林盛斌多次飲到斷片「鬧事」 自爆試過飲醉而激嬲老婆

 胡杏兒日前為老公李乘德（Philip）慶祝50歲生日，邀請了不少好友出席，不過今次發生了小插曲，事緣胡杏兒在現場設有Live Band，身為女主人的胡杏兒當然唱吓歌助慶，其中一段片見到有份出席生日會的林盛斌和崔建邦high爆上台「鬧事」，結果被現場嘉賓大叫：「落返嚟啦！」其後林盛斌與胡杏兒合唱期間，臉紅紅的林盛斌更一度「嗌爆咪」，結果搞到胡杏兒最後「棄咪」，幸好林盛斌今次只屬輕微「鬧事」，有醉酒鬧事前科的他，多次試過在喜慶活動上「飲大咗」險，又試過爛醉斷片回家而被太太鬧。

胡杏兒日前為老公舉行50歲生日，邀請好多朋友出席！

陳智燊都有份出席。

胡杏兒同林盛斌合唱！

林盛斌「嗌爆咪」！

七情上面！

崔建邦和林盛斌亦係嘉賓之一！

林盛斌曾經在節目上講過，試過因為飲醉而激嬲老婆：「嗰陣啱啱結婚冇耐，嗰時同幾個朋友夾份開酒吧要應酬，喂，Bob，依家落嚟呀，你過唔過嚟，咁嗰陣又開緊咪，開完咪之後又要去喇。」他稱有時會飲到清早才有機會返家，還要斷晒片：「我試過去咗個衣櫃度，以為係廁所屙咗篤尿，屋企個門口又試過，入到自己屋喺個睡房門又以為係廁所，有好幾個月，嗰段時間就係我老婆話得我最緊要嘅時侯！」

崔建邦和林盛斌兩人突然自薦上台，殊不知被台下賓客「嫌棄」！

崔建邦和林盛斌兩人突然自薦上台，殊不知被台下賓客「嫌棄」！

崔建邦有點尷尬地為自己打圓場。

崔建邦不停用手勢示意向林盛斌叫停。

崔建邦不停用手勢示意向林盛斌叫停

不過林盛斌未有理會。

最後胡杏兒完全放棄讓由Bob獨唱！

在2015年，林盛斌在錢國偉婚宴上，當一班「古惑佬」台上唱《友情歲月》的時候，突然衝上台，搶咪之餘仲要爆粗，事後有指他辣㷫陳小春而被人追打，離場時又突然連咀扶他走的梁競徽，第二日林盛斌酒醒後知衰，承認「斷晒片」兼失控，向陳小春及錢國偉道歉。

喺何雁詩婚宴又飲醉咗！

試過在錢國偉婚宴上醉酒鬧事。

要梁競徽扶住走。

個樣好醉喎！

同梁競徽連咀。

同梁競徽連咀。

他又試過在張美妮的婚宴上，居然對住大王安德尊大聲叫佢「收皮」，其後兩人被TVB安排合作拍節目，據講兩人在鏡頭後大打出手，結果被高層召去「深切了解」。與此同時，有一次張建聲在《沒女神探》慶功宴玩社交App直播，飲醉的林盛斌煲住煙不停入鏡，對住鏡頭舉中指又大爆 「X你XX」。

林盛斌又試過到張繼聰的家中團拜，有傳當晚他飲多兩杯之後，在張繼聰家中周圍食煙兼大聲講嘢，搞到大肚的謝安琪下逐客令，事後兩人否認此事，謝安琪稱當晚傾小朋友讀書傾到好夜，仲煮麵給對方吃完才離開。此外，在2020年何雁詩跟鄭俊弘婚宴上，林盛斌被指於餐廳內多次大聲爆粗，離開時要人攙扶。

