「輕功」謎團終揭盅！結局「天使的羽毛」助眾人尋獲繆妙超感動遺言

2023年01月06日 10:59 最後更新：15:03

記得睇大結局啊！

《輕．功》於1月6日晚播映大結局，5日晚一集中最大謎團：十一（黎耀祥飾）是否識「輕功」真相終於揭曉，十一向嵐嵐（蔣祖曼Joman飾）、阿風（朱敏瀚飾）和元植（鄭俊弘飾）坦白：「其實識輕功嗰個，係繆妙（龔慈恩飾）唔係我。」令眾人大為驚喜，背後原因更暗藏洋蔥。原來繆妙當年是為了十一，才刻意隱藏自己識輕功真相……

點擊看圖輯

凌波大廈失火，十一同阿風從高處跳下逃生，情境與當年片場失火相似。

大結局，嵐嵐聽到Duncan話要返香港結婚後即時情緒崩潰，最終結局會係點呢？

十一向大家坦白輕功真相，原來識輕功嘅唔係佢，而係繆妙。

當年片場大火，其實係繆妙用輕功救咗十一！

凌波大廈失火，十一同阿風從高處跳下逃生，情境與當年片場失火相似。

何索出手幫十一推咗高難度籌款活動，其實衰唔晒。

何索只係唔甘心淨係做繆妙嘅替身啫。

其實十一同繆妙都感激何索喺背後嘅付出。

大結局，嵐嵐聽到Duncan話要返香港結婚後即時情緒崩潰，最終結局會係點呢？

龔姐、Joman同朱仔早前齊齊開Live分享拍攝感受。

是集高潮落在劇集尾段，凌波大廈突然失火，十一和阿風被困單位內，此情此境猶如當年片場大火，十一遂憶起當年與繆妙跳落城樓情景；當年十一獨闖火場救出被道具砸着的繆妙，後來兩人被圍困在火海中，十一在危難關頭對繆妙說：「我攬住你跳落去，最多墊你屍底，一個死好過兩個死。」之後兩人相擁從城樓一躍而下，繆妙對於十一捨身相救甚是感動，最後在空中使出「輕功」兼情深望着十一，畫面浪漫。之後鏡頭一轉回到現實，在起火單位發生爆炸之際，十一鼓起勇氣攜着阿風奮勇一跳……

另外，在臨近結局周才出現的何索（龔慈恩分飾），一直忠奸成謎，但根據前一晚她向十一伸出援手劇情，不少網民都留言直指她「奸唔晒」，只是太過「目標為本」，到底大結局會否再有驚人反轉？

觀看相關影片按連結：https://youtu.be/FA_4ild1j54

大結局同樣有驚喜，更會有新元素—「天使的羽毛」登場！事緣十一等人在大火後發現繆妙遺物，並從中找到繆妙留給眾人的線索。就在此時，「身份」神秘的羽毛在眾人身邊「老是常出現」，最終眾人在羽毛指引下，終成功尋獲繆妙臨終前留給十一的遺言，內容更煞是感人，密切留意。大結局另一看點，落在嵐嵐和阿風的感情線上，嵐嵐舊愛Duncan（李日朗飾）回港結婚，更邀請嵐嵐出席婚禮，令嵐嵐陷入崩潰……另邊廂，Yuki（朱晨麗飾）對阿風兒子照顧有加，阿風打算與Yuki結婚給予對方名份，但Yuki最終又會否答應？

觀看相關影片按連結：https://youtu.be/92COb_E9WnY

感情要好的「洪家」，成員龔姐、Joman和朱仔早前開Live與粉絲互動，提到大結局中繆妙遺留下來的信息，龔姐透露：「嗰場戲我自己配音時都係咁喊，淨係對住劇本讀都覺得好感動。」期待指數爆燈。談到《輕．功》被指富教育意義，朱仔坦言拍攝《輕．功》對他來說大有得着：「佢教大家要放輕心態去面對唔同事情，我喺拍攝過程真係抱住呢個心態去做，我好想有一個作品做到生命影響生命，呢套劇正正做到呢樣嘢。」Joman則指單是劇集名稱已令她大有得著：「我初初拍嘅時候係不斷懷疑自己、係咁諗點樣去演，反而係有一日突然諗番起個劇名，個人即刻醒一醒，呢套劇係輕功，點解要諗咁多、擔心咁多？」

