關智斌演唱會尾場空中飛舞答謝歌迷 Tyson Yoshi自嘲「富二代」全場起哄

「關智斌《The Endless Adventure Live in Hong Kong》演唱會」昨晚（9月27日）於啟德體藝館圓滿結束！尾場繼續驚喜滿瀉，Kenny不但大晒苦練三年多的空中pole dance，更請來Tyson Yoshi做嘉賓，兩人「gym buddy」上身互爆健身秘聞，Tyson Yoshi更自嘲「富二代」引爆全場笑彈！

關智斌《The Endless Adventure Live in Hong Kong》演唱會圓滿結束。

關智斌

Kenny演繹《隱形人》時，大show苦練三年的空中pole dance！只見佢他於裝置上倒吊旋轉、飛舞，動作優雅又性感，完美配合歌曲劇情，睇到台下觀眾嘩聲連連兼瘋狂鼓掌！這個表演絕對是誠意之作，證明Kenny為這個演唱會下了不少苦功。

空中pole dance

空中pole dance

全晚最爆笑一定是嘉賓環節！Tyson Yoshi一出場，二人合唱《1994》後，歌迷就不斷大叫除衫，Tyson則淡定地說：「除衫要睇場合嘅，我哋呢啲做後輩，最主要係識分莊閒吖嘛。」跟住還大叫：「我係唔會除嘅！」搞到Kenny笑到彎腰。Kenny指邀請Tyson任嘉賓是因為覺得大家都係「Peter Pan」，點不知Tyson竟然自爆：「因為我係富二代啫！」全場即刻起哄，Kenny追問：「咁究竟係唔係啫？」Tyson笑住話：「我唔係呀。」二人對話認真笑死人！

尾場嘉賓是Tyson Yoshi

說到認識過程，原來二人是健身室識的「gym buddy」，Tyson大爆Kenny好勤力，Kenny即反爆Tyson：「你都好勤力喎，我收到風頭先rehearsal完你係趕住去做gym，但係因為塞車咋喎。」Tyson再次發放笑彈，「係呀，紅隧瀨屎我就返番嚟啦。」接着又有觀眾大叫二人除衫，Kenny聞言即笑說：「兩個一齊除就唔係咁嘅票價㗎啦！」笑翻全場。

二人是健身室識的「gym buddy」。

隨後Tyson又分享一段綵排後的小插曲，「頭先綵排完咗，我悶得滯走咗出去諗住行街，笠頂帽笠個口罩以為冇人認到我，點知呢，好多人認到我喎！」Tyson解釋因為他是嘉賓，所以未有跟認出他的fans影相，更公開道歉，「平時次次有人問我可唔可以影相，我都會影㗎。但我想同頭先嗰班朋友講呢，唔好意思，因為我係嚟做嘉賓， suppose係秘密，我以為冇人認到我，點知你哋認到我，你明唔明，我就好尷尬，所以我冇影到相，想同頭先嘅朋友講對唔住。」最後Tyson臨落台前還問Kenny：「你聽日係照操㗎嘛？」果然係gym buddy。

Tyson Yoshi、關智斌

Tyson Yoshi、關智斌

Kenny於台上特別多謝一班好友，又爆了很多溫馨趣事。尤其是阿Sa蔡卓妍及容祖兒。他指阿Sa十分窩心跟他說：「你個演唱會你嘥咗好多錢呀，你啲學費都冇晒啲歌酬啦！我仲有枝咪，我俾你啦。」而祖兒在他迷惘的時候給了很建議及支持。又對已經成為人妻多年的鄭希怡（Yumiko）說：「多謝你Yumiko，佢特登為咗我排咗幾日舞，仲要無啦啦跳埋晒啲咁sexy嘅舞，人哋已經結咗婚好多年㗎啦嘛！」跟Yumiko的合作，又令他回想起當年一齊去唱K，Kenny仲記得當年去Club玩唔夠五分鐘，即接到經理人Mani追魂call，「佢好神通廣大咁打到電話過嚟問：『你哋而家喺邊呀！』真係好勁當時嘅追蹤技術，哈哈，當時都仲未有電話。」

Kenny特別多謝一班好友。

Yumiko

Yumiko

最後，Kenny感性地說這個show要多謝身邊每一個人，他們就像這個show的齒輪不可或缺。他更要特別多謝自己，同所有觀眾一起成就了這個「彼得嘅時間」及「冒險島」，這是他今年最開心的事。至於努力是否一定會成功？Kenny就好有智慧地說：「我唔知，不過好得意㗎，佢會用一個佢嘅時間表話俾你知，你嘅努力值唔值得有一個回報，當覺得值得嘅時候，就會話俾你知。Kenny這個「無盡冒險」暫時告一段落，相信入場的觀眾應該都帶走了滿滿的歡樂及感動。

關智斌

關智斌

關智斌

繼昨日（3月6日）發放第一批由著名攝影師夏永康操刀的英皇娛樂周年慶典 藝人系列發相，英皇娛樂今日（7日）發放第二輯藝人相片，當中包括Twins、李克勤、陳慧嫻、陳偉霆、李幸倪、關智斌及曾比特造型照片。

李克勤

今年出道25周年的Twins不約而同表示:「好開心可以又一起合體見大家，希望可以與粉絲可以多見面 ，多做點未做過的事情，例如年初的粉絲見面會 。知道公司在星光大道會有大型裝置，自己都希望去 看看 。」

下年入行40周年、今年加入英皇娛樂大家庭10年的李克勤亦將於下月於澳門舉行「李克勤我們的樂章演唱會」演唱會，他表示:「在接下來的兩個月，大家都可以見到我。剛剛推出新歌，由我仔仔Ryan執導，找來楊天宇及鍾雅婷拍MV，我相信在慶典一定有好多機會能夠跟其他師弟妹jam歌，自己都好期待!」

陳慧嫻

陳偉霆

仍在巡迴演出的陳慧嫻表示:「我同克勤係多年同事，最近知道網上好多呼聲希望我哋可以Crossover，我自己都有諗，唔知舊歡如夢加跳舞街會係咩效果呢!」

李幸倪

加入英皇20年的陳偉霆感到十分振奮，表示:「我已好久沒有在香港參與音樂表演了，亦很久沒有和香港粉絲見面。聽聞公司重金打造舞台設計，很期待!」

剛剛於二月完成紅館演唱會的李幸倪表示:「自從加入英皇之後，多了很多不同的表演機會，同師弟師妹做了超過50場school tour接觸了很多不同的人、不同的年輕樂迷。自己亦十分期待與一眾師弟妹們繼續走入社區，和大家分享音樂的力量!」

關智斌

曾比特

剛於澳門開完演唱會及遠赴別的城市參加健身比賽的關智斌表示會參加公司密鑼緊鼓的綵排，並表示非常期待:「平時我和師弟妹經常會為冤枉娛樂拍攝影片，但從來沒有同台表演過。聽聞今次不只是歌手藝人會出現，連拍開電影的藝人都會一同Crossover，我相信會為樂迷帶來驚喜。」

自上年年底加盟英皇娛樂的曾比特表示:「好開心加入短短數月就遇到一個這麼大型的盛事，大師兄大師姐霆鋒和祖兒都曾在啟德舞台上表演，我自己就是第一次踏上這個場地，真係非常期待。好多謝公司給予這個機會，我希望可以在這個別具意義的舞台上，演唱我加入英皇後的第一首新歌，作為一 個紀念，是一個好開始!」