Gen Z流行文化席捲灣仔海濱！Tyson Yoshi Gareth. T SMORZ現身全城最大校園主題音樂祭

今年夏天，一場專屬Z世代的音樂盛事即將引爆！由UnderStan主辦的Back2School Music Fest，將於2025年10月11至12日（星期六及日）假灣仔海濱活動空間隆重舉行。Back2School Music Fest將Gen Z流行文化大結合：音樂、潮流文化及社群互動等元素集於一身，並以校園風School Vibe作演繹，打造一場屬於Gen Z的沉浸式戶外音樂派對，讓青春能量全面釋放！

樂節僅限全日制學生或 25歲或以下人士入場，創造一個真正「屬於Gen Z」的夏日狂歡場景！

Back2School Music Fest將於10月11至12日假灣仔海濱活動空間隆重舉行。

由Gen Z投選強勁陣容Back2School Music Fest今年特別以「由Gen Z話事」為核心主題，演出陣容由今年7月舉辦的「全港學生最喜愛歌手」選舉中誕生，由新世代觀眾投選決定。今屆邀請多位人氣及實力派歌手音樂人出演，包括：Gareth. T、Tyson Yoshi、麗英、SMORZ、Tr33、ByeJack、Teddy Fan等本地音樂單位。

表演單位

每位藝人都擁有鮮明個性，全面展現年輕一代多元化的音樂品味。兩日音樂節將會是屬於Gen Z的全方位夏日大派對，必將於暑假掀起屬於新一代的音樂熱潮！

音樂以外，品牌體驗更精彩

Back2School Music Fest不止聽歌，更是一場集音樂、文化與生活風格於一身的沉浸式體驗，現場設有多個主題區域，讓觀眾盡情投入其中。部分攤位遊戲及品牌體驗更將於場外開放，毋須購票亦可參與，將歡樂氣氛延伸至場外！

Day 1：ByeJack

Day 1：Gareth.T

Day 1：Helen So

Day 1：SMORZ

Day 1：XTIE

Day 1：夜瑠☆エピファニー

Day 2：晚安莉莉 Goodnight, Lillie

Day 2：Idol Girls偶像女生(一期生)

Day 2：麗英

Day 2：Teddy Fan

Day 2：Tr33

Day 2：Tyson Yoshi

入場即送：

每張飛免費贈送一杯Blue Girl生啤！ 這款兼具深麥質感與淺麥清爽的生啤絕對是Gen Z最愛，同Friend舉杯暢飲、chill住聽歌必備！乾杯！

玩一波專區：

- 可口可樂®分享快樂專屬罐：自訂專屬可口可樂®，同老best一齊分享快樂

- Momax 自助打卡充電區：人氣自拍區兼免費幫手機回血

- 嘉年華遊戲攤位：輕鬆贏演出明星簽名Polaroid

- 留下獨一無二的回憶：人生四格拍貼機、AI紋身體驗機、紋身貼紙等攤位等你嚟玩

食一波專區 ：

本地人氣餐飲品牌進駐，一邊聽歌一邊歎住美食。食玩一站式享受，如澳門No.1雪糕品牌DiGreen帶來揸揸脆皮奶昔系列、創新口味無添加軟雪糕、 另亦有大量人氣小食大集合，保證大家能一邊聽歌一邊享受美食。

OOTD最佳校園風穿搭比賽：

特別加碼School Vibe校園風OOTD大賽！無論復古學院風、創意校服或者mix & match，盡情發揮Gen Z穿搭功力，場內即有機會贏走驚喜獎品，成為Gen Z校園時尚Icon！

活動資訊
日期：2025 年 10 月 11（六）及 12 日（日）
時間：15:00 – 22:00
地點：灣仔海濱活動空間
票價：正價門票：HK $480/日 （門票包含一杯Blue Girl生啤，價值HK$50）
年齡限制：僅限全日制學生或25歲或以下人士入場（須出示有效證明）

購票詳情
正式門票開售：即日起
購票平台及活動網站：https://understan.io/

叱咤903主辦《b.balance 呈獻 拉闊音樂會|<3 少於三|MC 張天賦 x CONSTANCE x Gareth.T》將於5月16日(星期六)晚上7時於亞洲國際博覽館 ARENA 盛大舉行。「<3」是網絡語言中象徵心形的符號，亦寓意三位新世代音樂人同屬三十歲以下的共通特質。MC張天賦、CONSTANCE康堤及Gareth.T首度攜手合作，以情歌作為主軸，結合三人獨特的音樂風格，演繹暗戀、單戀、相戀、失戀的「situationship」(狀態戀情)，呈現Gen Z世代的愛情觀與情感狀態，打造2026年首場拉闊音樂會。

