英皇娛樂【25+ Happy Birthday 慶典】進駐星光大道 霍汶希容祖兒關智斌向旅客大推紀念品

氣氛持續高企，踏入四月中，距離由英皇娛樂主辦、恒生保險冠名贊助，英皇鐘錶珠寶、英皇金融、Keeta 及國泰聯合呈獻的【恒生保險呈獻:25+ 英皇群星演唱會】尚餘半個月時間，多位藝人輪流出席密鑼 緊鼓的宣傳活動。早前透露將於4月中旬舉辦的「EEG25+ 限定展」重頭戲活動今日於香港標誌性景 點星光大道隆重開幕，霍汶希連同容祖兒及關智斌更被邀請作為啟動禮嘉賓出席揭幕儀式，現場除一 系列展品外更設置「EEG 25+ 期間限定店」，祖兒和 Kenny 充當限定星級導賞員，向在場的粉絲及旅 客推介必買的期間限定「香港手信」!

容祖兒、關智斌

關智斌、容祖兒、霍汶希

容祖兒、關智斌

「EEG25+ 限定展」重頭戲

「EEG25+ 限定展」重頭戲

揭幕禮剪綵環節外，活動主持人森美與祖兒及 Kenny 大玩競猜經典 CD 封套遊戲，笑料百出，祖兒笑 言作品實在太多，考起她的記憶力，希望森美可以提供答案提示或者改做「連連看」!不過她最後還 是大獲全勝，她表示感激自己擁有那麼多讓人十分深刻的好作品。森美在台上大讚 Kenny 外貌二十年 如一日，問他有什麼保養秘訣，Kenny 表示開心、寬心和運動是年齡最大的「敵人」，順便感謝老闆楊 博士及台下的經紀人 Mani，多年來為他營造一個愉快、少煩惱的工作環境。兩人除了分享入行點滴 外，對此次在星光大道舉行展覽深有感受，祖兒說道:「星光大道係香港娛樂產業嘅輝煌象徵，沿路 有好多我哋非常敬重嘅演藝前輩，相信沒有另外一個地方更加適合做我哋 25+限定展。」Kenny 則說: 「星光大道係一個非常有代表性嘅香港景點，亦有好多內地及海外遊客，可以趁機向佢哋介紹我哋公 司藝人同埋香港本地流行文化。」活動上更率先公布，將於 4 月 17 及 18 日在草地公園舉行一連兩日 的音 Music Performance，驚喜陣容包括李幸倪(Gin)、許靖韻(Angela)、鄧小巧、洪助昇(Aiden)、 黎展峯(Andy)、曾傲棐(Arvin)、黃明德(Dark)，以及樂隊 Locksmiths 開鎖佬、Daze in White、SULIS 及鄭嘉欣(Christine)。他們將分兩天於維港夜景襯托下輪流獻唱，帶來精彩的戶外音樂體驗。另外， 陳家樂也將於 17 日出現在限定展中與大家見面！

【25+ Happy Birthday 慶典】進駐星光大道

【25+ Happy Birthday 慶典】進駐星光大道

【25+ Happy Birthday 慶典】進駐星光大道

自拍留念

容祖兒

關智斌

向旅客大推紀念品

向旅客大推紀念品

今次展覽延續【25+ Happy Birthday 慶典】主題，大玩 Canto Pop，將經典重現大眾眼前!展覽在星光 大道上設置 11 個大型「當年今日」藝人展板，更會設置打卡歌詞鏡，讓粉絲與心愛的歌手及其經典 歌曲同框!除此之外，更開設「英皇 25 周年限定店」發售全新慶典周邊商品包括深受歌迷追捧的多 款藝人過往演唱會的模擬工作證、微縮版打卡歌詞鏡、歌詞磁石貼、貼紙及限量 tote bag，更特別打 造《Yes!英皇 25+紀念校刊》雜誌，復刻「有信到」、「城市驚喜」、「校花校草選舉」及「出賣朋友計 劃」欄目，內含超過 100 頁精彩內容，限量發行 8,000 本，非常有收藏價值!祖兒和 Kenny 結伴前往 限定店當上限定星級導賞員，向絡繹不絕的途人「大 sell」紀念品，祖兒遇到內地粉絲圍觀更開玩笑 表示雜誌是現在最火的必買手信，只此一家，手快有手慢無!Kenny 則飛快打開自己專訪頁面，向粉 絲透露有絕密採訪，更藏有一張「福利照」，叫大家有興趣的話「買返去慢慢揭」。

祖兒及 Kenny 被問及演唱會安排及有什麼驚喜可以率先透露時，祖兒興奮表示:「宜家好忙，因為我 兩場都會以 SOLO 為主，而且歌單兩日都唔一樣，等於籌備兩次小型演唱會，粉絲們一定要睇晒兩場 唔好錯過!」而被問及是否與 Twins 合作，Kenny 搞鬼的說:「看來呢個已經係公開秘密，我怕太好睇， 我可以同大家講我地嘅選歌肯定令大家啲回憶返晒黎，忍唔住要講一句係青春呀!」

