《仔仔一堂》最後一集推出加長版 HoHo突然失約同「人氣王」Louis有關？

HoHo突然失約背後有洋蔥！

由王賢誌（Vinci）監製及主持的 J2 綜藝真人騷節目《Lightmac醫美集團邁向 20 週年呈獻：仔仔一堂》（Boyscation），本周一至五晚十點半 J2（82 台）播映終極一篇，12月23日晚最後一集更會延長至一小時！

阿Ray整個水煮魚都驚險連連。

好彩有「型男主廚」Kenny（右）補鑊咋。

Kenny試食時，發生啃骨意外。

深情剖白愛情觀。

Kenny同Ray有相同價值觀，難怪二人咁夾。

終極篇《仔仔》將進行大洗版，十名仔仔當中，被譽為「人氣王」的「嫰版王浩信」Louis 12月16日宣布因工作關係被逼中途落車，令仔仔們關係出現大洗牌，「型男混合體」Andrew＋「187花美男」Carson，「Young 版尊龍」Ray＋「型男主廚」Kenny成為固定組合進行不同任務考察兩對仔仔默契及配合指數；留下來的「純愛莫少聰」Nelbon、「害羞台男」Kevin、及「柔情版香取慎吾」Howard，將與新加入的「金融界代表」Nathan及「化妝界白淨男」Felix進行任務，至於「可愛兜風耳」HoHo及「陽光男孩」Juzco亦分別因為不同原因暫別節目。

Andrew同Carson因為一個大話，搞到由「糖黐豆」變咗「水溝油」，點解會搞到咁嚴重呢？

留意番圖Andrew個樣真係好嬲豬。

Nathan因為HoHo玩失蹤，反而有機會同超靚仔嘅排舞老師Catry有親密接觸同互動。

二人仲大跳辣身舞，相當考驗體力。

12月19日晚一集焦點集中在兩大固定組合「AC」及「RK」身上；令人意外的是，一直在節目中火花十足的「AC」組，去到二人單獨進一步了解環節竟忽然由「糖黐豆」變成「水溝油」，Andrew更因Carson講大話跟製作組否認曾私下約自己食飯大動肝火，Andrew認真謂：「呢個Reflect咗一個人嘅性格，下次希望佢Open啲同Honest啲。」至於「RK」組雖然因之前Ray「三心兩意」現暗湧，但當二人齊齊執行任務時，竟異常地合拍，身為「地獄廚神」的Ray，更自薦煮水煮魚向Kenny耍冧，由於誠意滿分，成功與Kenny關係再進一步；遭Kenny誠意打動的Ray，更難得在節目中盡訴心中情，大談為何單身長達五、六年之久：「我五、六年前經歷咗事業失敗、分手、財務壓力，嗰時因為Ex嘅關係，我直頭自殺過。嗰刻我發現，如果愛一個人，首先要解決嘅問題係錢。所以我就想三十至四十歲期間，不斷去搵更加多嘅錢，去維繫更加持久嘅關係......對我嚟講再pick up一個relationship係需要比較大嘅勇氣。」

話就話野餐活動，但由於Felix嘅狗仔Pearl實在太靚仔，成件事錯晒Fo。

原本溫馨嘅場面，因為一個「渣滓」前度而變成訴苦大會，絕對笑中有淚。

12月20日晚一集，新成員Nathan同Felix將分別與HoHo及Howard進行任務，兩個組合均有重大事件發生。HN組因為HoHo出其不意「放飛機」，令到Nathan有幸與超靚仔排舞老師Catry有親密接觸及互動，二人大跳辣身舞，畫面精彩。至於FH組，則因為一個共同「前度」，令到二人的溫馨野餐遛狗活動，畫面突變成「數臭前度大會」，二人更不斷產生共鳴，平時靜如止水的Howard將會一反常態雞啄唔斷，內容超花生。12月20日晚製作組更會同集公開HoHo忽然爽約原因，除了與已落車的Louis有關之餘，內容極度洋蔥！想知HoHo為何突然咁冇交帶？密切留意12月20日晚播出的第16集《仔仔》。

HoHo好認真咁同主理人王賢誌剖白突然玩失蹤真相。

背後原因都幾洋蔥，密切留意呀！

Louis自爆外觀兩大缺點遭柴台
另一班仔仔自節目播出後，一直積極參與不同宣傳活動，日前「人氣王」Louis、Ray、Kenny以及Nelbon就齊齊接受J2官網準備嘅「Mean Comment」大挑戰，齊齊正面面對網民負評。對於被指「天菜」，Louis急忙謙虛否認，並大數自己外觀兩大缺點：單眼皮及眉毛未夠濃密，可惜卻遭同枱仔仔即時反對，Ray更以「美容專家」身份否定Louis，令大感尷尬的Louis掩面喪笑，場面歡樂。對於好友Juzco被指「八婆」，Louis更長篇大論為其「大平反」，內容窩心搞笑。

Ray（左起）、Kenny、Nelbon同Louis接受J2官網準備嘅Mean Comment大挑戰，Louis答問題時仲表情多多添。

對於好友Juzco被負評，Louis係咁為佢平反。

呢個Touchwood二揀一嘅挑戰既好笑又熱鬧。

高等法院正式頒令前藝人王賢誌破產。

前藝人王賢誌24年入稟申請破產，案件上月開庭處理時有債權人到庭旁聽，懷疑王賢誌向其借貸時隱瞞負債，聆案官當時已清晰表示此非反對破產令的理由。破產案今日在高等法院再訊，聆案官黃健棠核對所需文件，確認沒有任何人反對王賢誌破產後，正式頒令王賢誌破產。

高等法院。 資料圖片

債權人鼎豐信貸有限公司代表、行政總裁黃漢強博士上月在本案提訊時曾到庭表示他反對破產令，指出王賢誌申請貸款時報稱其負債狀況健康，故有理由相信王賢誌申請貸款時可能隱藏負債，希望能透過法庭取得王賢誌資產負債狀況說明書。聆案官林澤銘則稱即使王賢誌借貸時隱藏負債，也不會影響王賢誌的破產申請。

王賢誌。

根據《破產條例》第10條 ，不論債務人的債項總額多少，債務人均可提出破產呈請，債務人必須向高等法院繳付法庭費用1045元及向破產管理署繳存一筆 8000 元的按金，並需將呈請書的法庭蓋印副本及資產負債狀況說明書的副本送交破產管理署。如債務人能夠證明自己無力償還欠款，債權人亦沒有向法庭提出合理理由反對頒布破產令，法庭便會向債務人頒布破產令。