有港媽在Whatsapp群組圖文並茂自爆虐兒,該港媽疑為女兒拍攝報校影片時,女兒「叫佢坐定就唔答,仲奸笑」,「比(畀)我星咗一巴」,港媽為了遮傷痕竟「搽粉遮紅再拍」,事件在網上熱傳,有網民已就事件報警。
有網民14日在連登討論區發帖揭發事件,引來網民熱議。
樓主在帖文中截圖披露事件:「本身拍片原意係俾學校知你平日生活係點,一個二個搞到變咗表演咁,仲要唔啱心水就打X個小朋友。」
「張圖都係whatsapp group forward 出嚟,如果有幼稚園收到呢份申請,真係要考慮吓報警救吓個小朋友。」
「叫佢坐定就唔答,仲奸笑。」「比(畀)我星左(咗)一巴。」「而家哭都唔敢,坐係度。」女兒被該港媽掌摑後,疑面部留有傷痕,為繼續拍攝,該港媽竟謂「而(依)家搽粉,遮紅印再拍」。
事件曝光後,網民紛紛批評該港媽虐兒行為,有網民已即時透過網上舉報系統,向警方報案。
網民批評:「星咗一巴都夠膽同人講。」「咁細個都打得落手......我報警拉你......」「呢d咪證據囉,叫個呀媽自首啦。」
網民迅速將涉事家長起底,該家長設有FB專頁,有網民截圖指,該港媽疑有「前科」,曾懷疑女兒扮手痛。該專頁在疑似虐兒事件14日曝光後已關閉。