歌手關智斌（Kenny）接受新城知訊台程凱欣和麥卓華主持的《原來生活好快樂》錄音訪問，Kenny透露新歌《My Little Tinker Bell》的創作故事，源於去年九月在啟德的個人演唱會，當他站在台上，看著台下觀眾舉起的點點燈光時，深受感動。
關智斌（Kenny）接受新城廣播《原來生活好快樂》錄音訪問。
Kenny分享道：「我突然有呢個感覺，原來就好似Tinker bell，灑一啲仙粉畀嗰啲迷失嘅男孩，嗰啲迷失嘅男孩先會識得飛。」 這首歌正是為了感謝多年來給予他支持與鼓勵，使他能夠「飛」的歌迷、朋友及家人。
為了讓更多人產生共鳴，歌曲MV特別以寵物作為Tinker bell的象徵。Kenny解釋：「我覺得大家最容易有共鳴嘅Tinker bell就係寵物，對於好多人嚟講，寵物係一個唔識講嘢嘅Soulmate（靈魂伴侶）。」
Kenny新歌《My Little Tinker Bell》 感謝歌迷如仙子伴他飛翔。
談及過往飼養寵物的經歷，Kenny感觸良多，他認為寵物不僅是伴侶，更是生命的導師。Kenny表示：「當你同寵物相處，你會更加培養到責任心，同理心同愛心，我係好贊成嘅，我覺得喺我跟佢哋相處過程中，我自己都學會好多嘢！」他亦坦言，現階段因工作經常需要外出，無法給予寵物充足的陪伴，故暫時未有再飼養的打算，「因為我知道自己要成日飛，係一個好大嘅責任。」
Kenny因寵物學會愛。
詳細節目內容，請重溫2月３日，上午9:30 – 10:00，新城知訊台《原來生活好快樂》，網址：https://www.metroradio.com.hk/MetroInfo/
關智斌（Kenny）全新廣東作品《My Little Tinker Bell》上架，這次新歌是送給一班對他不離不棄的fans及朋友，答謝他們一直以來的支持。不過提到拍MV，Kenny笑說是一個淚水與汗水交融的拍攝。
Kenny推出全新廣東作品《My Little Tinker Bell》。
MV找來Kenny「老友狗狗」Max及牠的一班兄弟姊妹一齊演出。一直有說小孩及動物是最難拍攝，Kenny坦言十分順利，「完全冇大問題！我同Max合作開，之前有拍過好多廣告，好friend㗎！佢train得好好，好乖、又識做戲、又有表情。」看似順利，隨後Kenny又補飛：「除咗佢哋間唔時會喺地下度……或 者拍拍吓走開咗屙尿，哈哈！」
MV圖片
MV圖片
MV中有一幕是Kenny在做掌上壓，Max就威風凜凜地站在他背上，Kenny先讚Max乖，接着又爆出一個「重量級」笑料。原來拍主觀鏡頭（即狗仔視角）時，攝影師是站在Kenny身上拍攝，「大家睇落個畫面好似好溫馨，其實嗰陣我係幾辛苦，佢係企咗喺我上面仲要連埋部攝影機，真係好重。我諗如果有個side shot嘅畫面都幾好笑。」
MV圖片
MV最後講到狗仔離開，Kenny亦有所感觸，「拍攝嘅時候都有諗返起自己之前養狗嘅經歷……都有啲心酸，亦都有啲觸動嘅位。」他希望將這首歌送給所有有養寵物，或已經失去寵物的朋友，「呢一個別離其實都係開心，因為佢喺你人生入面陪伴咗你一段時間，令到你成長，學咗人生寶貴嘅一課。」
MV圖片
MV圖片
MV圖片
MV圖片
新歌《My Little Tinker Bell》概念亦甚有意思，將一直支持Kenny的fans及朋友比喻做「小天使」，是他們的魔法才令Kenny這個「彼得潘」可以繼續在娛樂圈中飛來飛去，永遠長不大。歌曲找來Ariel Lai及鄺梓喬編曲，陳考威監製，旋律輕快入腦。填詞人林若寧更加將Kenny的心底話寫入歌詞：「失戀一晚我抱緊你 得獎一晚我抱緊你 兩老死 連我做魔鬼都包庇」，認真暖心。
觀看相關影片按連結：https://youtu.be/SzhVVwfDrno
