《下流》成TVB頒獎禮大贏家 「車家」食開年飯慶功祝人人有得撈

「車太」江美儀表示同「車總」林敏驄八字好夾，可以互相助攻！

今年TVB台慶獎項塵埃落定，「視帝」、「視后」落喺陳山聰及江美儀手上。首拍劇集的林敏驄（大師），亦被網民封為「民選視帝」贏盡口碑。新正頭「車總」林敏驄率「車太」江美儀及細女「蔓蔓」羅毓儀豪食開年飯慶功，男方接受《頭條日報》訪問時就笑言一早攞咗「獎金」（優厚酬勞），更抵死自爆酬勞較易角前的姜皓文還要多。

新一年大家都要開心到爆。

「車總」及「車太」今年會畀大利是「車蔓蔓」。

林敏驄率美儀、羅毓儀食美味豐富開年飯，喺新一年一定要豐衣足食。

去年TVB劇集《下流上車族》叫好叫座，成為台慶頒獎禮大贏家，更以大熱姿態擸埋「最佳劇集」大獎。林敏驄、江美儀及羅毓儀於開年飯局中勁好胃口，開心大啖食「鳳凰展翅」（炸小黃魚）、「年年有餘」（鎮南非鮑魚） 、「包你撈起」（豬筋撈粗麵）及冰鎮咕嚕肉等，笑言大女「芊芊」郭柏妍要開工，要食埋佢嗰份。「撈起」時3人大講吉利說話，林敏驄邊落鮑魚汁邊說：「呢個係Easy執！」江美儀及羅毓儀你一句我一句開心說：「個個有得撈，仲要係撈粗，（落花椒油）有好多油水，搵千千萬萬億億然後上車喇…。」

江美儀、林敏驄、羅毓儀齊齊「撈粗」，期望新一年搵多啲。

要撈到風生水起。

「車太」江美儀爆跟「車總」林敏驄八字好夾，兩人能互相助攻。

江美儀等咗31年終奪視后，老友梁洛施、前夫吳君祥分別發短訊祝賀，美儀承認跟前夫仍保持良好關係，會互相關心，問到有否復合機會？美儀即笑住落閘：「唔好喇啩！畀啲真嘢我嗒吓好唔好？」羅毓儀話「媽咪」行緊正官運，有獎有事業就有老公。江美儀坦言有個伴都好，開心就得，一切隨緣：「不過，我同林敏驄八字係好相似，會互相助攻！」林敏驄表示同意：「佢開工第2日拍感情戲就助攻我，所以要投桃報李，𠵱家佢由『助攻王』變『烏雞視后』。」

前夫吳君祥透過微博恭喜江美儀得獎，美儀忙到冇即時發現。

梁洛施在IG上載繞實出爐視后江美儀的合照

林敏驄及「烏雞視后」主演嘅《下流》獲「最佳劇集」大獎，大師台上致詞時一臉滿足。

《下流上車族》叫好叫座，成為台慶頒獎禮大贏家。

林敏驄、江美儀、郭柏妍、羅毓儀合作愉快，美儀大讚兩女好乖，承諾會畀佢哋大利是。

林敏驄邊食邊爆料：「所以我當日同佢（美儀）講，話『視后一定係你』，但佢唔信！」問到大師係咪早已收到風？他哈哈大笑推說：「因為有人報夢畀我知。」大師再得戚搞爛gag取笑江美儀：「佢拍劇前又緊張，頒獎禮前仲騰雞到去藥房買視后（事後）丸，話對手好勁，食偉哥㗎，要頂住！」大師又再爆多啲：「今次係老竇賺錢老婆同女享福，我係總經理（曾志偉）輩負責派獎，幫佢哋打江山，哈…我連民選視帝都唔要喇，因為攞咗個終極大獎，喺台上俾團隊圍住經已好滿足，連監製都要彈埋一邊。」他又指自己已攞咗『獎金』：「『獎金』唔係差電影好多，志偉仲話我比黑仔（姜皓文）多，我睇錢份上啫。」美儀和應說：「佢攞晒啲『獎金』，所以視『獎品』如浮雲，『獎品』係好虛啫。」

當晚宣佈視帝得主時，候選人林敏驄竟坐喺台下嘉賓席，原來係有玄機。

大師今年再搞作品展，而喺2017年嘅演唱會中曾邀請苟芸慧做嘉賓。

而羅毓儀最想由「爹哋」執導拍《下流》電影版《如珠如寶千千萬萬》，美儀建議叫《車家大戰哈比族》都唔錯。另外，林敏驄將於3月舉行作品展演唱會，「車家」到時會於台上合體一齊唱歌。

羅毓儀憑住一臉童顏成為TVB「御用學生妹」，有好多男粉絲。

男友Mike被指跟林敏驄撞樣，羅毓儀死都話兩人唔似樣。

奪得「飛躍進步女藝員」嘅「芊芊」郭柏妍唔止有演戲潛質仲係學霸，高挑身材都唔差。

林敏驄取笑細女「蔓蔓」羅毓儀行緊狗屎運，半年間人氣急升仲唱埋歌。

26歲童顏羅毓儀愈嚟愈紅，最近更成為星夢娛樂歌手。

無綫綜藝節目《試真 D》逢星期一至五晚上 10 時 30 分翡翠台播映，節目由江美儀、周嘉洛、朱敏瀚、吳業坤及曾展望合作擔任主持。由於《試真D》除了夠Mean、夠真仲要夠膽色，加上五位主持各有特色又有趣，自節目播出後贏盡好評，而值得留意的是，一共15集的《試真D》，久唔久都會以全新形式「試真D」，保證睇極都有驚喜！