由叱咤903主辦的《拉闊音樂會｜<3少於三》將於5月16日在亞博舉行，MC張天賦、陳康堤（CONSTANCE）及湯令山（Gareth.T）首度攜手合作。

三位歌手公開拉闊新造型，全新宣傳照同步曝光。今次三人換上另一套型格裝束，走進華麗的紅色背景之中，濃烈色調配合俐落線條，整體氛圍猶如「心跳加速」的戀愛開場——既浪漫又帶點危險的吸引力，預告將帶觀眾踏上一場Gen Z世代的愛情冒險。

音樂會以情歌為主軸，演繹暗戀、失戀等「situationship」狀態，呈現Gen Z世代愛情觀。

「<3 少於三愛情研究所」上線 三位歌手拆解愛情 Red Flag
MC張天賦、CONSTANCE康堤及Gareth.T率先在「<3 少於三愛情研究所」展開兩性關係討論，聚焦Gen Z世代戀愛中最常見以及討論度極高的「Red Flag 行為」，例如:「經常 Ghost」(習慣 性不回覆信息)、「約會時一直睇手機」等。三人輪流拋出觀點、金句連發，各自分享在愛情中的「底線」。

談到能否接受「Social media有前度嘅相」，三人一致表示能夠接受。MC認為「留低冇問題」， 並表示能接納對方的過去:「因為我鍾意嘅係而家嘅佢，而家嘅佢係咩呢?必須有過去嘅Ex，先可以成就到而家嘅佢，所以有佢(Ex)嘅相係冇問題。」Gareth.T聽完二人的回應後淡淡然表示:「睇嚟你兩個都係『Red Flag』。」MC 定格兩秒後隨即「回敬」:「Shut Up!」

MC自認大男人不接受AA制。

Gareth.T笑言：「我淨係需要知道佢個心喺邊度。」

至於「拍緊拖但同其他異性單獨出街」是否屬於「Red Flag行為」，MC與CONSTANCE則有不同意見。CONSTANCE表示可以接受後，MC追問:「如果佢同咗一個你好唔鍾意嘅女仔出街?」CONSTANCE 堅定回應:「我有信心。」MC再補充解釋:「但呢個唔係你有冇信心嘅問題，而係佢loy唔loyal嘅問題。」而CONSTANCE則再次重申:「我有信心佢Loyal。我有信心佢對我Loyal。」面對CONSTANCE百分百信任的態度，MC只好擺出無奈接受的表情。

談到「要求對方時刻報備」這一類控制欲行為，三人一致認為屬於明顯「Red Flag」。CONSTANCE表示:「我覺得有個trust就ok，你都選擇去相信嗰個人，你同嗰個人喺一個relationship就應該唔使(報備)。」Gareth.T則一句總結:「我淨係需要知道佢個心喺邊度。」MC表示欽佩。

康堤則表示信任伴侶最重要。

而對於能否接受「約會要求 AA制」，Gareth.T則與另外兩位歌手看法不同:「我識親啲女仔都話同我spilt返，咁佢咁想同我spilt咪spilt。我會話『欸，唔使喇。』，但係如果食飯係佢畀嘅話，咁搭車就我畀囉。我哋而家要equal㗎嘛，即係男女平等。」MC直言:「我係唔可以AA制嘅，因為我係大男人嚟嘅。女仔如果希望同你AA制，通常係要劃清界線。我哋等唯一嘅女仔解答吓，你覺得係咪有呢個諗法先?」CONSTANCE以女性角度回應並坦言:「我覺得AA制係朋友，即係more like朋友。」Gareth.T 聽後沉思數秒，隨即露出「如夢初醒」的反應。

三人大談「愛情Red Flag」。

有關拉闊音樂會詳情，敬請密切留意叱咤903電台宣傳廣播、商業電台網站www.881903.com、 my903.com、「my903.com 商業電台」Facebook及「cr881903」Instagram之最新消息。

叱咤903主辦
《b.balance 呈獻 拉闊音樂會|<3 少於三|MC 張天賦 x CONSTANCE x Gareth.T》
日期:2026年5月16日(星期六)
時間:晚上7時
地點:亞洲國際博覽館ARENA