展覽選址背靠香港標誌性景色維多利亞港的星光大道，展覽從即日起開放，橫跨內地五一長假期至 5 月 9 日，相信將獲得不少本地、海外樂迷及旅客關注，成為 5 月 3 及 4 日演唱會前後的打卡好去處。

【展覽詳情】

展覽日期:2026 年 4 月 15 日至 5 月 9 日
展覽開放時間:早上 11 時至晚上 9 時
地點:尖沙咀星光大道(香港電影金像獎女神銅像附近，HS06 銷售亭，及 HS07 銷售亭附近)、梳士巴利花園草地

【25+星光限定店詳情】
日期:2026 年 4 月 15 日至 5 月 9 日
時間:早上 11 時至晚上 9 時
地點:尖沙咀星光大道 (HS06 銷售亭)

昨日（7月17日）是英皇娛樂集團行政總裁霍汶希（Mani）正日生日，一向愛錫旗下藝人的她，今次被公司上下聯手反過來驚喜！曾比特（Mike）、湯怡（Kathy）、楊天宇（Angus）、李靖筠（Gladys）、曾傲棐（Arvin）、海兒（Hedy）、黃明德（Dark）、劉若寶（Polly）及一班同事秘密籌備party，等Mani開完會返公司即場送上驚喜。

英皇高層霍汶希（Mani）昨日（17日）生日，獲曾比特、湯怡等藝人同事驚喜慶祝。

Mani一踏入公司門口，Mike便即刻拿着結他跟Dark合體自彈自唱生日歌，最後帶領全公司大合唱，連英文、廣東話及國語三個版本都唱勻，辦公室頓時變成小型演唱會般熱鬧。

Mani生日驚喜派對變「派錢大會」。

講到送禮物，Angus向Mani笑着自爆，「我買咗生日禮物俾你，但係唔記得帶擺咗喺屋企。」Mani一聽即刻追住Angus大叫：「拎個銀包出嚟，唔該。」場面搞笑；至於開餅店的Kathy就親手製作蛋糕送給Mani，Mani一見即大讚：「呢個係全香港最好味嘅蛋糕，我話俾你哋知，仲要係靚女嘅出品。」認真俾面。許願時，Mani就將願望送給大家，「祝各位所有藝人都大紅大紫、工作順利。」

Mani主動向同事派利是，現金不夠即場「籌錢」，場面搞笑。

影完大合照後，向來跟藝人同事打成一片的Mani即時自動波話：「拎個電話出嚟搶利是。」全場即刻瘋狂歡呼。不過因為並非所有同事都在同一個群組，最後決定改為派實體利是，同事們都乖乖排隊等拎利是，氣氛熾熱，派利是期間，Mani忍不住笑着說：「點解無端端變咗新年嘅？點解生日會係我派錢嘅？CFO快啲攞啲錢出嚟啊，有冇錢呀請問。」由於事前完全未有準備，手上的利是派完後，Mani霸氣話：「派現金。」點知連現金都不夠，她邊摷袋邊抱頭問：「有冇人有現金呀？」引嚟全場爆笑，不過她即刻補充話：「大家記住，唔係講錢嘅問題，係Lucky Money。攞到Lucky Money就大紅大紫身體健康事事如意要乜有乜。」認真識做。

曾比特與黃明德自彈自唱生日歌，更唱勻英文、廣東話及國語三個版本，辦公室瞬間變小型演唱會，全場熱鬧。

正當大家玩得開心之際，英皇集團主席楊受成博士剛好「路過」，楊博士即裝兕問Mani：「你好大膽喎！生日都唔請我！」Mani無奈回應：「唔係呀，我唔知道佢哋surprise我呀，我招架唔住啦，攞晒啲錢出嚟派啦。」楊博士見狀即刻問：「使唔使要錢呀？」更即時摷袋準備出手，非常豪氣。之後二人先合照，Mani邊拿着利是邊跟楊博士說：「老闆，今日嚟講，我三十三年一直都搶你啲錢啦，我今日個個都派咗一封大家都大吉大利嘅生日利是，祝你身體健康事事如意生意興隆。」然後便親手遞上利是給楊博士。楊博士接過利是就搞笑話：「可唔可以補償返我三十幾年嚟你呃我啲錢呢？多謝。影相先。生日快樂！」

隨後，老闆跟人傾偈期間，Mani突然問楊博士，「咦，你諗住俾利是我嗎？」全場即刻大笑兼拍手，向來有求必應嘅楊博士二話不說即時從褲袋拿出利是，場面溫馨又搞笑。

老闆楊受成博士路過笑問：「生日都唔請我？」Mani即遞上利是作「回禮」，楊博士亦豪氣掏利是派發。

Mani生日快樂！