網民問身邊有冇「私樓窮人」？ 業主自認：層樓只係紙上富貴

無殼蝸牛與業主各有煩惱。有網民在討論區發帖問「你哋身邊有冇『私樓窮人』」？結果不少網民現身說法，講述業主的貧窮故事。

樓主先行解釋，「私樓窮人」——「講緊佢哋住緊私樓，但真係窮果隻，仔女讀普通學校，食平民嘢，冇乜去旅行，連補習都唔捨得使果隻，名牌又冇乜買，仔女同公屋仔冇分別，連零用錢都唔畀得多果隻」。

有人指食80蚊炒飯都要諗過先。網上截圖

回應的網民指，「我明你講乜，我就係依種人。住私樓，但係只有一層自住，雙親健在都退休無收入，食退休金，無買保險，好驚出大事，所以唔敢洗錢。打份牛工，人工唔高，雖然叫安安樂樂，但係好難儲錢，唔可能成日去旅行，無咩閒錢係投資，好難實現階級超越」。

另有和應的網友指「基本上係住緊大啲屋嘅窮人，叫做有層樓，但層樓只係攞嚟住」。其他回應的網民也自認「私樓窮人」，「我，屋企層私樓供完，其他人以為我屋企有錢，但其實唔係，同緊屋企人住，一樣係好慳家」；「我，住緊私樓但窮到燶，餐餐都要自己煮，仲要食cheap嘢」。有人則具體地指出，「食茶餐廳80蚊一個炒飯要諗過先」。

回應的網民指「我明你講乜，我就係依種人」。網上截圖

成副身家大部分都係層樓度

有網民坦言「得層樓，又冇乜收入，又唔賣得，生活冇改善過」；「好多呢啲，表面上風光，其實平時一出事就大鑊，政府醫院有排搞，私人醫院唔夠錢，覺得有層樓都夠，但其實生活冇改善過囉，間屋都唔係裝修好靚啦」；「供完樓後生活仲窮過住公屋完全唔出奇；成副身家大部分都係層樓度，紙上富貴」。

另有人指，「唔知樓主點define（定議）窮人，如果純粹以消費力去判斷，我諗大多數住緊舊區，e.g. 土瓜灣、灣仔、北角呢d嘅師奶阿叔都係『窮人』，姐係買餸仲要同個豬肉佬講價兼搭條蔥」。不過，有網民就「窮人」定提反對意見，指「住普通區嘅單橦私樓咪好多依啲人囉，樓又供完，又退埋休，現金流可能唔多，但都叫有幾百萬資產揸住啦，點都唔算叫做『窮人』啦嘛」。

有心水清的網民則提醒，「低物欲點同慳同窮，是3樣嘢嚟」。網上截圖

有心水清的網民則提醒，「低物欲點同慳同窮，是3樣嘢嚟」，「窮係洗唔到錢，慳係唔想洗錢，低物欲係冇需要洗錢」。

還有網民引他人經歷指「我識一個人，佢講緊廿幾卅年前已經住緊依家值過億嘅豪宅。但係一樣成日腐乳撈飯，貪平坐叮叮由中西區去北角買餸。啲嘢放壞咗都會照食。窮人都無佢食得咁慳儉。到今日佢啲孫仔女都大晒，佢都係咁樣」。

帖文來源：連登討論區 

設計圖片

有港女發文詢問網民，應否為年過60歲的父母購買自願醫保。她指父母現時僅依賴公營醫療，雖有高膽固醇、初期白內障等小毛病，但仍擔心現在投保「會唔會太遲」，隨即引發網民辯論。

有港女發文詢問網民，應否為年過60歲的父母購買自願醫。資料圖片

反對者指保費高昂條款多

不少網民直言，以樓主父母的年齡及健康狀況，投保可能「唔抵買」，因保費相對昂貴，且可能附帶多項「不保事項」。有自稱業界人士的網民更坦言：「呢個年紀、呢個病歷，唔係你肯唔肯買，係人哋肯唔肯賣俾你」，提醒長者若有心臟病或糖尿病等長期病患，保險公司極可能拒保。

樓主父母年過60。AI生成圖

支持者籲「有心唔怕遲」

然而，更多網民認為「有心唔怕遲」，並分享親身經歷。有過來人表示，為家人投保三年後即不幸患癌，成功索償二百多萬，感嘆「最重要係，你唔會忍心見到佢哋排公立」。另一網民指父親投保十多年，其後在私家醫院花費50萬，保險賠償九成，強調「有能力選擇私或公係已經好好」。

樓主稱「你唔會忍心見到佢哋排公立」。AI生成圖

過來人教路：誠實申報病歷

有網民建議必須誠實申報所有病歷，避免日後索償爭議。在計劃選擇上，可考慮「最高自付費」方案以降低保費，主要應對癌症等嚴重疾病風險。亦有人提議可搭配意外保或具危疾保障的年金產品，為長者提供多重保障。

樓主父母身體有小毛病。AI生成圖

網民總結：量力而為

討論最終未有定案，但有網民以風險管理作結，指為父母買醫保如同博弈，「都係講賠率」，做錯決定代價沉重，但選對策略或能在關鍵時刻換來安心。網民普遍認同，每個家庭狀況不同，應按實際經濟能力與健康情況，諮詢專業意見後再作決定。