通關後有人歡喜有人愁。有家庭主婦近日在facebook討論區大呻，指「老公最近成日返大陸過夜」，擔心「上面唔知係唔係有第二個」。回應的網民熱心地抽絲剝繭幫忙分析，大部分人均認為舉動有可疑，甚至斷定情況不樂觀。有網友獻計「話一齊去」、「查佢銀行，尤其消費方式」，這招獲樓主肯定，指「查銀行呢個方法好似唔錯」。
有家庭主婦擔心丈夫「上面唔知係唔係有第二個」。資料圖片
樓主滿腹心事地指，「自從內地通關之後，老公就成日都返大陸，話上去食下嘢揼骨按摩舒服下，有時星期六日放假上去我都理解，但最近佢連放工都走上去。放工之後番到屋企嗱嗱臨食個飯就執嘢走，第二日直接去番工，咁樣番工唔攰咩？
點擊看圖輯
有家庭主婦擔心丈夫「上面唔知係唔係有第二個」。資料圖片
樓主指「老公最近成日返大陸過夜」，擔心「上面唔知係唔係有第二個」。網上截圖
網民起疑心。網上截圖
網民分享自身經歷。網上截圖
回應的網民熱心地抽絲剝繭幫忙分析，大部分人均認為舉動有可疑。
人妻呻老公成日返大陸過夜，網民獻計圖一招封喉。
到埋真係有必要去得咁密咩？我有啲懷疑老公喺上面唔知係唔係有第二個，所以先會咁。但係老公平時對我都好好，去完番嚟仲會買埋嘢食畀我哋。如果唔係因為我要睇住小朋友，我都想跟老公一齊北上，睇下老公到底番大陸做咩」。樓主及後補充，「佢有時話同啲同事一齊去」。
回應的網民大部認為頻頻北上舉行有可疑：
有嫌疑；
可能叫小姐；
你老公多數有二奶；
冇事嘅，逢場作興啫；
睇開D，識返屋企已經算好；
咁耐冇見二奶都可以理解嘅；
肯定有問題啦。。。你咪話一起去咯。。。；
10成去叫G，通返關，多咗咁多靚G，男人貪玩好正常；
咁奇怪去得咁密？上面有錢執呀？通常上得咁密腳，一定有可疑！你唔好信啲男人出去過完夜，返嚟買啲嘢畀你食，就係對你好呀！
樓主指「老公最近成日返大陸過夜」，擔心「上面唔知係唔係有第二個」。網上截圖
有網民坦言，其實樓主「自己心裏面已經好清楚」，並激心地指，「樓主夠大方，可以讓老公上內地過夜不返家，按甚麼摩呀？就算不是包二奶，長期按邪骨唔返家都唔好！家不成家！」，「咁樣成日丟低老婆仔女自己上大陸過夜，點都唔可以界定為對你好好」；「咁情況上得咁密，多數有嘢。返完工食完飯咁急上喎。 明天又要一早返來香港返工。佢唔倦咩。除非上面有第二頭家，焗佢要上去伴人。所以你檢查下佢D嘢。睇下有冇資料」。
網民起疑心。網上截圖
另有網民分享自身經歷：
1.我覺得我老公有去做衰嘢，我都質問咗佢好幾次，但係佢又死口唔認，咁我就算數。費事日日吵大鑊。暫時冇第二個嘅情況，因為佢多數一個月北上一次，堅持話係揼骨加飲酒。
2.我都覺得你老公有可疑，下次你搵機會陪佢一齊上去，睇吓有冇蠱惑啦⋯⋯其實我老公又係一個月上去2次，同埋朋友去揼骨、食嘢、飲酒。因為星期六日我要返工，冇得陪佢一齊去。我當佢去逢場作興，唔係包二奶就算數⋯⋯
3.我未封前都1個月上去1-2次，都係純按摩食嘢，香港骨場太細太趕，用更平價錢享受更多，又浴池又乾濕蒸，幾百蚊睇完波或電影再瞓埋，不過我上去會拍片（技師盡量揀男，貪佢夠力，拍片再掃埋技師入鏡，女友都好放心我上去），有時佢放假再一齊上，坦白講要偷食，我出完骨場再去邪骨都得，不過主要係俾到佢信心，之後上去佢都冇炸型。
4.結咗婚，個老公要自己北上仲要過夜，唔好講你有冇權唔畀，而係佢做得出，我真係唔覺佢有幾愛你？我結婚23年，未有一日老公唔係同我瞓，佢亦唔會丟低我北上。
網民分享自身經歷。網上截圖
不過有網民提醒，「大家唔好再以為香港人好似20年前咁馨香，或者深圳消費仲係咁平。除非你老公搵十萬蚊以上啦，否則都唔可以輕易包到二奶」；「又唔洗諗到咁灰，上面依家包2奶唔同20年前，散餐可能會，接唔接受到就睇你點諗」，並指「隻眼開、隻眼閉。有拿錢返家嗎？咪當冇事。諗咁多自己唔開心」。
有網友則從正面對看，開解樓主：「其實你老公做夜更水貨客，搵多D錢養B」、「會唔會工作有關？」、「咁要相信老公嘅」。
回應的網民熱心地抽絲剝繭幫忙分析，大部分人均認為舉動有可疑。
而除了調查丈夫的洗費外，網民還有其他調查招數，包括「教妳一招，放一盒避孕套在平時放開的地方，記得數目，然後過幾日睇下有無少到」；「叫老公出錢請工人姐姐照顧小朋友，自己搵一份正正式式的工作（唔好兼職），做好隨時離婚的準備（唔係叫你離，係準備），之後再向老公提要求：平日放工唔准再返大陸，周末返大陸揼骨請帶上我」。回應的網友指，「非常同意建議，女人失去搵錢能力就沒曬牙力！」，「一定要出來搵份工，做好兩手準備！」。
帖文來源：香港討論區
人妻呻老公成日返大陸過夜，網民獻計圖一招封喉。
