大俠，並非一定要風流倜儻、玉樹臨風，以時下的用語，是Feel！
習武六十多年的徐小明，舞起刀來的功架，即使硬照也看出動態的神髓，現場觀賞，他身穿畢挺的西裝、踏着Dr. Martens皮靴，每個馬步，聲音也依舊實在，「依家我每日都仲有練功，除咗套路嘅功夫，氣功都幫助唔少。」
點擊看圖輯
有圖有相，九歲便習武的徐小明，即使手執他口中的「女人刀」（刀身較短），舞起來的功架依然。
十四歲便當龍虎武師賺錢，後來徐小明（中）於麗的（亞視前身）捱出頭來，先當演員，再任監製，米雪（左）與董驃（右）主演的《大俠霍元甲》，就是其監製作品之一。
徐小明於電影《喬峰傳》中，客串「鳩摩智」一角，跟甄子丹打得火花四濺。
徐小明（東周刊圖片）
有圖有相，九歲便習武的徐小明，即使手執他口中的「女人刀」（刀身較短），舞起來的功架依然。
69歲的徐小明，4歲時以童星身份出道，14歲便當龍虎武師賺錢；七十年代開始當歌手，還攞過新人獎；後來兼顧幕前幕後，炮製過《大地恩情》、《大俠霍元甲》等麗的（亞視前身）劇集；廿載後又慧眼識《還珠格格》，打得對手無綫落花流水；其後他轉戰有線，創立驕陽電影⋯⋯每一步，就如其馬步，穩打穩紮。
最近，他為甄子丹作品《天龍八部之喬峰傳》客串「鳩摩智」一角，電影一開場，他便跟宇宙最強硬碰硬。
十四歲便當龍虎武師賺錢，後來徐小明（中）於麗的（亞視前身）捱出頭來，先當演員，再任監製，米雪（左）與董驃（右）主演的《大俠霍元甲》，就是其監製作品之一。
由幕前走到幕後，再由幕後重現幕前，他喜歡的是：「冇乜所謂！當我喺唔同嘅年齡，喺唔同嘅崗位，我都會集中做好佢。呢幾年我少喺幕前，好似淡出咗電影圈，但其實我一直都冇離開過，只係冇喺人嘅眼前見到我嘅工作，「幕前、幕後嘅工作，我都Enjoy嘅，幕前嘅享受係自己嘅；幕後呢，我就享受俾機會啲新人，仲可以同一啲有創意嘅人才合作。」
這個Feel，很「俠」吧？
徐小明於電影《喬峰傳》中，客串「鳩摩智」一角，跟甄子丹打得火花四濺。
翻查資料，徐小明對上一次的電影演出，也是由甄子丹主演，是2014年的《一個人的武林》。「嗰次係時裝，同埋我係唔使打嘅。」當事人笑說。
這次，徐小明要穿着層層疊疊的古裝，拿着具一定重量的兵器，打上打落，五分鐘的對打，拍了五天，「我會客串，因為三個字：甄子丹！初時佢搵一位以前幫我嘅製片經理打俾我，然後就親自同我講，有部戲想搵我幫手。我轉咗做幕後工作好長時間，我以為佢叫我去幫頭幫尾，望吓鏡頭，但係甄生話：『我想你同我演一個角色呀！』我一聽到要打，我成幾廿年冇拍過動作戲，都唔知可唔可以應付甄生呢啲宇宙最強。哈哈！」
徐小明（東周刊圖片）
事實證明，還是可以的。而且，吸引徐小明的，還有另外兩大因素，「甄生好有誠意，晶哥（王晶、《喬峰傳》監製之一）又打電話嚟，咁老友記，真係冇得推！加上我係典型金庸迷，都未曾發現到鳩摩智會同喬峰對打，而改編後，呢兩個角色對打，係呢個戲嘅Opening，我就知，呢個係非常難得嘅合作機會。」
