手寫餐牌字貼字睇到頭都暈 網民 : 可以放到M+代表茶記組別

睇餐牌竟然會睇到頭暈。有網民在facebook專頁以「可能有人會睇到開打MMA」為題上載一張充滿溫度的手寫餐牌相片，獲網友抬舉成「可以放到M+代表茶記組別」。

睇餐牌如賞靚畫又如猜謎題。網圖

網民成功點菜。網圖

有從事設計工作的網民分析「筆者故意字貼字，不作分隔行距同間距，形成一幅有如畫作的餐牌」。另有熟門路的網友知道有關餐廳位於小西灣富欣花園，還指「呢手字好似係個餐廳個阿叔經理寫，佢寫得好靚呀」。

好心的網民提供翻譯版本。網上截圖

網民大都欣賞餐牌內的書法，指「好有氣質！」、「好有style」、「高手在民間」、「被茶餐廳耽誤的書法家！」、「筆格精奇」、「藝術感好重」、「係藝術」、「好靚手字」。有網民還指「手字研究過，苦練過，真係要畀個like果位朋友，但睇得有啲辛苦，繁忙時段啲客同伙記可能會炆」。

有從事設計工作的網民對字體作出分析。網上截圖

網友「問有冇人知E餐價錢後面嗰堆字寫乜？」。網上截圖

答案是「半只，不包餐」。網圖

另有人笑說「好似畫鬼腳」、「識睇睇成塊，唔識睇條界」、「一種新字體，要求開放俾電腦用戶免費用」。由於讀出餐牌的字讓人傷神，有好心網民放出翻譯版本：

「木盆胡椒豬肚雞窩

瑤柱金菇扒豆苗

土魷肉餅拼鳳爪

回味醬爆大腸雞煲

無骨蔥油雞

醬爆雲耳翠肉瓜豬頸肉

醬皇牛柳粒四季豆

蜜桃脆皮咕嚕肉

XO醬西蘭花炒班塊

豉汁蒸倉魚

豉汁蒸雙黃花

清蒸龍躉仔」

另有尋根究柢的網民追問「請問有冇人知E餐價錢後面嗰堆字寫乜？」，再有看懂的高人回覆「半只，不包餐」。

帖文來源：香港茶餐廳及美食關注組

有網友指「識睇睇成塊唔識睇條界」。網上截圖

網友建議「放到M+代表茶記組別」。網上截圖

網友上載另一特別字體餐牌。網圖

網友提供另一特別字體餐牌。網上截圖

有網民提供另一款特別字體的餐牌。網上截圖

網民提供另一款特別字體餐牌。網上截圖

餐牌字貼字如一幅畫。網上截圖

電影《La La Land 樂來越愛你》被不少人奉為無可取代的愛情經典， 2016 年上映時引起了極大的迴響，電影不只締造驚人的票房，更在第 89 屆奧斯卡上橫掃六項大獎。而近日，一對情侶被網友捕捉到在中環終審法院大樓外隨著現場音樂浪漫起舞，讓網友直呼場面猶如「港版La La Land」

threads影片截圖

最近有網民在Threads分享一段影片，一對穿正裝的情侶在皇后像廣場東側的終審法院外，隨住現場音樂翩翩起舞。當時大樓外牆剛好有聖誕燈飾投影，背景音樂襯托下，兩人完全沉浸在二人世界中，甜蜜到爆！

threads影片截圖

threads影片截圖

threads影片截圖

剛好拍下影片的事主指場面猶如「港版La La Land」：「香港人下班後的娛樂，喺中環見到呢對情侶好sweet，經過都被閃盲！」，而事主更向神通廣大的網民求助：「有冇辦法幫我搵返當事人出嚟，想send返條片畀佢哋做紀錄，20年後睇返一定好開心。」真係好有愛！

網上圖片

這段甜蜜影片曝光後掀起大批網民討論，不少人都大讚情侶夠膽做自己，浪漫滿分：「香港好少見到呢啲畫面，要唔理旁人嘅目光都唔易」、「香港人就係需要咁樣放鬆下，唔理人點睇做自己」