近日已婚藝人裕美同無綫藝人黃子恆傳出緋聞，裕美在IG上載三段影片親證與老公林恩浩（Jason）婚變。今日凌晨Jason亦在facebook上載影片交代事件始末，更公開反擊：「黃生，如果你鍾意裕美嘅話，麻煩出嚟認，唔好再畀裕美一個人受千夫所指！」
資料圖
洪永城早在裕美老公的公開呼籲前，已親自「舉報」黃子恆行蹤。洪永城凌晨貼出一張同蔡思貝、黃子恆飯聚照片並留言：「未想放宵夜。」原來一行四人拍劇期間在無綫餐廳大嘆上海小籠包等美食，黃子恒懶理傳聞對住鏡頭邊笑邊食。
網上圖片
今日現身「世界公民獎勵計劃」活動的洪永城，坦言有關心對方，但未有討論太多，只是陪伴對方，對方因負面新聞不太開心：「成件事有啲複雜，佢唔知點處理件事，佢處於被動狀態。（畀意見佢？）我哋昨晚有傾，有同佢分析點處理，但狀態被動，建議佢睇下事態發展點處理先。（黃子恆心情如何？）一般，入面內情大部份我睇報章見到，我唔係好方便講。（裕美要求自己處理事件？）佢冇講。（黃子恆被影到跟裕美入屋又攬腰？）影咗相冇得話唔真，不過等佢回應。」