周嘉洛單拖入住「照騙酒店」。

周嘉洛以嚴肅又幽默的手法諷刺「酒店」完全圖文不符。

周嘉洛瞓床測試壞了3D影音。

昨晚（4月20日）播出的《試真D》，美儀姐、周嘉洛、朱敏瀚（朱仔）與曾展望（GM）於深圳分別實測住宿、湯水專門店及網紅超市「紅黑榜」食物。在三大實測行動中，以周嘉洛單人匹馬挑戰日租200多港元、但最低評分竟低至3字頭的疑似「照騙酒店」。果然嘉洛仔一殺入酒店，即發現圖文嚴重不符，眼見貨不對辦如此嚴重，嘉洛仔即發揮其一貫超感幽默感，以「金城安廢青」crossover「地產經紀油腔滑調」Style大拋「正面字眼」逐點反諷，同場加映「溫馨提示」，娛樂性極高。

江美儀、GM與朱仔到湯水專門店品嘗兩大補湯。

總括而言，嘉洛仔實測的酒店不但未如照片中漂亮、開揚、闊落，而且很多設施均形同虛設，有等於冇，但嘉洛仔竟仍能一一想出「好處」：「大家見到呢個屋嘅設計……係冇嘅，同我一樣咁平實、有內涵（裝修）」、「呢個廁所我哋採用咗乾濕永不分離嘅設計，只要喺度屙完篤屎，直接掹個花灑洗埋Pat Pat，快靚正，因為我哋知道時間就係寶貴嘅資源。大家留意到啦，個廁所係冇蓋㗎，有蓋你點可以睇到個水位呀？依家有水冇水，一目了然（廁所簡陋）」、「我哋睇睇個景色先，呢個景色幾咁開闊，無論隔籬晾衫你會睇到，開電視你會聽到（冇景觀）」、「你睇吓感唔感受到一絲嘅微風呀？真係半絲都冇㗎…無論係春夏秋冬、微風、狂風、強風都唔會有分別，呢個就係我哋專注嘅（通風差）」、「我哋再睇睇呢個3D投影機…係開唔到嘅，唔係巧合，係心思，因為我哋知道睡眠質素好重要，我哋唔會畀藍光影響你嘅睡眠質素。」最後嘉洛仔回復測試員身份，強烈勸勉大家不要入住。

美儀姐與朱仔食淡定品嘗牛鞭及牛睪丸，GM則食到想嘔兼流眼淚。

手掌咁大嘅蠍子。

江美儀食蠍子食到津津有味。

GM頂硬上食到面容扭曲，但之後話蠍子肉似蟹膏。

GM飲蠍子湯就冇問題。

GM聞牛睪丸難頂到標眼水 指蠍子食落有蟹膏味
另美儀姐又先後率領朱仔GM挑戰網上評分高達4.7分的豪華靚湯，該店特色除了用瓦煲煲湯外，還強調是煲足3小時以上的老火靚湯，客人更必須提前預訂才能享用！而製作組專誠為三位主持預訂的，分別是價值888元（人民幣．下同）的「少爺湯」及268元的「蠍子湯」。「少爺湯」材料包括原條牛鞭、牛尾、牛筋及雞腳等，有補腎壯陽及增強體質的功效，美儀姐及朱仔食後異口同聲指牛鞭質感似牛筋、牛睪丸則味道似雞子，聽落並唔趕客。不過已戒牛的GM雖未有飲湯，但只是聞到牛睪丸陣味已嚇至面容扭曲兼標眼水，十分搞笑。之後有「蟲蟲驚恐症」的GM再挑戰「手掌咁大」隻蠍子，驚到面青的他「本死」緊閉雙眼將蠍子放入口，更食到乸口乸面，雖然他品嘗完說：「有啲似蟹膏味」，但不忘加後一句：「但我本身唔『好』蟹。」笑爆全場。

美儀姐與GM到超市購買「紅黑榜」食物。

三人為了公正起見，邀請監製試食畀意見。

至於網紅超市今年3月的「紅黑榜」（紅榜讚，黑榜彈）實測結果，亦相當出人意表。可能紅榜的食物太受歡迎，他們只找到稱聲減脂期間也能吃的「芝士豬肉法包」，黑榜則有三大「Kam」食品：「姬松茸牛肉酥餅」、「芋泥鹹蛋肉鬆小貝」及「檸檬酸辣去骨鳳爪」。先說紅榜「芝士豬肉法包」，三位實測員直指「未食之前覺得佢好乾」、「麵包香嘅，但我覺得如果焗番熱會好食好多」，有讚有彈，但明顯未覺驚艷。

之後到黑榜食物，先說「姬松茸牛肉酥餅」，三人針對坊間「過甜」及「過油」兩大負評進行點評，三人一嚟先係狂讚：「好多料呀」、「望落靚仔喎」，朱仔更指：「又冇個評論講得咁差嘅。如果同個包對比，我寧願食呢一個」，「食家」美儀姐亦點頭認同：「佢係偏甜，但我覺得唔油，冇講得咁差嘅。」有彈有平反，足證唔係為踩而踩。至於「芋泥鹹蛋肉鬆小貝」及「檸檬酸辣去骨鳳爪」，GM直指「芋泥夾蛋黃好Kam」:「就好似你將燒肉同芝士蛋糕同時一齊食」、「洗潔精味喎」，並認為「黑」得有道理。