關智斌同狗狗拍MV做「人肉腳墊」 孭住狗仔同攝影師做掌上壓好辛苦

關智斌（Kenny）全新廣東作品《My Little Tinker Bell》上架，這次新歌是送給一班對他不離不棄的fans及朋友，答謝他們一直以來的支持。不過提到拍MV，Kenny笑說是一個淚水與汗水交融的拍攝。

Kenny推出全新廣東作品《My Little Tinker Bell》。

MV找來Kenny「老友狗狗」Max及牠的一班兄弟姊妹一齊演出。一直有說小孩及動物是最難拍攝，Kenny坦言十分順利，「完全冇大問題！我同Max合作開，之前有拍過好多廣告，好friend㗎！佢train得好好，好乖、又識做戲、又有表情。」看似順利，隨後Kenny又補飛：「除咗佢哋間唔時會喺地下度……或 者拍拍吓走開咗屙尿，哈哈！」

MV圖片

MV圖片

MV中有一幕是Kenny在做掌上壓，Max就威風凜凜地站在他背上，Kenny先讚Max乖，接着又爆出一個「重量級」笑料。原來拍主觀鏡頭（即狗仔視角）時，攝影師是站在Kenny身上拍攝，「大家睇落個畫面好似好溫馨，其實嗰陣我係幾辛苦，佢係企咗喺我上面仲要連埋部攝影機，真係好重。我諗如果有個side shot嘅畫面都幾好笑。」

MV圖片

MV最後講到狗仔離開，Kenny亦有所感觸，「拍攝嘅時候都有諗返起自己之前養狗嘅經歷……都有啲心酸，亦都有啲觸動嘅位。」他希望將這首歌送給所有有養寵物，或已經失去寵物的朋友，「呢一個別離其實都係開心，因為佢喺你人生入面陪伴咗你一段時間，令到你成長，學咗人生寶貴嘅一課。」

MV圖片

MV圖片

MV圖片

MV圖片

新歌《My Little Tinker Bell》概念亦甚有意思，將一直支持Kenny的fans及朋友比喻做「小天使」，是他們的魔法才令Kenny這個「彼得潘」可以繼續在娛樂圈中飛來飛去，永遠長不大。歌曲找來Ariel Lai及鄺梓喬編曲，陳考威監製，旋律輕快入腦。填詞人林若寧更加將Kenny的心底話寫入歌詞：「失戀一晚我抱緊你 得獎一晚我抱緊你 兩老死 連我做魔鬼都包庇」，認真暖心。

觀看相關影片按連結：https://youtu.be/SzhVVwfDrno

關智斌（Kenny）日前於澳門百老匯舉行《關智斌演唱會2026 The Endless Adventure Live in Macau》。演唱會上，Kenny除了大展身手玩Flying Pole，還多次與歌迷真情對話，更宣布正式成立官方粉絲後援會，驚喜一浪接一浪。

《關智斌演唱會2026 The Endless Adventure Live in Macau》圓滿結束。

演唱會一開始，大熒幕便播出去年Kenny於啟德舉行演唱會的尾聲片段，當時完show後觀眾不停大叫Encore不肯離場，Kenny最後再次上台，但由於場地時間所限，只能唱出兩句《眼紅館》。因此今次澳門show的Opening，Kenny特意選了《眼紅館》作為開場曲，唱完後他說：「我呢一首嘅《眼紅館》，係特別今日揀嚟開場嘅時候唱，上次演唱會因為時間關係，令到我喺2025年留下咗遺憾，唱唔到呢隻歌，所以我覺得2026年我第一時間一定要唱返呢隻《眼紅館》俾大家聽，希望你哋會鍾意。」全場即時報以熱烈掌聲，歌迷都十分受落Kenny這份新年禮物。

關智斌

完成Flying Pole環節後，歌迷歡呼聲不斷，Kenny大談感受，「其實我每次練呢支Pole嘅時候，都幾孤獨㗎，因為每次就算轉到暈或者升到好高、或者周身損晒，其實係冇人幫到你，冇人救到你，或者轉到我想停呀，你一定係要靠自己去停。」Kenny透露籌備這個演唱會時，腦海早已出現這個畫面，因為覺得Flying Pole很能表現那種無力感和失重感覺。去年啟德show因場地關係無法做到，今次終於可以完整呈現。他還感性說道：「所以我發現無論呢個世界幾黑暗都好，只要一抬頭始終會有一啲好微弱、好溫暖嘅光去守護住你哋。」

關智斌

關智斌

關智斌

關智斌

這次澳門站嘉賓，Kenny邀請了同門師妹女團VIVA，又合唱《相對濕度》，其後VIVA solo表演《FOMO》。談到邀請VIVA及合作過程中的感觸，Kenny坦言：「喺排舞室佢哋話原來係第一次做演唱會嘉賓，我突然間覺得，『咦？原來我以前覺得咁take it for granted嘅嘢，原來唔係咁。』因為以前我哋細個，成日跟住啲師兄師姐去好多唔同嘅舞台做佢哋演唱會嘉賓，佢哋俾呢個機會我，我今日先可以有機會有一個屬於自己嘅舞台喺度，所以我同自己講如果當我有一日有自己嘅舞台，我會將呢個機會承傳落去。因為喺排舞嘅時候我真係見到佢哋有好大嘅熱誠，好專業。」

關智斌與VIVA

至於VIVA談到與Kenny的合作，Macy分享演出時的心情，「我頭先有一個高音位，個動作係要挨向Kenny嗰度，其實我係好驚走音，因為我心跳加速，驚控制唔到自己。」Ada立即「投訴」，「今日綵排嘅時候佢仲問Kenny可唔可以俾佢挨多次，我問點解你可以咁過分，因為我嗰part係冇同Kenny有任何嘅接觸，所以我真係好唔抵呀今次，哈哈。」引來全場大笑。

關智斌與VIVA

到了Encore環節，Kenny於觀眾席驚喜現身，歌迷即時瘋狂向他派發利是，場面熱鬧又搞笑。隨後第二次Encore唱《死性不改》時，Kenny發揮搞笑本色，「新年流流，唔好咩性不改，叫《靚性不改》啦，大家今年繼續靚呀。」全場再次歡呼兼爆笑，為澳門站畫上完美句號。

關智斌

關智斌