林盛斌又試過到張繼聰的家中團拜，激嬲謝安琪！

林盛斌飲酒多次飲到斷片 自爆曾在家中多處小便

4大嘉賓鬥數「襟撈」三大型男當中一人更是國際級知名人士！

清談節目《MORAZ天然草本驅蚊靈呈獻：Mayanne小喇叭》由麥美恩（Mayanne）擔任主持，曾展望（GM）擔任助理主持，19日10點半翡翠台播映最後一集。Mayanne邀來林盛斌（Bob）、朱咪咪、吳若希及袁偉豪（Ben）擔任嘉賓，大談「襟撈」定義兼八卦地狂數三名「襟撈」型男，分別是郭富城、碧咸及陳豪！事緣阿Bob談到「願意合照」是藝人襟撈其中一個準則時，Mayanne興奮地大談與碧咸的一次同台經歷：「當時我做MC，安排緊啲客同碧咸影相，佢就擰轉頭同我講『Would you like a photo as well？』」隨即引發全場尖叫，城城則獲阿Bob點名讚「合照來者不拒」。阿Bob又謂「願意合照」其實是藝人絕佳公關：「嗰個人搵你影相，係因為佢鍾意你，佢咁同你影第一佢好開心，第二可能放社交平台讚吓你。」阿Bob續指農夫亦相當識做：「有時面對一啲新人或業餘主持人，佢哋上台前會問製作單位位主持叫咩名，上到台就會叫嗰個人個名，個主持人就覺得受尊重。」即場被票選為「襟撈」代表的阿Bob及咪咪姐，更大方分享演藝界「襟撈」金科玉律，密切留意。

最後一集嘉賓有吳若希、袁偉豪

朱咪咪同林盛斌

Mayanne講番當年碧咸主動問佢使唔使合照時，吳若希瘋狂尖叫。

袁偉豪成功過渡看淡負評：最好唔好講嘢

至於被即場票選為「唔襟撈」代表的吳若希，及舉手自認唔襟撈的阿Ben，亦先後獲機會「自辯」。其中自與太太張寶兒結婚後飽受不少負評的阿Ben，直認當初確實介意，但現在已看化：「我覺得你可以有自己睇法，但最好唔好講嘢，唔好喺網上表達自己意見，就算好簡單講句『我唔鍾意』，每個人接收你嗰句唔鍾意都有唔同睇法。」、「其實普遍大部分觀眾都唔認識我，同時仲會對我多咗個睇法，自己喺工作上努力咗咁多年會覺得唔抵；為頭家點點點，到頭來都有網民對你有另外睇法。當然嗰個係一個階段，呢刻你問番我，人生其實幾咁美好，生咗小朋友又可以同小朋友玩，亦冇咁在乎得失同人哋評價，咁其實就冇嘢。」阿Ben說畢，Mayanne及現場嘉賓即爭相指他放鬆了不少，對此阿Ben搞笑謂：「如果咁都唔鬆，真係唔使再撈喇！」

對於網民嘅聲音，袁偉豪明顯睇淡咗好多。

吳若希親解頒獎禮Over舉動背後真相

四位嘉賓還大派花生，Mayanne重提吳若希當年在《勁歌金曲》頒獎禮中，當宣布菊梓喬獲得女歌手獎時，如何overreact令全場爆尷的往事：「我喺個台度心諗：『吳若希你收斂少少好冇呀？你興奮過得獎嗰個，唔該你坐番低啦！」』吳若希即解畫謂：「因為我好緊張，當刻我心諗我未夠班，千祈唔好頒畀我呀，我攞咗又要畀人鬧喇。」Mayanne續指當時大會司儀都在台上盤數如何為吳若希打圓場，咪咪姐聞言即搞笑搭嗲：「點兜啫，做到咁出面！」Mayanne繼續「針對」若希謂：「我成日懷疑點解佢仲喺呢行，佢成日辣著網民，我同佢影合照放社交平台，啲人會喺我度留言問我點解仲同呢個人做朋友。」並指若希出事原因是經常「公審」老公，咪咪姐聞言勁驚訝：「呢啲私隱做乜擺上網？」到底自封「小辣椒」的吳若希會點樣回應？

對於吳若希喺網絡「公審」老公，咪咪姐大表費解。

咁到底吳若希會點回應？

Mayanne重演番吳若希當年喺頒獎禮失態一幕。

吳若希就解釋番當時嘅心情。

至於阿Bob的大型花生，就是當Mayanne問他接Job有沒有底線時，他揞名爆曾推掉一部三級片，隨即惹起哄動，阿Bob更會娓娓道來當時推卻邀約的真相！之後若希追問：「如果搵你好似黎諾懿要露半個pat pat呢？」阿Bob竟爽快以五個字答案回應，到底又是甚麼？另阿Bob還親述曾親自回應網民負評的往事，最終成功將嬲到爆粗留言的網民最後變成留言為阿Bob打氣，打底阿Bob如何以奇招化解戾氣？密切留意今晚最後一集《Mayanne小喇叭》。

阿Bob一講話曾經有人搵佢拍三級片，震撼到Mayanne即刻企起身。

吳若希追問林盛斌裸露底線，阿Bob個答案當然絕啜核啦。

吳若希追問林盛斌裸露底線，阿Bob個答案當然絕啜核啦。

阿Bob講番當年同細細粒嘅激烈親熱戲時，一度嚇親咪咪姐。

對付負評，阿Bob有自己一套嘅應對方法。

呢一集曾展望會為自己一件好唔識撈嘅往事公開道歉，到底咩事咁大件事？