往下看更多文章

他們的澳洲駕期｜曹永廉遭蕭正楠取笑「冇腦」兼「冇老」黎耀祥揭「蕭廉」老友之謎：佢兩個都好小朋友

逢周一至五晚10點30分翡翠台播映的旅遊節目《宏利保險呈獻：他們的澳洲駕期》，第一組嘉賓：黎耀祥、曹永廉、蕭正楠的澳駕冬日之旅轉眼來到尾聲。自林夏薇加入後，四人的火花更是「吵鬧」，而今晚一集的重頭戲，自然是三兄弟的深情Mens Talk。

最後兩集由黎耀祥、曹永廉、蕭正楠三兄弟聯同林夏薇擔鋼的《澳洲駕期》，繼續食好西歎靚酒不特止，還體驗了當地的特色動物園、坐船遊曼納姆河流、探訪坐擁過百年歷史、設計特別的酒莊等，三兄弟在旅程尾聲，更齊心協力煮大餐慰勞工作人員，曹永廉乘機一展以往在茶餐廳打工學得的功駕，技驚四座，再次成為熱議焦點。

這個在旅程中碎嘴不斷的三兄弟組合，最後兩集繼續「互相傷害」的同時，還不忘大玩深情。當中馳名「愛妻號」黎耀祥及蕭正楠，先後向老婆大派愛的宣言，由於製作組為四人安排調酒課程，祥哥及阿蕭二話不說將親製紅酒送給「Julia」及「Haha Fish（阿蕭兒子及太太黃翠如暱稱）」，祥哥還不忘隔空冧老婆，並戲言自覺太浪漫：「我希望將來我唔單止送一支酒俾佢，係送個酒莊俾佢，太浪漫啦，我都覺得自己。」至於阿蕭則直言十分掛念太太翠如和囝囝，並承諾未來兩年絕不拋下二人外出工作：「今次都係我離開得翠兒同阿仔最耐嘅時間，我相信呢一兩年內我都未必去到咁長嘅Trip」，不愧24孝爹哋兼老公。

三子在自駕遊前往藍湖（Blue Lake）期間，又詳談「驚喜」Topic，並異口同聲表示沒有。自稱是金牛座的祥哥，自嘲本身已不浪漫，加上太太近乎全天候跟着他開工，故很難炮製驚喜：「我老婆24小時在我旁邊」。曹永廉聞言即驚訝謂：「你拍嘢咁耐佢從來冇離開過你呀？如果佢離開一次，咁就驚喜喇！」說畢三人齊齊大笑。還有一個搞笑位，是祥哥與阿蕭旅途期間忽然「佛心」大發，賣晒口乖讚阿廉「不老」，阿廉即乘機搞Gag問是「冇老」還是「冇腦」，幽自己一默：「大佬，嗰個係冇老定冇腦？（阿蕭搶答：兩樣都冇，你點Keep到兩樣嘢都冇？）」想知阿廉會如何以一實搞笑方式回應「冇腦」及「冇老」兩大謎思，就要密切留意節目。

被林夏薇形容「精力充沛」的三子，去到最後一集尾聲將收起佻皮大玩「真心話」，並在「送給我最愛的Bro」環節中，互相「感激我遇見」，當中祥仔坦言阿蕭和阿廉是自己圈中難得的飯腳：「呢兩個兄弟我識咗十幾年，其實我喺呢行真係私底下會約食飯嘅人唔多嘅，佢哋係其中一班」、「佢兩個都係小朋友，佢兩個點會咁玩得埋哩，就係佢兩個其實都好小朋友。」欲知更多詳情，密切留意今晚播出的《他們的澳洲駕期》。