單身倪嘉雯FF生兩個︰諗下都開心 陳若思被批耳大鼻扁頑皮相

J2 (82 台)12月30日有蘇民峰拍住4位J2ers倪嘉雯(Carmen)、陳若思（Amber）、黃嘉雯(Carmaney)同陳國麟(Doniven)主持的《開壇》，解答風水命理疑難。逢星期五晚上11點播出，蘇師傅今集講的主題是「子女」。

1. （左起）Doniven、Carmen、Carmaney同Amber寫下心水仔女的名字。

俗語有云「唔怕生壞命，最怕改錯名」，幫子女改名費煞不少父母思量。蘇民峰師傅從事風水命理多年，指點過不少父母迷津，但每次風水改名，「瑩」字從來都不會用，至於是什麼原因？名裏面有或者想改這隻字的觀眾，就要留意《開壇》，睇完袋錢落你袋。

蘇民峰直言改名不會用「瑩」這個字。

Carmaney幫囝囝改名「黃上」，非常霸氣。

蘇民峰讚Carmaney的名字改得好。

講開生兒育女，原來Carmen同Amber母性極重，除了聽得特別留心之外，Carmen變了每事問，師傅講到每一個位，她都會問到底。Carmen接受訪問時表示十分喜歡小朋友，所以想知將來會否有得生。Carmen是家中長女，對下有一名弟弟，她說︰「我好想知有冇得生，成日憧憬，將來會有幸福家庭生活，一仔一女。有諗過生一個，不過成長過程好孤單，生三個又擔心其中兩個杯葛另外一個，所以都係生兩個。」她透露每次同朋友講開，都被取笑話「男朋友都未有，做乜諗到咁長遠」，她笑言諗下都開心。

Carmen憧憬將來有一幸福家庭，一家四口樂也融融。

Carmen希望將來的家庭有一仔一女。

Amber是家中獨女，自少就嚮往子女成群的大家庭，她說︰「我細個係超級想要個兄弟姊妹陪我玩，但媽咪話照顧多一個，會搞唔掂。」她笑言心目中至少生兩個，因為一個人會好孤獨，兩個小朋友一齊成長、一齊學習會開心健康得多，她笑言當初媽咪生一個的原因︰「師傅話我耳大、鼻扁係頑皮相，細路仔時我係會坐唔定，周圍跑來跑去，大聲叫、所以媽咪話唔夠膽生第二個。」Amber自言一直都希望生兩個以上，湊得掂的話生四位小朋友都沒有問題。

Amber原名「陳紫瑩」。

Amber的面相有頑皮仔女的特徵。

另外，今集節目蘇師傅講到「人中」、「卧蠶」同「歸來」幾個位，可以相出將來會否有子女、子女的品質及是否跟父母有緣。最緊要一樣是睇「眼眉」位，會暗藏螺旋紋，此紋關乎損傷父母，蘇師傅會教你破解的方法。

蘇民峰話人中闊長的人較易有下一代。

子女的眉毛藏有螺旋紋，會損傷父母。

由「金牌媒人」林盛斌主持、載譽歸來的真人騷戀綜《女神配對計劃2》，自本月中宣布全新5位「配對女神」（排名不分先後）—郭珮文（Juliana）、陳若思（Amber）、俞可程（Kanis）、阮嘉敏（Mandy）及何沛珈（Roxanne）後反應熱烈，連日來大批新一季「求愛勇者」紛紛湧到官網報名，值得留意的是，招募行動截止日期為5月31日晚上11時59分，想加入女神配對計劃就要快啲報名，機會錯過就冇。（網站：https://tvb.app.do/goddess2）

何沛珈（Roxanne）

何沛珈（Roxanne）

俞可程一個原因拒睇相問桃花
為了令各位心郁郁但依然未敢行動的男士有更清晰指引，5大女神由本周一（4月27日）開始陸續於官網及個人社交網「出招」呼籲。繼頭炮郭珮文後、先後接手出場的女神順序為阮嘉敏、陳若思、何沛珈及俞可程。當中，Amber、Mandy與Roxanne都甚有信心憑節目一擊即中，Amber更覺得會遇上真命天子：「我行緊桃花運，又行緊官來合我運，所以我知道我會好容易遇到真命天子喺呢段時間」、「好容易就會遇到一個好死心塌地鍾意我嘅人」。Roxanne：「算命師傅有講過話大概七、八月，我桃花係好旺嘅，咁我就覺得好似同呢個節目撞埋咗（好Match）。」Mandy：「我哥哥好信風水，佢每年都會幫我擺桃花陣，今年師傅年頭已經話（我）得架喇，然後冇幾耐你哋就搵我喇。」至於俞可程Kanis，則坦言沒有問過桃花運，皆因她喜歡「驚喜」：「我鍾意去感受佢終於嚟嗰種感覺，未知嘅嘢我通常唔想預測住，咁樣到時緣份真係嚟咗我會更加開心。」

阮嘉敏（Mandy）

阮嘉敏（Mandy）

俞可程（Kanis）

俞可程（Kanis）

Amber望透過《女神2》打開「男性社交圈子」
談到有幸參與《女神2》拍攝，Roxanne雖然綜藝經驗豐富，但她卻坦言其實很緊張：「我覺得有啲驚，始終我未玩過真人騷，好驚唔知大家會唔會鍾意我嘅真性情。」至於甚少玩綜藝的Mandy，則反而笑言覺得遇上筍工：「原本我都諗住相睇，咁我相睇要畀錢，依家公司畀埋人工我嚟玩呢個節目，出埋錢畀我搵男朋友，筍工吖！」Amber則希望透過《女神2》，打開「男性社交圈子」。

陳若思（Amber）

陳若思（Amber）

四位女神擇偶條件一覽：
陳若思：溫柔、脾氣好，最好生得高
「我發現自己對住啲高嘅人係會易啲有安全感」
阮嘉敏：冇特別要求
「我要求唔係好高，放膽嚟追我啦。」
何沛珈：成熟、識照顧人、鍾意小朋友優先
「因為我自己好鍾意小朋友，同埋對小朋友好嘅人有機會係個好爸爸」
俞可程：溫柔、照顧另一半、沉靜啲、識煮飯、笑得好睇