*

upload_article_image

校巴司機入校借廁所遭第一城鎖車 網民嘆：一篤尿$320

沙田第一城打擊違泊車輛的鎖車隊，鎖車速度所向披靡，近日向校巴落手的相片在網上流傳。上載相片的網民指「校巴司機叔叔話：我入學校用廁所啫」。

校巴司機入校借廁所遭第一城極速鎖車，網民嘆一篤尿$320

相中見到校巴車輪被鎖上，保安員背向鏡頭。事件引起網民關注，有人感嘆「一篤尿$320（解鎖費），下次司機要車內攪掂啦！」、「竟然夠膽挑戰沙田第一城」。

校巴被鎖。網圖

鎖車隊的效率令網民佩服，形容為「鎖車第一……成功」，「鎖得好快架，來去如風也」。有替校巴司機叔叔不值的網民指「私家車就話泊停車場，校巴都係服務本屋苑居民，人有三急都要鎖車，做法有啲絕」，並氣頂上載剷泥車相片，指「下次揸呢部睇佢點鎖！」，還指不如「俾錢叫拖車去車房拆碌」，也都不付解鎖費。

- 閱讀更多 -

往下看更多文章

decor