於打風兼暴曬的天氣雙重夾擊下，進行逾兩小時的戶外Busking。古sir向現場歡眾說：「有好多街頭演唱嘅朋友仔，佢哋好鍾意音樂嘅同時，其實亦都好有實力，希望多啲人可以認識佢哋！」

古巨基

古巨基日前率領五隊本地Busker隊伍在西九海濱長廊Busking。

雖然懸掛一號風球，但無損古sir跟Busker隊伍的熱情。下午開Show時天氣反覆，西九海濱一時狂風大作，吹倒譜架；但一時又陽光普照，熱到大家汗流浹背。這次busking安排別具心思，每隊busker除了獨唱還各自與古sir合唱兩首歌曲，其中一首為港產片主題曲，以音樂向香港電影致敬，當中包括古巨基曾獲香港電影金像獎最佳電影歌曲的《歡樂今宵》，現場氣氛一度爆熱。

雖然當日懸掛一號風球。

但無損古sir跟Busker隊伍的熱情。

Busking唱到中段，天空突然出現一道彩虹，全場即時歡呼起來。基仔問觀眾：「大家知唔知彩虹代表乜呀？」台下觀眾大叫：「幸運！」古sir笑說：「條彩虹係我哋個show本身book咗嚟嘅，都幾貴㗎！」引來全場大笑，古sir續說：「今日我哋每個睇到彩虹嘅都會好Lucky ！」隨即引來一片歡呼聲。

古巨基

古巨基

活動尾聲，本來古sir獨唱《初心》及《友共情》以作完場，但全場觀眾一齊大合唱後仍不願離去，甚至大叫Encore！古sir笑住話：「Busking真係冇準備Encore歌㗎，一首『士啤』都冇。」不過他最後都順應民意，問大家想聽他清唱甚麼歌，此時，有Busker隊員大叫：「唱《勁歌金曲》！」全場即時起哄！古sir即刻瞪大對眼問：「邊個？係邊個提議㗎？出嚟同我一齊唱！」

古巨基

最後，古sir有求必應，Encore《勁歌金曲》再次引發全場大合唱，為這次busking 活動畫上完美句號。這次Busking不少網民都大讚好正好好聽，又讚古sir攜同一眾年輕busker演出，推動本地busking文化令更多觀眾認識音樂素人，希望再有更多類似嘅busking 。

大合照