讀者重溫偶遇發哥：最紅時在中環幫收垃圾婆婆推車仔上斜路

●「佢最紅時，親眼撞見佢拍戲打燈等埋位時，幫收垃圾婆婆推車仔上斜路。超級善心大好人」。網民並出動Google Map點明位置在中環擺花街，指「就係呢度，當年仲係一間7-11。發哥坐喺門口，見到婆婆大聲問佢：『阿婆～咁夜未收工呀。使唔使幫你手呀？』跟住就幫佢推咗一段路」。

相中有幸與發哥搭枱的女子急問網民意見——搭枱時該跟發哥說甚麼？網圖

●「發哥去我朋友嗰度買一個耳筒海綿 ，佢自己撳鐘入門 ，個個呆咗原來係發哥。因為冇貨，過兩日佢又係自己上嚟，今次我個friend預早通知我哋，個個排晒長龍同佢影相，佢好nice同我哋每個人都傾吓計，來者不拒。我朋友當然唔收佢錢，$10幾蚊嘢 ，第二日佢竟然送個$1000嘅果籃俾我朋友上面寫住生意興隆，多謝你嘅禮物，各位同事工作順利 ！你話有邊個藝人做到 ？幾十年一樣咁好嘅人品！」。

網民出動Google Map，說明發哥幫婆婆推車仔上斜路的位置。網上截圖

●「行山遇到發哥時，與他自拍，發哥搭著我的膊頭轉了個圈，說這樣才不會背光⋯⋯真係忘不了」。

●「so sweet，我睇返我同發哥張合照佢企到頭貼頭，真係都忘不了當刻的開心」。

●「我見過兩次發哥，有一次在太子某餐廳遇見發哥，我第一句同發哥講，hi好耐無見，發哥打招呼回應係呀好耐無見......當時為免打擾發哥無要求合照」。

網民出動Google Map，說明發哥當年在中環幫婆婆推車仔上斜路的位置。網上截圖

●「30年前晚上旺角道，紅燈停車，我駕車跟住一架三菱私家車，伸長頸欣賞前車嘅外型，點知司機轉頭同我打招呼，原來係發哥，開心得我」。

●「我都遇過發哥，喺銀包攞張銀紙畀佢簽名，拎咗張100蚊出嚟，佢叫我收埋仲搶咗我銀包拎張20蚊嚟簽，發哥仲話錢唔係咁用」。

●「廿多年前，係上環巧遇周潤發夫婦同檯食麵，佢哋應該係外地拍完戲，兩個都曬黑咗；最記得佢食咗一啖咖哩牛腩就講~『正呀』」。

有讀者表示「40年前也在太子某餐廳遇上發哥」。網上截圖

●「我都遇過呢，佢食完麵坐定定，我一入去就見到佢然係同佢say hello，佢同我hello返」。

●「記得多年前在伊利沙伯醫院門口遇見發哥過馬路，沒有衝動與他合照（雖然他出名好人，有求必應）；但我亦深記周星馳某劇台詞：敬佩人家是永記心坎中，不用言表」。

有讀者重提30年前晚上在旺角道一事。網上截圖

●「早前行山遇發哥，都只同佢打聲招呼，冇上前強制合照，因為將心比己都唔想被人騷擾！」。

●「上個世紀喺太子見過佢，應該過去始創中心，嗰時重有金公主電影公司喺嗰邊，我完全有種畀佢明星風芒震攝住，唔敢叫佢，唔敢打招呼……我估以後畀我再見到佢（可惜我冇行山），一定夠膽請佢合照……」。

●「我之前係筲箕灣都見到發哥同一班行山友食粉麵，勁貼地，但見佢地聚埋一齊就唔打攪人影相啦」。

有讀者稱「上個世紀喺太子見過佢」。網上截圖

●「我40年前也在太子某餐廳遇上發哥，很歡欣索得他簽名，可惜當年未有手機可拍照。 發哥可否後補？」。

●「我之前在九龍塘某小學做小賣部時都會見到發哥。他很好人，每次見到都打招呼，有一次八號風球後，他還幇手搬被颱風吹倒的樹」。

●「我試過轉彎撞到落人心口，想道歉望到係發哥我呆咗，發哥笑得好開心，我回想起都好開心！」。

有讀者指「以前成日係彩虹邨同佢搭枱飲茶」。網上截圖

●「我以前都試過係先達門口撞咗落發哥度，想道歉果陣望到係發哥，我呆咗唔識出聲」。

●「03年見過發哥⋯⋯喺石硤尾窩仔街徙置區大厦外（當年仲未拆）同保安有講有笑」。

●「喺大埔墟街市分別同佢影過兩次相，佢親手揸機，超級親民超級友善」。

電影《賭城風雲II》劇照。資料圖片

●「我在大年初二都在山頂遇見發哥，他並說：恭喜發財！」。

●「真係試過，九龍城豆腐店，發哥主動問：使唔使影相！」。

●「以前公司樓上係最佳拍檔，見過佢同其他藝人出現」。

電影《喋血雙雄》（左為周潤發） 。資料圖片

●「我見過發哥二次，唔知現在喺邊再可以見到佢呢」。

●「最紅時見過他，也無架子，還和我説笑」。

●「我喺大尾督見過，講緊十幾年前」。

●「以前成日係彩虹邨同佢搭枱飲茶」。

發哥熱愛行山與跑山。資料圖片